Berdelaedjes

[lucyin]

Signes di pleuve

Nosse tchèt passe l’ orèye,
Ci n’ èst nin po rin !
L’ djâle marîe si fèye,
Èt nos v’la co d’dins !

Choûte on pô lès rin.nes :
Qué brut qu’ èles féjant !
Dj’ ârans d’ l’ êwe, Hèlin.ne :
On n’ n-è d’mandè tant !

Jane èst tote crolée
Dispûs deûs-treûs djoûs,
La lune èst cèclée :
Sûr qui d’mwin i ploût !

Batisse, vost’ aguèce,
Qui pinse-t-èle do timps ?
- Èle si hagne , li bièsse
Dj’ ènn-ârins co bin !

-Aye, mès roumatisses
Mi f’jant co soufru !
On drole dè tchinisse,
L’ timps qui va riv’nu !

Èt vosse baromète,
Qu’ èst-c’ qui dit, Gaston ?
-Li timps va s’ rimète !
S’ i n’ ploût nin, … frè bon ![/b]
_________________
Li ci ki n' a k' on toû n' vike k' on djoû.