Berdelaedjes

[Èl-Gueuye-Noere]

Est-çk' el no d' famile « Bodson », c' est co on ptit no k' a divnou no d' famile ? Avou ça, comint çk' on l' escrireut e rfondou ? Sol waibe des 2000, dji voe ciste ortografeye ci : « Bôdson ».
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.

[Èl-Gueuye-Noere]

Notez : on-z ertrouve « Bodson » eyet « Bôdson », mins « Colson ». K' e diss avou ça ?
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.

[lucyin]

Bodson; bodje Bod- / Bôd- vinant do ptit no tîxhon "Baldo". Sorlon Herbillon, li "o" est court si l' mot a passé e walon do Levant avou l' accint sol divant-dierinne sillabe. Ôtrumint, il est dmoré long : -ald- => -åd- / -ôd-.

Nos d' famile : Bode / Bôde, Bôdård / Bodåd, Bodlet; Bodson / Bôdson.

E walon : Bôdson, Bôdård / Bådré, Bådot. E francès (estat civil) soeye-t-i Bod, soeye-t i Baud (Bodson / Baudson).

"bôdård" a divnou on sustantif = fr. bandit

https://wa.wiktionary.org/wiki/b%C3%B4d%C3%A5rd

Po Bodson / Bôdson (cåzu Bondson), dji nel kinoxhe nén come kimon no. André Gauditiaubois l' aveut propôzé po les catoûs (ronds ponts), k' avént stî fwaits tocosté do tins d' on minisse des transpôrts lomé Bôdson.

Li rîle di passaedje dins ces "bodsons" la, dj' el di todi insi (cwand dj' a-st aprins mes efants a moenner, et i l' repetèt voltî): c' est l' ci ki toûne ki passe
_________________
Li ci ki n' a k' on toû n' vike k' on djoû.