Berdelaedjes

[Scribus electronicus]

Bondjoû mes djins,

Kimint dire "vénérien", "sexuellement transmissible"?

Fåreut trover on mot nén trop måhonteus ou ahontixhant po les malådes et k' on pout åjheymint comprinde.
Dj' a pinsé à
cougnåve
Mins eco mî a
tchouftåve
Tchoufter a l' sinse di "diner toplin d' båjhes", aprume po les hanteus ou les copes et s' a t i don ene ledjire xhiltance secsuwele. Li sinse, veyoz vs, est don clair sins esse måhonteus.
Pår ki ces herikes ni s' hapèt nén seulmint di manire "classike" mins ossu tot eployant s' boke po ôte tchoi...
Egzimpes :
Li sifilisse e-st ene maladeye tchouftåve.
Ni dnez nén vosse sonk si vs avoz ene maladeye tchouftåve.

Dji n' eployrè nén li cawete -rece, ca li sinse e-st ene sacwè ki pout esse (§transmissible) et nén åd fwait di.
_________________
Araedjî waloneu prete a rvindjî si mancî lingaedje

[lucyin]

li cawete -åve = ki pout esse + pårticipe erirece => i fåt on viebe å coplemint. Ni "tchoufter" ni "cougnî" n' vont nén : on n' cougne nén l' sifilisse, on n' tchouftêye nén l' sifilisse.

"se transmettre" po ene maladeye, c' est "si prinde" :
ça s' prind ås djins, les ploketes volantes do séndje ?
=> ki pout esse prijhe = prindåve [transmissible, contagieuse].

=> maladeye prindåve på seke / maladeye atrapåve på cougnaedje.

Dj' a ptchî l' prumî: prindåve est ddja 8 côps sol Wikipedia, prindåves (pluriyal) 9 côps, on côp pår e-n on tite:
https://wa.wikipedia.org/wiki/Prind%C3%A5ves_bocr%C3%AAs_%C3%A5s_bedots

Pol divancete, on pout prinde "di" (divancete "pus walone" del vwès passive)

=> maladeye prindåve do seke.

Mins ça pout esse brouyî [obscur, ambigu]: li sifilisse est prindåve PÅ seke, mins gn a waire di damadjes [lésions] ås pårteyes, si dj' el tén bén.

maladeye prindåve på seke
_________________
Li ci ki n' a k' on toû n' vike k' on djoû.

[Scribus electronicus]