Berdelaedjes

[Scribus electronicus]

Li E203 a deus diferinnès intrêyes po hèvné et chevné.

Endè fåreut fé deus årtikes, pinse dju.
_________________
Araedjî waloneu prete a rvindjî si mancî lingaedje

[Pablo Saratxaga]

Vey eto cisse bate di dvizes d' i gn a cwatre ans :
https://wa.wiktionary.org/wiki/Sujet:Vxxmz52f066a3uug

Li viebe rifondou "tchevner" (=tijhner) shonne bén aveur des disfondows avou "h" (li viebe "hevné" di E203 c' est bén l' minme do côp).

Dins E203, i gn a eto "tchevner", k' est defini come "fé cure so les braijhes", c' est on sinse k' on n' ritrouve nén dins l' intrêye DTW po "tchevner" => endè fé ene intrêye a pårt (parey pol derivé "tchevnêye" (chèvnaie); amagnî k' a stî "tchevné")

(i gn a eto èn ôte viebe "hevner" (xhevner?) avou l' sinse di screper, fé des rinneures; i gn a motoit on loyén avou tchevner/havner (=tijhner, on fwait des rinneures dins les braijhes et les cindes); mins la eto s' end a onk, il est foirt tene.)

[Pablo Saratxaga]

Dins E203 dj' a trové eto l' mot "tchevnî", des bokets d' braijhe et d' cindes ki plakèt a çou k' on cût (cwand l' for n' est nén bén netyî).

Li mot n' a pont d' intrêye da lu; mins on l' trouve dins ene fråze d' egzimpe po "schovioner" :

Kwan on néglich li hoûvionech dè for, gna dè chevnî ki plakè-t-â pan : quand on néglige d’écouvillonner le four, il y a de la braise adhérente au pain.

Dji l' radjoute dins l' DTW.