Berdelaedjes

[Èl-Gueuye-Noere]

Bonswer,

Dj' a veyou èn årtike so l' atriplex halimus. Lucyin, a ki dj' a-st evoyî copeye do sudjet, a-st edvinté li mot do tite. C' est on calcaedje di l' inglès : Mediterranean saltbush.

https://wa.wikipedia.org/wiki/Atriplex_halimus

Problinme, do moens po mi : c' est scrandixhanmint lon. Dji n' a rén conte prinde des ôtes lingaedjes. Tot vnant d' l' inglès, on pout fé « såtbouche », virpus « såtboushe del Mîtrinne Mer ». Dj' aveu, aprume, sondjî a rprinde li cogne latene po dner « halimousse ».
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.

[lucyin]

Po tos ces mots la edvintés, oyi, gn a 36 voyes; on vierè kimint mete tos les atåvlas so l' artike (mins cisse samnwinne cial, dji scole les efants d' Transene : 24 eures di scole po troes liveas).
_________________
Li ci ki n' a k' on toû n' vike k' on djoû.

[lucyin]

... del Mîtrinne Mer ni va nén, ca ci n' est nén ene sacwè k' est dins l' aiwe.

halimousse n' est ki li "ptit no"; fåreut "atriplé halimousse". Por mi, c' est trop spès [néologisme obscur].

Dji voereu po voltî li calcaedje di l' inglès "saltbush". Pol prumî boket, dji prindreu li vî bodje di "sé" k' i gn a dins "sånî" => sånbouxhe / sånibouxhe

dji freu èn addjectif po "mediterranéen" => mîtrinnmerrin (4 sillabes) estô d' 6 e francès).

sånibouxhe mîtrinnmerrin (7 sillabes); l' inglès "Mediterranean saltbush" end a 8. => dji respetans li rîle des "noûmots nén pus longs".

Pol comprindaedje våreut mî "bouxhon" => on rest come l' inglès a 8 sillabes.
_________________
Li ci ki n' a k' on toû n' vike k' on djoû.