Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Motî teyolodjike.

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: sem 03 set, 2005 21:48:49    Sudjet: Motî teyolodjike. Responde tot citant

Bondjoû a tertos!

Po des arokes di ratouraedje do motî teyolodjike, dji vos preye di taper on côp d'ouy cial. Gråces!
Rivni al copete
Vey li profil di l' uzeu Evoyî on messaedje privé
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: sem 03 set, 2005 21:50:15    Sudjet: EXOMOLOGÔ / CONFITERI Responde tot citant

Dji n'sai nén comint ratourner li grek "exomologô" (lat. "confiteri"). Ç'n'est pont d'cofesser ses petchîs, come on l'croereut tot d'shûte, mins fé ene porfesion d'fwè.

E roumin ons eploye "a mãrturisi" («esse temon/mårtir») u "a lãuda" (fr «louer»).

Li Pere Lecomte l'a ratourné avou «si dire po»: "Li ci k's'årè dit por mi dvant les omes, mi avou dji m'dirè por lu dvant m' Pére k'est e cir." (Matî 10:32).

Dji m'a metou a ratourner come ça, mins ça shonne... dji n'sai nén comint. Dire «dji m'dirè po vosse sint No»? Ça rshonne a sacwè? Si c'est oyî, dji l'leyrè come ça. Mins si ça n'rishonne a rén, dijhoz-m'el, et dire co çou k'i fåreut mete.
Rivni al copete
Vey li profil di l' uzeu Evoyî on messaedje privé
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: sem 03 set, 2005 21:50:59    Sudjet: ADIKEIA / INIQUITAS Responde tot citant

Comint dirîz çou k'est disconte l'abondroet, foû d'passer pa l'francijha "injustice"?

Dj'a metou «çou k’n’est nén djusse», mins ça n'va nén trop. Adon, li fråze "in verticem ipsius iniquitas eius descendet" divegnrè e walon: «çou k’n’est nén djusse dischinde ådzeu di s’tiesse», çou ki n'rishonne a rén.

U i fåreut mia eployî des mots come «stoidaedje» u «toirtchaedje» (avou stindaedje di sinse)? U co fé on noumot: «disdroet»/«disdroeteû»?
Rivni al copete
Vey li profil di l' uzeu Evoyî on messaedje privé
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: sem 03 set, 2005 21:52:26    Sudjet: Spir / spér(e). Responde tot citant

Cwè vout dire li mot «sper[e]» («spir» a Nameur) po d’bon? D’ewou vént i? Do viebe "sperare", u pus rade do no "spiritus"? A m’shonnance, c’est l’deujhinme. Mins i m’shonne ki ci mot, «sper» a roté l’minme voye ki l’inglès “ghost”: å vî timp on djheut: “the Holy Ghost”, mins ouy li mot “ghost” fwait tuzer pus rade aux diales. Savoz, li mot «esprit», on l’voet bén, c’est on francijha. Poreut-on li rplaecî avou «spir»? Ké dijhoz?
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 04 set, 2005 0:53:33    Sudjet: Re: Spir / spér(e). Responde tot citant

Djor scrijha:
Cwè vout dire li mot «sper[e]» («spir» a Nameur) po d’bon? D’ewou vént i? Do viebe "sperare", u pus rade do no "spiritus"? A m’shonnance, c’est l’deujhinme. Mins i m’shonne ki ci mot, «sper» a roté l’minme voye ki l’inglès “ghost”: å vî timp on djheut: “the Holy Ghost”, mins ouy li mot “ghost” fwait tuzer pus rade aux diales. Savoz, li mot «esprit», on l’voet bén, c’est on francijha. Poreut-on li rplaecî avou «spir»? Ké dijhoz?


(e rfondou li scrijhaedje c' est spér, avou l' cåzu-betchfessî "é")

mi ça m' shonnreut foirt drole d' eployî "spér" dins ç' sinse la;
oyi, c' est bén etimolodjicmint l' minme raecene k' "esprit",
i vnèt ambedeus di "spiritus"; mins, enute, il ont des sinses diferins;
si vos eployîz "spér" el plaece d' "esprit", les djins vont comprinde ene
sacwè diferinne di çou k' vos lzî vloz dire.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Guest






MessaedjeDate: dim 04 set, 2005 8:37:38    Sudjet: Re: ADIKEIA / INIQUITAS Responde tot citant

Djor scrijha:
Comint dirîz çou k'est disconte l'abondroet, foû d'passer pa l'francijha "injustice"?

Dj'a metou «çou k’n’est nén djusse», mins ça n'va nén trop. Adon, li fråze "in verticem ipsius iniquitas eius descendet" divegnrè e walon: «çou k’n’est nén djusse dischinde ådzeu di s’tiesse», çou ki n'rishonne a rén.

U i fåreut mia eployî des mots come «stoidaedje» u «toirtchaedje» (avou stindaedje di sinse)? U co fé on noumot: «disdroet»/«disdroeteû»?


I gn'a ène difèrince èteûre "iniquité" èt "injustice", tot come inte "mwê" èt "nén djusse", "twârdu" èt twartchî", l' "abondroet" èt l' "sicrotaedje".

Si "spêr", "spîr" vout pus râde di nos djoûs dîre "rivnant", "spectre", "aparicion", l' mot vént bén di "spiritus".
C'ki vos vèyoz voltîye come des "francizaedjes" (trop tård po lès rikandjî kwand ça rmonte à dès razans) pokwè volu mète à leûs plaeces dès chaltants èprustaedjes ds ôtès linwaedjes ? N' rovièz nén ki l' walon a stî suké, poké, rifté, cougnî, fwârcî ossi bén pau tixhon k' pa l' èspagnol èt l' "novia" françès k' èst bén pus djonne ki li !!! Èt l' latèn d' oridjine n' èstéve nén li minme dèl pus bèle eûwe d' èglîjhe...

I gn'a dès lîves di mots come li HAUST, l' GRANDGAGNE èt li PIRSOUL, mins èto d' "vî françès" ki, po dîre pus djusse, duvrîne ièsse ribatîjîs è "d' roman" o minme "di walon". Vos duvrîz à tawanète vos î plonker èt z-î vîre ki, tot conté tot rabatu, on a waurdé branmint di c'k'on po trover dins lès vîs sicrîjaedjes do Mitrin-Âdje.

Waï, oyi, si l' tèyolodjèye n' èst nén walonidjîe c' èst paceki lès bons zabés donîne li catéchisse è l' francès. Lès flaminds ont fini pa awè leû ABN paceki, zèls, ont stî "èduké" pa lès bons pés dins l' vondèltaal... C' n' èst po ène on deûs mèsses l' an ki... (èt co, c' n' èst nén dispû si lontins k'ça !).

Vola pokwè vosse fèye èst malåde...
C' n'èst nén tant d' kandjî sès linçoûs , c' èst l' sognî po l' èspêtchî d' moru ki vos faut fé ! Si ça continuwe l' walon n' va pus ièsse ki dins dès lîves roviyîs dins lès poûssêres dissus l' plantchî do gurnî.

Bien sûr, n' est-ce pas donc hein, il voguera à jamais au sein de l' ether d' internet dans les méandres de Wikipedia pour l' inestimable bénéfice d' un Patagon ou Sibérien chercheur. Oh, l' ineffable joie d' avoir conscience qu' il nous va ainsi survivre !
Rivni al copete
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dim 04 set, 2005 10:30:25    Sudjet: Re: EXOMOLOGÔ / CONFITERI Responde tot citant

Djor scrijha:
Dji n'sai nén comint ratourner li grek "exomologô" (lat. "confiteri"). Ç'n'est pont d'cofesser ses petchîs, come on l'croereut tot d'shûte, mins fé ene porfesion d'fwè.

E roumin ons eploye "a mãrturisi" («esse temon/mårtir») u "a lãuda" (fr «louer»).

Li Pere Lecomte l'a ratourné avou «si dire po»: "Li ci k's'årè dit por mi dvant les omes, mi avou dji m'dirè por lu dvant m' Pére k'est e cir." (Matî 10:32).

Dji m'a metou a ratourner come ça, mins ça shonne... dji n'sai nén comint. Dire «dji m'dirè po vosse sint No»? Ça rshonne a sacwè? Si c'est oyî, dji l'leyrè come ça. Mins si ça n'rishonne a rén, dijhoz-m'el, et dire co çou k'i fåreut mete.


“C’ èst don pokwè, po likèn s’ ara dit padvant lès omes ièsse por mi, à m’ toû, pa-padvant m’ Popa k’ èst là dins l’ès cîrs, dji m’ va cauzer por li; mins likén m’ ara tapé djus padvant lès omes, à m’ toû, dji mèl va taper djus pa-padvant m’ popa k’ èst là dins lès cîrs.”

“C’ èst pokwè, si vos rotèz por mi, dji m’ vos va aspaler po lès bounès plaeces adlé m’ popa k’ a tot-à-dîre; si vos m’ èburtakèz, l’ èst shûr ki dji n’ vos va nén manker l’ djoû do discrauchaedje.”

Tant k'a ièsse tèmon d' ène sakwè, i fauréve mostrer k' on è-st-ène sakî. Èt on pout tèmwègnî tot dimèrant gawdieûs...
Dîre k' i n' dimère nén pont on vî parfond d' rancune dins tos cès sicrîjaedjes là ça sèréve d' aler ène miète râde. Nonna ? Èt adon kwand on è vwèt shûre pîd à pîds l' corant èt fé pèter lès astantches...
On a bau dîre, l' confitèri èt l' djèlêye, c' n' èst nén parèy.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Yernaux



Date d' arivêye: 2005-07-07
Messaedjes: 10
Eplaeçmint: Tcharlerwè

MessaedjeDate: sem 10 set, 2005 12:11:10    Sudjet: Holy Ghost Responde tot citant

Djor scrijha:

Cwè vout dire li mot «sper[e]» («spir» a Nameur) po d’bon? D’ewou vént i? Do viebe "sperare", u pus rade do no "spiritus"? A m’shonnance, c’est l’deujhinme. Mins i m’shonne ki ci mot, «sper» a roté l’minme voye ki l’inglès “ghost”: å vî timp on djheut: “the Holy Ghost”, mins ouy li mot “ghost” fwait tuzer pus rade aux diales. Savoz, li mot «esprit», on l’voet bén, c’est on francijha. Poreut-on li rplaecî avou «spir»? Ké dijhoz?


Poul Saint Esprit, sayî d' pinser ki l'evangile a stî scrî in Grec eye k'in grec Spiritu Sanctus si dit Agia Sofia, çu ki n'a måye plé auzès bon pères paski Sofia est féminin....
on poreut dire ainsi : Li Sainte Sutisté ... (P.egz.).
Rivni al copete
Vey li profil di l' uzeu Evoyî on messaedje privé
Guest






MessaedjeDate: sem 10 set, 2005 15:06:24    Sudjet: Responde tot citant

Mins come li sins prumî èst "sofla", si c' n' èst nén Sint Ahan, c' èst Sint Sofle, Sint Soflèdje ki ça duvréve ièsse !
Vola don c'ki dji vos chofèle. Tant k' a ièsse sipèpieû, ostant rivnu aus soûrdants.
Rivni al copete
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group