Berdelaedjes

[lucyin]

Å raploû do moes d' may 2025, Pablo & Dåvide ont decidé di rprinde li bodje min- come bodje A di ç' viebe la, et di tote li parintêye. Totes les waibes Wikipedia ont stî rcandjeyes sorlon çoula (ça a prins èn araedjî tins). Pareymint pol ricoridjrece Aspell.

Mi-minme, djusse divant l' decidaedje, dj' aveu tuzé - et lzî dire, mins on n' s' a nén comprins insi - k' on pôreut eto prinde ci bodje la (min-) mins come dobe rifondowe do bodje moenn-.

https://berdelaedje.walon.org/viewtopic.php?p=8861#8861

Dispu don, dji saye d' apliker l' rîle decidêye, mins dj' a des rujhes, aprume avou les parints u codjowas les pus simpes.

1. "mineu" a ddja 2 ôtes sinses. (=> dji wåde "moenneu").

2. po rfonde des tecses d' après Nameur avou "mwinrn-" u d' après l' Årdene (avou mon.n- u môn-), dj' a ptchî di wårder li betchfessî -oen-, bråmint pus près do mwaisse sicrijhaedje.

Come dedja dit, i m' shonne ki li bodje min- di Lidje, c' est on francijhaedje ou picårdijhaedje vinant di "mener" (come poenneus <> peneus). Li cogne mon.ner a dvou esse rissintowe come "peupelrece" (payizante). Come po "Lidjeû" (vraiye cogne lidjwesse, come Spådeû, Namureû), k' a stî rcandjeye a "Lidjwès", copiaedje del cawete francesse -ois.

Li disfondowe del Fåmene "mîner" (Alexandre, Mostenne), ça pôreut esse ene disfondowe di "moenner" (come "pîne", c' est ene disfondowe di "poenne).

Les cognes avou min- ni serént fok ki do lidjwès => nén lådje oyowe assez po spotchî les cognes pus tipikes avou -oenn-.
_________________
Li ci ki n' a k' on toû n' vike k' on djoû.