Berdelaedjes

[Scribus electronicus]

Bondjoû mes djins,

Pocwè nén rfonde l' addjectif "divin" avou on long "î" ?

A m' shonnance, gn a deus bounès råjhons po çoula.

Prumirmint, on riskêye do cmaxhî l' divancete "divins" avou l' addjectif "divin", pår amon les lidjwès.

Pol rawete, on ndè pout fé ene sorwalonde.
_________________
Araedjî waloneu prete a rvindjî si mancî lingaedje

[Scribus electronicus]

I fåt ossu vey cwè avou l' cawete et l' femrinne cogne

dîvin, dîvine (E1)

dîvin, dîvinne (E203)

dîvén, dîvene (E203, FrBcj)
_________________
Araedjî waloneu prete a rvindjî si mancî lingaedje

[Pablo Saratxaga]

C' est paski e rfondou on n' mete nén d' tchapea so les voyales pa dvant ene vuzlêye cossoune.

A pus sovint li sifwaite voyale est longowe; mins nén todi (måy cwand ele est spotchåve, come dins "d(i)vins").

On rwaitaedje abeye sol DTW so les mots avou C + i + "v" dinèt

* 50 mots ki l' "i" est longou.
* po les cas ki l' "i" est court dins les disfondowes (dji n' riwaite nén les scrijhaedjes e rfondou)
** å pus sovint c' est ene spotchåve (d(i)vins, d(i)vznt, d(i)valer,...)
** civire, livea livrer,rive, rivaedje, Nivele
** calcaedjes do francès: civil, civilmint, diversémint, divizer (dispårti)

Po divin, divinmint.... dins O4 (Nivele) li prumî "i" est court...

[Scribus electronicus]

Va po çoula.

On wåde l' ortografeye tot ritnant l' prononçaejde do long î, mins fåreut co vey cwè avou l' femrinne cogne di l' addjectif.
_________________
Araedjî waloneu prete a rvindjî si mancî lingaedje