Berdelaedjes

[lucyin]

Cama

N’s-avîn’ dè l’ foumîre plin lès-oûys
Et d' l'ovrèdje plin lès brès'
Mins po grèter nosse pôrte-manôye,
N’s-avîn’ co dandjî d'ine tricwèsse

Dji t'a vèyou èco cint côps, cama
Po spârgnî nin v’ni beûre on côp, cama
N-a pus dès brokes è Waloniye
Ça n'èst nin dè l’ fåte ås-ovrîs

D’Arlon a Lîdje èt Châlerwè,
C' èst l' vraî qu' c'èsteût tofér parèy
Avou t' corèdje, avou tès brès
Po l’ patron, ti fiéves dès mèrvèyes

Ti n' aveûs nin l' mèyeûr bokèt, cama
Asteûre, voreût vos lèyî là, cama
N-a pus d' ovrèdje è Walonîye
Ça n' èst nin dè l’ fåte ås-ovrîs

Èt l’ ci, èt l’ ci qui s’rè rogneûs, qu'i s' grète !
S’i nè l’ vout nin insi , k' i s’ våye fé arèdjî !
Dîre qui nos n'èstans pus lès minmes,
Qui nosse main d’eûve costêye bin d’ trop
Tot ratindant, leûs potches sont plin.nes
Di brokes totes gagnîyes su nosse dos

Vochal di pus d’ cints ans qu’ ça deure, cama
Dji t' va dire ine saqwè qu'èst seûre, cama
I-n-a-st ine crîse è Walonîye
C' èst co les p’tits qu’on va språtchî

I sèreût timps d' drovi lès-oûys
Po n' nin lèyî fé tot çoula
Nin hoûter leûs carabistrouyes
Èt lèyî lès Flaminds foû d' ça

Qu' ti soyes flamind, qu' ti soyes walon, cama
T' è-st-in-ovrî d' minme condicion, cama
C' è-st-a dreûte qu' i fåt rawêtî
C' èst l' dreûte qu' est l' in.n’mi dès-ovrîs

Et l’ ci, èt l’ ci ki srè (?) rogneûs k' i s' grète !
Si n' el vout nin insi ( ?), k' i s’ våye fé arèdjî !

C' e-st a dreute k' i fåt rawêtî:
N a des Flaminds, n a des Walons.
Les onks licincièt les ovrîs;
Les ôtes porminèt å Fourons .

On n' s’ va tot l’ minme nin lèyî fé, cama;
Avou nos-ôtes, lès imigrés, cama.
Lès èstrandjîs (?) di Walonîye
(...) pés dimin ås ovrîs.

Tos lès houyeûs lès métalos,
Lès feumes d' Hestâ (?) et d' tos costés;
Lès cisses ki fjèt lès ptits boulots,
lès chômeûrs èt lès pansionés.



Wêtîz vosse coûr èt vos èfants, cama;
ènn’ ont i mèrité ottant, cama;
"Leyîz-m' plorer", c' èst tèrminé,
Et "Li ptit banc" èst tot gåté

Et l’ ci, èt l’ ci ki srè (?) rogneûs k' i s' grète !
Si n' el vout nin insi ( ?), k' i s’ våye fé arèdjî !
_________________
Li ci ki n' a k' on toû n' vike k' on djoû.