Berdelaedjes

[lucyin]

îr co todi, dj’aveû 20 ans,


îr co todi, dj’aveû 20 ans
dji can’dozéve li tins,
èt djouwéve avou l’vèye,
come on djowe po l’amoûr,
èt dji vikéve tote nut’
sins m’ rinde compte qui mès djoûs,
si bizît avou l’ tins.

dj’ aveû tèl’mint d’îdèyes
qui sont d’manôwes è l’êr,
dj’aveû dès-èspérances
qui sont totes ènûlèyes
èt dji d’mane tot piérdou
èt dji n’sé wice aler,
lès oûy tapés so l’cîr,
mês l’ keûr mètou al têre.

îr co todi, dj’aveû 20 ans,
dji k’tapéve pôr li tins
tot tûzant fé l’ahote,
po n’nin l’ lèyî aler,
èt minme dimani d’vant,
dji n’a fêt qui corî,
èt dji so foû d’alène.

Tapant djus tot l’passé,
èt trim’lant po l’div’ni,
dji mètéve divant mi
turtotes mès djâspin’rêyes
èt dji d’néve mi pinsêye,
qui dji voléve li bone
èt po blâmer tot l’monde,
èt dj’ènn’ èsteû binâhe.

 îr co todi dj’aveû 20 ans,
dj’a piérdou pôr mi tins,
a fé totès bièstrêyes,
qui ni m’ lèy so l’ fond,
vormint rin d’ bin sûti,
qui quéquès pleûs so l’front,
èt l’sogne di s’anôyî.

mès amoûrs ont bizés
divant minme di viker,
mès-amis sont-st-èvôye
èt ni rivinront pus,
mês c’èst m’fâte, èt vo-m'-la
asteûre tot fî mièrseû,
èt dj’a pièrdou m’ vicårêye,
èt mès djônès-annêyes,
po l’bon èt l’ diérin d’tot,
èt pôr tapant foû l’bon,
dj’a clawé mès ris’lèts
èt dj’a stofé mès lâmes

èt wice sont-i asteûre,
... wice sont-i mès 20 ans ?

Charles Aznavour ‘ hier encore j’avais 20 ans, mètou è walon “ Christian Thirion “ “Cheyenne “ ( “Blawète “) li 24 di djulèt 2025
_________________
Li ci ki n' a k' on toû n' vike k' on djoû.