Berdelaedjes

[Scribus electronicus]

Bondjoû, mes djins,

Gn a on novea sudjet ki dj' vôreu rbate å raploû ki vént : li ci di l' acsegnaedje des eplaidaedjes divins les fråzes d' egzimpe do wiccionaire.

Pår ki nos belès-letes ridoxhèt di scrijhaedjes k' ont stou replaidîs sacwants côps avou kécfeye sacwants rcandjmints. Et èn ôre des pådjes ki pout ossu bråmint candjî, come di djusse.

Dji m' dimande, mes djins, s' i sreut possibe d' emantchî ene noûve categoreye po les måjhones d' eplaidaedje avou l' date a costé

Insi, po on minme scrijhaedje, on-z åreut, par egzimpe :

Wikicôde :

- {{s-rif|...|BSLLW:1893|p.13}} (Bulletin de la Société de Langue et de Littérature Wallonnes)
- {{s-rif|...|IVC:1902|p.20}} (Imprimerie Vaillant-Carmane)
- {{s-rif|...|NDP:2015|p.17}} (Noir Dessin Production)

Håynaedje :

- (fråze ridondowe) [...] eplaidî pa Bulletin de la Société de Langue et de Littérature Wallonnes, 1893, p.13.
- (fråze ridondowe) [...] eplaidî pa Imprimerie Vaillant-Carmane, 1902, p.20.
- (fråze ridondowe) [...] eplaidî pa Noir Dessin Production, 2015, p.17.

Èn ôte bon costé di çoula, c' est k' dji trouve sovint des scrijhaedjes avou des poyinmes datés di vla kékès anêyes. Loukîz :

#* Do cwiter l' aisse, bråve houyeu, l' eure est vnowe,<br>Prindoz vos tåtes et vosse bidon d' cafè,<br>Coroz sol pas, les toumêyes sont metowes,<br>L' abarin vs houke po saetchî les takets. {{s-rif|JDcoh|1939, p.71, ''On-z-atèle li hèrna'' (1935)}}

Kécfeye, cwand c' est publiyî après l' moirt di l' oteu, dji n' sai cmint ki djel doe prezinter å djusse :

Wikicôde :

{{s-rif|MLol|p.147, « Nos ‘nn’ alans »}}
{{s-rif|JCmp|« Dizos l’ovreû d’on tèyeû d’pîres… », 1925, p.57}}

Håynaedje :

Jules Claskin, Jules Claskin : Airs di flûte et autres poèmes wallons, édition critique de Maurice Piron, (1956), « Dizos l’ovreû d’on tèyeû d’pîres… », 1925, p.57 (fråze rifondowe).
Martin Lejeune, Œuvres lyriques du poète wallon Martin Lejeune, p.147, « Nos ‘nn’ alans » (fråze rifondowe)

S' on n' sicrît çoula nén erîlêymint, on riskêye do cmaxhî li date d' eplaidaedje avou l' date do scrijhaedje.

Ci n' sereut nén oblidjî, edon, mins ricmandé po sacwantès ouves kinoxhowes di lådje et d' long k' on stou replaideyes sacwants côps.
_________________
Araedjî waloneu prete a rvindjî si mancî lingaedje