Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Ki c' quë pout m'aidî?

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
madnho



Date d' arivêye: 2007-04-20
Messaedjes: 3
Eplaeçmint: Braezi

MessaedjeDate: vén 04 may, 2007 17:14:13    Sudjet: Ki c' quë pout m'aidî? Responde tot citant

Bondjoû tertos

Dj'aros dandjî d' on côp d' mwin po aprinde a mia causer et à scrire è walon (rifondou). Dji sos on pôve walon pierdu bén al mitan do Braezi èt vécë c'èst one miete malaujë.
Dj 'a viké 40 ans à Côrwè (li Grand) au Roman Payis. Èt come bråmint des djins di m'n ådje (43 ans), Dji cause co one miete walon mins dji n'l'a jamais scrit.
Dji pinse ki dwèt dawè des "hardeyes", come vos dijhoz, ki pourint m' aidî. Mins dji n' sés nén comint fé po lès trover, et comint trover les meyeuses.
Si n'a one sakî quë pout m'aidî, bråmint merci.
Claude, li "Braezilyin".
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 05 may, 2007 4:44:26    Sudjet: Re: Ki c' quë pout m'aidî? Responde tot citant

Bondjoû, et bénvnowe!

Insi vos dmorez po d' bon å Braezi?

Vos estoz l' minme do forom k' est l' pus lon Smile
Wice å Braezi?

madnho scrijha:

Dj'aros dandjî d' on côp d' mwin po aprinde a mia causer et à scrire è walon (rifondou). Dji sos on pôve walon pierdu bén al mitan do Braezi èt vécë c'èst one miete malaujë.


Pol sicrire vos arivez foirt bén; po onk ki n' a måy apris, end a k' ont bén pus målåjhey minme tot shuvant des cours.

Pol cåzer; motoit ki des ôtès djins chal ont des cliyints jabber MSN evnd
avou des micros po pleur cåzer; mi dji n' a nén co çoula so mi éndjole.

Citåcion:

Dji pinse ki dwèt dawè des "hardeyes", come vos dijhoz, ki pourint m' aidî.
Mins dji n' sés nén comint fé po lès trover, et comint trover les meyeuses.
Si n'a one sakî quë pout m'aidî, bråmint merci.
Claude, li "Braezilyin".


I m' shonne ki vos cnoxhoz assez bén l' lingaedje ki vos n' avoz nén mezåjhe d' ene croejhete (grammaire); mins si vos l' voloz tot l' minme,
vo l' ci: http://picr.walon.org/

Po-z aprinde l' ortografeye do rfondou, i n' a nén co ene metôde di scrîte,
c' est ene sacwè ki manke vormint.
Vos ploz todi verifyî avou l' coridjrece, la: http://chanae.walon.org/walon/coridjoe/

C' est assez åjhey di lére do rfondou avou vost accint;
c' est pus målåjhey di saveur comint scrire do prumî côp (mins po on prumî
côp vos l' avoz foirt bén fwait)

li lijhaedje des betchfessîs avou l' accint d' Côroe (d' après çou k' i
m' shonne tot lijhant vosse tecse; dj' espere ki dji n' fwait pont
d' flotche):

* å => au (såf -åcion => -âcion, målåjhey => malaujî)
* ae => a
* ea => ia (batea => batia)
* én => in?
* ey => îy (mins atincion "ey" al fén ou pa dvant cossoune: neteyrè, åjhey, abeye; c' est diferin di e-y-voyale; metans "djeyografeye" = djè-yo-gra-fîy; li prumî c' est nén li betchfessî "ey" mins e-o avou on "y" di beloyance inte les deus; li deujhinme c' est on betchfessî "ey" = î(y))
* jh => j (råjhon => raujon)
* oe => wè
* oen => win? (mots tipes: avoenne, moenne, voenne)
* oi => wa? wè? ô? (mots tipes: moirt, foirt)
* sh => ch? (mots tipes: eshonne, ashir)
* sch => ch (dischinde => dichinde)
* xh => ch (bouxhî => bouchî)

po-z aler dins l' ôte sins, c' est pus målåjhey, la k' i gn a sovint
deus manires possibes (metans po l' son "ch", ça pout esse "sch" ou "xh"
ou minme motoit eto "sh"; et ossu "ch" (mins nén sovint)
"wè" ça pout esse "oe" (eg: Côroe, dji doe, li doet, boere),
mins ossu "we" (eg: vweteure, laboratwere) et minme
"wae" (waezon, waeranti, waerleu).

Li mia c' est d' lére bråmint des tecses e rfondou, po-z aprinde les
mots. Vos ploz trover tot plin d' tecses vaici: http://rifondou.walon.org/
et co so l' eciclopedeye wikipedia vaici: http://wa.wikipedia.org/

sacwantès ptitès astuces tot l' minme ki vs polnut aidî:

* les voyales prononceyes "ë" å Roman Payis si scrijhèt l' pus sovint "i" e rfondou (ki, li, pitit, vaici)
* li son /k/ si scrît "c" pa dvant a,o,u eyet ene cossoune (såf "y"); dins les ôtes cas c' est "k" (viker, nos vicans, vicaedje). cwand li son "k" si trove dins les derivés, mins on n' l' ôt nén dins l' mot d' båze, on mete "c": on banc, ene banke; blanc, blanke, blanki. si on ôt al fén c' est todi "k" et nén "c": fizik, stoumak, on lak, Luk,...
* on n' mete pont di "s" inte deus voyales mins todi "z" (cåzer, rôze)
* li pårticipe erirece (participe passé) di sacwants viebes del 5inme troke ki vos prononcîz -u/-uwe si scrît -ou/-owe e rfondou (rifondou, pierdou,...)
* pont di "s" dins l' codjowaedje del 1re djin (dji cåze, dj' åreu, dji so), li "s" c' est seulmint pol 2e djin (ti cåzes, t' åreus, t' es)
* les "wè" do Roman Payis sont foirt sovint des "oe" e rfondou: Côroe, i doet, dji voe, boere... cwand leu parint e français c' est avou oi/oy (mins "awè" (on pout dire ossu "aveur")
* on ni scrît nén "è" mins djusse "e" dins les mots; såf al fén (meyeuses = /meyeus'/ vs meyeusès /meyeusè/); et dins kékes pitits mots po mostrer ki l' cossoune si prononce (mins dji n' sai nén si vos eployîz ces mots la): ti / èt (/èt'/), mi / èm, si / ès (/ès'/), ci / èç... (li cogne avou li voyale pa drî s' eployèt å levant, metans a Lidje, li cogne avou li voyale pa dvant s' eployèt å coûtchant, metans a Tchålerwè). ça fwait ki "et" c' est diferin di "èt" ("grand et bea" vs "c' est èt vweteure = c' est ti vweteure")
* ossu l' diferince inte "e" (pa dvant cossoune) / "en" (pa dvant voyale) : e francès, en almand; eyet "è" = "endè" (dj' è vout = dj' endè vout)
* les "au" c' est foirt sovint "å" (vos ploz scrire les a-bole sol forom tot clitchant l' a-bole pa dzo l' boesse di scrijhaedje; ôtrumint, vos ploz continouwer avou "au" c' est bon)
* les "j" c' est sovint des "jh" (eg: målåjhey, prijhon, råjhon,...) mins "jamwais" (on pout eto dire "djamåy")
* les -int, -ins do codjowaedje si scrijhèt -ént, -éns: nos djouwéns, i pôrént,

vola, dji nel va nén fé pu longue ki çoula
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: sem 05 may, 2007 10:22:18    Sudjet: Responde tot citant

Po l'acsint di Coroe, dji so d'acoird avou Pablo (dji so di Djiblou, nén lon à nonne).
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
mineudaredje



Date d' arivêye: 2005-07-02
Messaedjes: 37
Eplaeçmint: Panama

MessaedjeDate: sem 02 djn, 2007 16:43:27    Sudjet: Re: Ki c' quë pout m'aidî? Responde tot citant

madnho scrijha:
Bondjoû tertos

Dj'aros dandjî d' on côp d' mwin po aprinde a mia causer et à scrire è walon (rifondou). Dji sos on pôve walon pierdu bén al mitan do Braezi èt vécë c'èst one miete malaujë.
Dj 'a viké 40 ans à Côrwè (li Grand) au Roman Payis. Èt come bråmint des djins di m'n ådje (43 ans), Dji cause co one miete walon mins dji n'l'a jamais scrit.
Dji pinse ki dwèt dawè des "hardeyes", come vos dijhoz, ki pourint m' aidî. Mins dji n' sés nén comint fé po lès trover, et comint trover les meyeuses.
Si n'a one sakî quë pout m'aidî, bråmint merci.
Claude, li "Braezilyin".


Bondjou Claude,

Dji n'pou nin ovos aidi pol walon, mais dji so bin contint di v'lire.
Dji so ossi on walon en Amerike Latinne, chal dji so en Panama. mi padge so webbe est chal: www.angelfire.com/planet/atpanamanet
Dje voreu bin trove chal li ethanol da Brazil...

Andre, li "panameyin"...
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 05 djl, 2007 11:53:34    Sudjet: Sicrijhoz ene sacwè pol Rantoele 43 Responde tot citant

Sicrijhoz ene sacwè pol Rantoele 43

Binamé Claude li Braezilî,

Po vos adure a scrire e walon, toirtyîz nos on ptit tecse sol Braezi, dins l' ortografeye come vos l' sintoz, pol Rantoele 43.

Ça dvreut esse fwait pol 10 d' awousse, al dierinne broke.

Kécfeye tot bounmint raconter vosse vicaedje låvå, et kimint ki vos avoz avnou ladrî, ås cwate cints diales.

Ni vos è fjhoz nén. Vos n' estoz nén come on tchén å mitan d' on djeu d' gueyes. On-z est cåzu tertos des "etrindjirs" cial. Mi (dit-st i l' fô), dji boute å Marok dispu 30 ans.

Ki ça vos våye bén.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 05 djl, 2007 12:27:17    Sudjet: "Braezi" et ses parints Responde tot citant

Dji vén d' fé l' årtike Wiki so "Braezi" et ses parints

http://wa.wikipedia.org/wiki/Mot%C3%AE:Braezi

Li dvize so l' ortografeye :

http://wa.wikipedia.org/wiki/Copene:Mot%C3%AE:Braezi

Braeziliya u Braeziya ?

Teyoricmint, on n' pout nén aveur Braezilia e rfondou.

L + Y + voyale => Y + voyale, metans croustilion => crostion
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: vén 06 djl, 2007 21:38:56    Sudjet: Re: "Braezi" et ses parints Responde tot citant

lucyin scrijha:
Teyoricmint, on n' pout nén aveur Braezilia e rfondou.

L + Y + voyale => Y + voyale, metans croustilion => crostion


Siya on pout: liård

Mins po "Brasilia" dji l' laireut dins l' sicrijhaedje d' oridjinne, tot simplumint.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 07 djl, 2007 12:28:38    Sudjet: Re: "Braezi" et ses parints Responde tot citant

Po Braezilia, / Brasilia, bate di dvize sol ridant "ifondaedje"

http://berdelaedje.walon.org/viewtopic.php?p=1378#1378
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 07 djl, 2007 13:18:40    Sudjet: Po Claude aprinde li walon Responde tot citant

Po Claude amidrer s' walon

1. po rtrover les vîs mots k' i cnoxhe ddja, avou l' accint do Roman Payis.

1.1. atchter les lives da Jean-Jacques Gaziaux

http://wa.wikipedia.org/wiki/J.J._Gaziaux (Gaziaux, Jean-Jacques; 62, rowe Sint-Mèdåd (rue Saint-Médard) ; 1370 à Djodogne; (tel. 010 81 22 15)

1.2. s' aboner å Såverdia

http://wa.wikipedia.org/wiki/Li_S%C3%A5verdea_%28gazete%29

(el minme adresse); dandjreus 20 a 25 € po l' evoyî å Braezi.

1.3. ritrover les vîs "Noer Boton"

http://wa.wikipedia.org/wiki/Noer_Boton_%28gazete%29

et les lives da Paul Moureau

http://wa.wikipedia.org/wiki/P._Moureau

et les pîces di teyåte da André Hancre

http://wa.wikipedia.org/wiki/Andr%C3%A9_Hancre

(ele divrént esse al bibioteke di Nivele, mins muchieyes å fén fond d' ene cåve; motoit bén sont elle eto Bibioteke des pårlers del Walonreye a Anse.

http://wa.wikipedia.org/wiki/Bibioteke_des_P%C3%A5rlers_del_Walonreye

(Po-z aler fé des rcweraedjes ladrî, houkîz Annelore Eloy å 04 2372850 u emilez lyi (Annelore.Eloy@prov-liege.be)

1.4. Motoit bén k' on trove co li CD-rom + CD odio da André Dewelle "Po ëne brèssîye dë fleûrs.

http://wa.wikipedia.org/wiki/A._Dewelle

1.5. sol Daegntoele, gn a k' on ptit tecse då Dewelle ki dj' a muchyî sol gurnî d' l' Aberteke :
http://chanae.walon.org/~lucyin/guerni/Dewelle.html

2. Po passer å rfondou :

2.1. bråmint des hårdêyes eviè nos boutaedjes so :

http://aberteke.walon.org/scol.html

2.2. Pådjes e rfondou des scrijheus do roman Payis :

http://rifondou.walon.org/dewelle-rif.html

http://rifondou.walon.org/sauverdias.html

http://rifondou.walon.org/moureau_pol.html

http://rifondou.walon.org/flesch_andree.php

http://rifondou.walon.org/dewelle-rif.html

http://rifondou.walon.org/Havelange_Gerard.php

Bon coraedje !
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 15 set, 2007 13:07:58    Sudjet: Responde tot citant

Loukîz eto :

http://wa.wikipedia.org/wiki/C%C3%B4roe-l%27-Grand
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group