lucyin
Date d' arivêye: 2005-07-07 Messaedjes: 3675 Eplaeçmint: Sidi Smayil, Marok
|
Date: dju 17 dja, 2008 13:46:51 Sudjet: Raspepyîs årtikes |
|
|
Dj' a fwait ene categoreye po les "raspepyîs årtikes".
http://wa.wikipedia.org/wiki/Categoreye:Raspepy%C3%AE_%C3%A5rtike
Dji doe co mete les condicions po-z aveur ci "gråde" la.
Po les årtikes di l' esplicant motî (avou rahoucaedje e ptitès letes), i fåreut k' on-z åye raspepyî l' mot dins tos les "gros ronflants" del djivêye des motîs.
Les rahoucas serént sol mwaisse pådje, pus sol pådje di copene (on pôreut wårder la les disfondowes, fwaites "di tiesse", sins rahouca.
Po bén fé, i fåreut eto ki les hårdêye eviè les ôtes mots ni soeyénxhe nén e rodje coleur.
Po les årtikes eciclopedikes, i fåreut ki les dnêyes do Wiki walon ni soeyénxhe nén les cenes des ôtes Wikis, djusse ratournêyes. I fåerut dner les sourdants des dnêyes, aprume des lives u waibes e walon, u ratournêyes e walon a pårti d' on live e francès eplaidî el Walonreye. U ôte pårt, s' i n' est nén co so èn ôte Wiki.
Foû do fond d' l' årtike, i fåreut eto kel fôme soeye boune : les coleurs et les clinceyès letes po li splitchant motî. Ene croejhete pår walone, et ene tchuze des mots pus walons (et nén des rfrancijhas) po les årtikes eciclopedikes
Les manaedjeus do Wiki walon serént les cis ki pôrént fé "monter e gråde" des metous årtikes.
(Ricopyî so :
http://wa.wikipedia.org/wiki/Raspepy%C3%AE_%C3%A5rtike_do_wiki _________________ Li ci ki n' a k' on toû n' vike k' on djoû. |
|