|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
jacques
Date d' arivêye: 2007-01-01 Messaedjes: 25
|
|
Rivni al copete |
|
|
Xophedebx
Date d' arivêye: 2013-03-17 Messaedjes: 6 Eplaeçmint: Neuvile, Sougnîye
|
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: vén 10 may, 2013 12:28:56 Sudjet: |
|
|
ça sereut bén di candjî vosse pådje en utf-8; et mete charset=utf-8
eto, la k' ele est e walon, candjî dins vosse pådje l' etikete content="fr" et mete content="wa"; et vos pôrîz mete on lang="wa" dins l' etikete "html".
po çoula i fåt aler vey li côde sourdant del pådje; les sacwès d' bén a-z aveur si vosse pådje est- e walon c' est:
Côde: |
<html (...) lang="wa" xml:lang="wa" >
<head>
....
</head>
...
</html>
|
si vos avoz lang=wa dins l' mwaisse etikete, adon nén mezåjhe d' ene etikete avou content-language (mins si vos l' avoz, k' ele dijhexhe tertotes li minme, bén seur).
Pol moumint google n' aconte nén l' walon (on pôreut motoit lzî rdimander, la k' sacwants betcheuts waibe sopoirtèt l' walon; si vos eployîz èn ôte ki firefox, alez ene miete vey dins l' apontiaedje : contnou -> lingaedje, si vos n' årîz nén l' walon dins les tchuzes possibes).
Mins cwand google el frè, adon on pôreut dire di cweri seulmint dins les pådjes e walon, et l' cweraedje si frè seulmint so les pådjes avou lang=wa |
|
Rivni al copete |
|
|
djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: dju 16 may, 2013 15:34:07 Sudjet: |
|
|
C' est bén ! Proficiate.
Kéks coridjaedje do rfondou:
-toele: on-z eploye purade rantoele
-cåtes: ça sreut cwåtes mins on s' sieve pu voltî di mapes
-Ratourner dins on-ôte lingaedje: pont di "-" : on ôte
-Fé à s'môde: espåce après l' faflote et pont d' faflote sol a -> a s' môde
-lè: les (on pô pattavå)
-Ôtes saqwès: Ôtes sacwès (ou ôtès sacwès)
-Vêci vo povwê cweri sol toele è walon: Vaici vos poloz cweri sol rantoele e walon (ou Vos ploz vaici cweri) (li "e" ni prind ene falflote ki cwand il est on prono racourti di endè dj' è prind onk e m' potche)
-Dj'dé del tchance: Dj' a del tchance
-lè pådjes è francès: les pådjes e francès
-lè pådjes d'amon nos-ôtes : les pådjes d' amon nozôtes
-Dè rujhes po cweri?: Des rujhes po cweri?
-Tot ç'qu'i faut sawè so Gôgueule: Tot ç' k' i fåt sawè so Gôgueule
-Gôgueule èn inglès: Gôgueule e-n inglès
-Gôgueule è flamin: Gôgueule e flamind
-Wikipedia è rfondou: Wikipedia e walon (purade ki rfondou, nonna?)
-Scrijhaedje copeyé dispoy www.gogueule.be pår ki http://home.scarlet.be/madubertaal/gogueule/ a èsté spotchi: Scrijhaedje copyî dispoy www.gogueule.be pår ki http://home.scarlet.be/madubertaal/gogueule/ a stî spotchî
_________________ Mi copiutrece cåze walon -> http://walotux.walon.org |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: dim 04 awo, 2013 21:44:27 Sudjet: |
|
|
djan-djan scrijha: |
-toele: on-z eploye purade rantoele
|
Et minme, dins ç' contecse la: daegntoele.
* toele: ene sacwè d' texhou avou des fyis (fr: toile, es: tela, en: cloth)
* rantoele: eshonna d' elemints ki comunikèt l' onk l' ôte (fr: réseau, es: red, en: network): rantoele electrike, rantoele d' idêyes
* rijhea: eshonna d' elemints raloyîs eshonne (fr: réseau), copurade eployî po si addjectif: rijhelrece (fr: réticulaire, es: reticular, en: reticular).
* daegntoele: rantoele ki rascovere tote li Daegn (fr: réseau mondial, en: worldwide net)
Citåcion: |
-cåtes: ça sreut cwåtes mins on s' sieve pu voltî di mapes
|
oyi, "cwåte" c' est ene sacwè di ptit, di cwårton ou plastifyî, ene miete deur todi (i n' a nén d' idêye do contnou dins l' mot, djuse si cogne); fr: carte, es: tarjeta, en: card
Ene "mape" c' est ene sacwè ki dene des infôrmåcions so ene topolodjeye: fr: carte, es: mapa, en: map.
Citåcion: |
-Ratourner dins on-ôte lingaedje: pont di "-" : on ôte
|
et purade "èn ôte".
E walon l' oyance est foirt impôrtante, et come "ôte" comince avou ene voyale, ça fwait ki l' årtike si va prononcî del minme manire ki por on femrin.
ça fwait ki, e walon, li nén defini årtike singulî egzistêye e troes sôres: femrin, omrin pa dvant voyale, omrin pa dvant cossoune.
Di pus, li cogne di l' omrin pa dvant voyale si prononce totavå, del minme manire ki l' cogne do femrin.
E rfondou on-z a tchoezi "on" pol cogne omrin pa dvant cossoune; eyet "ene" pol femrin, did la li cogne omrin pa dvant voyale "èn" (minme prononçaedje ki "ene").
A Lidje c' est "ine"/"in'", a Nameur (dji croe) c' est "one" / "on'",... |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|