Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Nos plans fé on motî rfondou so papî !
Potchî al pådje 1, 2, 3 ... 9, 10, 11  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: vén 07 nôv, 2008 18:54:59    Sudjet: Nos plans fé on motî rfondou so papî ! Responde tot citant

Ayir, dj' a causé avou Yoran Embanner, l' eplaideu do Gaston è rfondou. I m' a ricausé do pordjet di motî ki nos avans eshonne. Al cmince, i voleu fé on motî di Nameur. Mins tot voeyant çou ki l' Gaston a stî vindou, i tûze ki ça serè mia di fé on motî è rfondou !

Si-n idêye, c' est di fé on ptit motî, kécfeye 3500 mots, ki n' fåt nén mete d' trop d' cwårs po l' atchter.

Ca vo direu del fé eshonne, avou li Rantoele ? Et l' soce årè bén seur les abondroets et les liårds...

Si nos fijhans rade (fini po djanvî) i pôreu esse dins les botikes po l' moes d' avri ! Et il est d' acoird po nd eplaider inte di 3000 et 5000 Very Happy
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: vén 07 nôv, 2008 23:31:44    Sudjet: Responde tot citant

bondjoû,

vola ene foirt boune novele!!

si c' est djusse on motî walon<->francès, l' ovraedje est ddja a mitan fwait, la k' on-z aveut l' pordjet di fé ene afwaire insi (pordjet ki n' a måy veyou l' djoû cåze di manke d' aidants).

L' idêye esteut di replaidî li "mes 3.000 prumîs mots d' walon" da Lorint Hendschel, ki c' esteut on motî walon<->francès, avou 3 sôres di walon (Lidje, Nameur et Tchålerwè si djel tén bén); mins l' ramidrer avou des noveas mots (copurade a vey avou l' infôrmatike et l' modiernité), eyet radjouter deus colones: walon d' Basse Årdene eyet sicrijhaedje e rfondou (ki sereut-st adon l' prumire colone).

I gn a-st on fitchî excell avou l' ovraedje a mitan fwait, on pôreut ataker d' la, eyet fini d' rifonde, et vey s' i gn a des mots a candjî ou radjouter.
Dins l' modêye imprimêye, purade ki d' fé des colones po tchaeke sôre di walon, on pôreut mete li mot e rfondou come intrêye, eyet etur åtchetes, e pus ptit, les 3-4 sicrijhaedjes coinreces.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: vén 07 nôv, 2008 23:49:02    Sudjet: Responde tot citant

Citåcion:
purade ki d' fé des colones po tchaeke sôre di walon, on pôreut mete li mot e rfondou come intrêye, eyet etur åtchetes, e pus ptit, les 3-4 sicrijhaedjes coinreces.


Volà ène idêye k' èle èst boune ! Acostumer lès djins auzès difèrinces sins pus aspouyî dissu "walon d' avårlà èt walons d' avårci". Mète tot dins l' minme satch èt chake à riconèxhe, s' il vout, s' moudêye èt insi admète l' cine di s' vijin d' ène miète pus lon.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: sem 08 nôv, 2008 9:40:52    Sudjet: Responde tot citant

C' est-st on motî français-walon / walon-français. Adon, si l' ovraedje est ddja à mitan presse, c' est tot bon.

Cou k' i m' a dné, c' est les fitchîs do motî savôyård. Gn a k' à mete ene linwe pol ôte.

Ca sereu bén d' fé rade. Mins si nos estans à troes-cwate dissus, nole rujhe Wink
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 08 nôv, 2008 12:22:21    Sudjet: Responde tot citant

Dj' a on motî walon-francès di 3000 mots ki date di 1999. Dji louke totasteure s' il est ddja ene sadju so les fyis.

Pol franwal, on-z aveut relî 3000 mots a ratourner :

C' est so aberteke.walon.org, mins ele ni va pus pol moumint.

po A-D, gn a ddja l' franwalicot fwait pa Lorint Hendschel.

Po l' emantchaedje, dj' atåvele ki ça soeye les pus djonnes Rantoelîs k' amonténxhe li pordjet : Yannick + Djôr + Djan. Ci sereut a zels eto di ratourner les +- 2000 mots francès walon nén co fwaits.

Dji dmandrè, si on l' fwait so l' etikete "Li Rantoele", di rcoridjî l' dierinne copeye, divant d' imprimer. Mins, avou èn eplaideu di s' mestî, i fåt des dates bén clawêyes d' avance.
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li sem 08 nôv, 2008 12:48:40; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 08 nôv, 2008 12:45:45    Sudjet: Responde tot citant

Li motî walon-francès di 3000 mots ki date di 1999, c' est do "vî rfondou"; el fâreut rpasser al ricoridjrece.

Pol franwal, gn a co les 3000 mots da Djôzef Lahaye, dedja ratournés (diviè 1996, todi po on pordjet Rantoele ki n' a nén adiercî s' côp). Dji les doe aveur ene sadju so papî. Ci n' est nén e rfondou et c' est des mots d' après Lidje. Gn aveut yeu les minmes mots ratourné so Tchâlerwè (Danielle Trempont) et kécfeye eto so l' Ârdene nonnrece (Louis Baidjot ?) mins dji croe k' on-z a pierdou les sourdants (dimander a Lorint et Tiri, k' estént responsâves do pordjet, si dj' el tén bén.)

Dj' evoyrè, divant waire, les fitchîs éndjolikes a tos les rantoelîs ki boutnut u ont bouté sol diccionairaedje.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 08 nôv, 2008 12:55:56    Sudjet: Responde tot citant

On pout eto taper èn ouy so "Mon premier vocabulaire wallon" des Noer Dessin". C' est l' minme cogne di pordjet (3000 mots e franwal + 3000 mots e walfran).

I date dedja di l' an 2000. Et gn a k' les mots d' après Lidje.

Dji n' sai nén s' on l' vind co; dji l' a trové al fôre ås lives di Rdû, amon : Lantinne Jean, 60A, rue de Poperinghe, 4061 Vå-dzo-Tchivrumont (tel. 0497 412992).
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
jacques



Date d' arivêye: 2007-01-01
Messaedjes: 25

MessaedjeDate: sem 08 nôv, 2008 14:54:05    Sudjet: nos plan fé on möti rfondou Responde tot citant

nu rouvians nin ku çu sèreut bin d'esse mutwèt fin prêtes pol fôre dè live à Brusèle, nenni?
Rivni al copete
Vey li profil di l' uzeu Evoyî on messaedje privé
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 08 nôv, 2008 14:59:56    Sudjet: Responde tot citant

Voste idêye di tni on stande avou des lives e walon tént todi ?

Mins kî çki nos dinrè on m² ?

Dins les "vindeus d' walon" n a ki li stand del Kiminålté, et l' ci da Dricot. Mins Dricot, gn a ki Guy Fontinne et Emile Sullon k' ont måy bouté avou lu.

Les dates del fôre 2009 sont ele dedja cnoxhowes ?
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: sem 08 nôv, 2008 17:03:58    Sudjet: Responde tot citant

Pol fôre, Yoran li porè putete fé. Vochale si waibe :

http://yoran-embanner.com/acceuil.html

I voreu bén, ossu, fé "l'histoire de Wallonie, le point de vue wallon", come çou k' il a ddja fwait pol burton et li corse (ça c'est tot novea). I m' a dimandé pol fé ;)

I m' shonne ki ça sreu bén pol Rantoel di bouter avou ç't ome-là.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 08 nôv, 2008 18:41:33    Sudjet: Responde tot citant

Maisse Arsouye scrijha:

I m' shonne ki ça sreu bén pol Rantoel di bouter avou ç't ome-là.


Fén d' acoird avou vos !

Sait i bén ki dji lyi a fwait ene pådje sol Wiki walon :

http://wa.wikipedia.org/wiki/Yoran_Embanner_(eplaideu)

Gn a k' lu et Microsoft (et Noer Dessin) dins nosse categoreye "societé d' comiece"

http://wa.wikipedia.org/wiki/Categoreye:Societ%C3%A9s_d%27_comiece
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
jacques



Date d' arivêye: 2007-01-01
Messaedjes: 25

MessaedjeDate: sem 08 nôv, 2008 18:47:45    Sudjet: Responde tot citant

Lu fôre, çu sèrè dè 5 à 9 du masse a-dj vèyou so google; dju n' kunohe nin kubin ça poreut koster
Rivni al copete
Vey li profil di l' uzeu Evoyî on messaedje privé
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Potchî al pådje 1, 2, 3 ... 9, 10, 11  Shuvant
Pådje 1 so 11

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group