Berdelaedjes

[Maisse Arsouye]

A l' mwin...
_________________
Rissaetchî-vos di m' solia !

[lucyin]

Bén binâjhe di vey ki ça boute.

Dji croe k' i gn a don 3 djins ki vont adjinçner l' cayet: Yannick, Djan, et mi, dit-st i l' fô. Ubén end a-t i ds ôtes ?

I nos fât vitmint decider :

1. di bouter pol moumint so 2 colonnes. Ôtmint, i nos fårè ddja tote ene hapêye po vey kibén d' colones !!!

Après, èn ome come Francis pout rmete nost ovraedje so si båze di dnêyes.

2. Di mete li "zero-prononçaedje" e "sistinme savoyard" u en AFE (API). L' AFE est bråmint pus serieus. Si Djan el kinoxhe, i nos pout scoler radmint. I gn åreut k' a mete tos les senes k' on-z a dandjî e "prononçaedje zero-cnoxheu" dins l' pådje AFE do Wiki avou des egzimpes.

http://wa.wikipedia.org/wiki/AFE

I nos fåt djusse decider on sene po nosse prononçaedje "ixh-låté" des betchfessî xh et jh al fén do mot.

Teyoricmint (sorlon Tiri Dumont), c' est "ç"

http://wa.wikipedia.org/wiki/Ixh-l%C3%A5te

=> ouxh [uç]
=> mezåjhe [m?z?ç]

Ces scrijhas la, e AFE, ni serént waire ahessåves po les lijheus "ordinaires". Mins ci sereut åk po ene sincieuse ricnoxhance di nosse sistinme (rifondou + prononçaedje zero-cnoxheu) et di nosse motî. Asteure, ça n' si pout fé k' avou l' åjhmince di l' eplaideu. Yannick lyi doet dmander cwè.

Po mi "polance" (raddisté a ovrer), dji croe ki dji pou wårder çou k' dj' a di : 20 a 30 royes tos les djoûs.

(dji vos vleu evoyî mi ovraedje di ces deus djoûs ci, mins mi emilreye a "walon.org" n' a nén l' air d' aler ouy.)
_________________
Li ci ki n' a k' on toû n' vike k' on djoû.

[lucyin]

[Maisse Arsouye]

Yoran a todi stî foirt clair : i fåt l' AFE po fé on bon motî. C' est come ça k' i boute po tous ses motîs. Adon, i nos fåt on prononçaedje zero-cnoxheu.

Li pus important, mi shonne-t i, c' est di fé li colone "Wallon - Français", minme sins l' AFE. Si dj' a ddja li mot bén metou e rfondou, c' est ddja bråmint do tchipot d' mwins.
_________________
Rissaetchî-vos di m' solia !

[lucyin]

[lucyin]

[djan-djan]

Vola l' djivêye des sines di l' AFE
a a
â aː
å ɔː aː
ae a ɛ
ai ɛː
an ã
b b
c s k
ch ʃ
d d
dj ʤ
e ɛ
é e
ê ɛː
ea ja ɛː
én ɛ̃ ẽ
eu (eû) oː
eu (eu) œ
eye iːj ɛj
f f
g g
gn ɲ
h h
i i
î iː
in ɛ̃
j ʒ
jh ʒ h ç
k k
l l
m m
n n
o ɔ
ô ɔː
oe wɛ oː
oi wa wɛ
on ɔ̃
ou u
oû uː
p p
r ʀ
s s z
sch ʃ h
sh s ʃ
t t
tch ʧ
u y
û yː
un œ̃
v v
w w
xh ʃ h ç
y j
z z
_________________
Mi copiutrece cåze walon -> http://walotux.walon.org

[djan-djan]

Vola, c' est metou vaila:
http://wa.wikipedia.org/wiki/Alfabet_fonetike_etern%C3%A5cion%C3%A5
_________________
Mi copiutrece cåze walon -> http://walotux.walon.org

[lucyin]

[lucyin]

Dj' a bouté cåzu tote li djournêye d' aeyir dissu (tins do condjî del fiesse do bedot). Dj' a sepou fé 290 intrêyes, des cenes completes, des cenes djusse li walfran.

Sacwants rlevêyes :

Sinonimeye :

Po wangnî del plaece, les sinonimes divrént esse purade metous dirî l’ mot francès ki dins l’ pårteye walon-francès

Metans

walfran : vantrin tablier (pont d’ ôte intrêye avou "tablier")

franwal : tablier m vantrin m, divantrin / d-, schorsoe / e-, cindrin

Mins si c’ est des dobès rfondowes, u des mots foirt près-parints, les mete les deus a l’’intrêye :

djaeye ou gaye f noix f
lanawaire ou enawaire adv
tiene ou tier m colline f

Sipotchåvès voyales :

1. Mots S+Cossoune
Modeles : smince (si- / es-) ; scançon (si- / es-) ; spoter (si- / es-), stofe (si- / es-), evnd.
C’est pus ramassé ki l’ sistinme wiki « simince u esmince / smince », evnd.

2. betchete ki- = co- (kitaper / cotaper)

les intrer a ki- ;
Modele : kissemer (co- / c-)
C’est pus ramassé ki l’ sistinme wiki « kibouter u cobouter / cbouter », evnd.

3. betchete d(i)-
Modeles : dimander / d- ; dimey-doûs / d- ; dissu / dsu (pitit mot avou 2 candjmints)
C’est pus ramassé ki l’ sistinme wiki « dimander / dmander », evnd.

4. betchete r(i)- / (e)r-
Come l° 1 (S+Cossoune)
_________________
Li ci ki n' a k' on toû n' vike k' on djoû.

[Maisse Arsouye]

Dji va fé l' maxhaedje di tot, et adon dj' evoyerè l' fithî à tertous.

Djan propose di vey po l' API, c' est foirt binamé da li ! Et Lucyin, li, i bouterè purade su li rfondaedje do wal-fra.

Dji so disbåtchî di n' poleur fé bråmint, là k' c' est les egzamins et ki dj' a des masses di fouyes à riwaiti. Mins après l' dimègne ki vént, dj' aaurè pus d' timps.
_________________
Rissaetchî-vos di m' solia !

[djan-djan]

Dji n' pinse nén ki fåt mete des mots avou des prumirès letes foirt diferintes sol minme intrêye (dj/g, e/l), on l' pout fé si, metans, les deus prumirès letes sont les minmes. Ôtrumint nosse soçon ki lirè l' motî n' trovrè nén l' mot...

Po ls ôtès riles dji so ttafwait d' acoir et dj' a coridjî mes intrêyes insi.

Po gaye/gaeye:
Mande escuze mins dj' a stî verifyî dins l' ALW, on dit bén guèye dins l' payis d' Haneu... Adon on doet scrire gaeye...

Po vosse rimarke come cwè li "eu" coût n' si dit nén dins l' prononçaedje zero-cnoxheu, dji m' dimande comint vos aloz scrire en AFE les mots shuvants:

FEME

NAMEUR

SEUR

??[/b]
_________________
Mi copiutrece cåze walon -> http://walotux.walon.org