|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: mår 18 nôv, 2008 11:37:13 Sudjet: Tot çou k' Obama n' sårè ddja fé |
|
|
Tot çk' Obama n' sårè ddja fé
L' ome a l' air d' esse ene boune curêye. Et aveur les pinses di candjî pår les dujhances del politike amerikinne.
Portant, on l' prind pol Bon Diu, si on waite çou k' on ratind d' lu, ezès Stêsses et totavå l' Daegne.
Cwè çk' i n' sårè surmint nén fé, a voste idêye ? _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: mår 18 nôv, 2008 12:06:43 Sudjet: |
|
|
Fé aveur ene moutouwele a tos les Amerikins
Il a prometou di fé bråmint po candjî li sistinme di rpayaedje des vizites å docteur, des droukes di farmacyin, et hay vos nd åroz.
Mins ni coeyopz nén k' i va poleur diner ene moutouwele a tertos, come end a ene el Walonreye.
Aprume, ci n' est nén dins les idêyes des Estazunyins. (dji n' di nén "Amerikins", ca l' Canada vént do mete so pî ene sacwè ene miete come nos moutouweles.)
Adon-pwis, gn a des trop gros interesses dins les societés d' assurances ki vindèt des "assurances santé" ås patrons po leus ovrîs et eployîs. Obama divrè ddja lûter disconte di totès sôres d' industreyes, ki boutèt po leus tchapeles. Adon, il årè do pwin assez so s' plantche.
Après, si on dinreut des moutouweles a tertos, i fåreut felmint baxhî les tarifs des medcéns, infirmires, ospitås et hay vons nd åroz. Ene infirmire avou deus ans d' mestî, el Californeye, va ddja cweri dipus d' 5.000 € par moes !!! Et les docteurs, dabôrd !!! On raconte li cas d' ene djin k' aveut toumé djus d' ene schåle, et aler a l' ospitå po vey s' ele n' aveut nén ene fraiteure do cråne. Après 24 eures, l' ome rivént a s' måjhone : i n' aveut rén. Sacwants djoûs pus tård, i rçût l' note, et ene salêye : åk come 20.000 uroliårds (28000 $US) ! Lacobén k'il esteut assuré. L' assurance a stî martchoté avou l' ospitå, et payî, al fén des féns, 10.000 €. Ça fwait 400.000 francs po ene djournêye d' egzamins ey ene nute al clinike !!! _________________ Li ci ki n' a k' on toû n' vike k' on djoû. |
|
Rivni al copete |
|
|
djozewal
Date d' arivêye: 2005-07-01 Messaedjes: 307 Eplaeçmint: bagué !
|
Date: mår 18 nôv, 2008 13:17:06 Sudjet: |
|
|
Minme nén aprinde li walon èt vinu criyî "Dji seû on Walon" ubèn "Free Walonîye" ? |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: lon 19 dja, 2009 15:14:48 Sudjet: |
|
|
Po çou k' est des rapoirts avou l' Amerike latene, i shonne k' Obama n' apoitrè nou candjmint, il a ddja cmincî a tni l' minme discours di todi. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|