Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Aprinde li walon

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: dim 27 nôv, 2005 3:26:27    Sudjet: Aprinde li walon Responde tot citant

Arrow (shûte do berdelaedje kimincî sol sudjet Google Earth)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: dim 27 nôv, 2005 3:43:46    Sudjet: Responde tot citant

Psychedelik Barakî scrijha:

Citåcion:

Kinoxhoz bén l' waibe "Li ptite croejhete"? c' est ene pitie grammaire po-z aprinde li walon, foirt bén fwaite.


Dji n'cnixheûs nén, mins dj'va wêr al pus râde. Grâces co on côp.


I gn a ossu si grande sour:
Li waibe del croejhete walone (k' a stî l' prumire sicrîte; c' est avou cisse lale ki dj' a bråmint apris)

Citåcion:

dj'voreûs vos dminder : Walonrèye, Walon'rèye o bén co Walonîye ? Quid ?


Les deus prumîs c' est l' minme (djusse k' i gn a des djins ki metèt pus voltî des croles po mostrer ki c' est nén on "on" come dins "tchampion");
Les deus nos "Walonreye" (prononçaedjes teyorikes "Walon'rèye", "Walon'rîye", li cawete "-èy(e)" si prononçant "-èy, -îy, -î" d' après les redjons) et "Waloneye" (prononçaedjes teyorikes "Walonèye, Walonîye") sont sinonimes; on eploye pus sovint l' ci avou li stitchî "R" å Levant (la k' on prononce -ey=-èy) eyet l' ôte pus sovint å Coûtchant (la k' on prononce -ey=-îy).

Si on cåze sovint e walon åtoû d' vos, prindoz l' mot come il est eployî åtoû d' vos; ôtrumint prindoz l' ci ki vos plait l' mî, come c' est des sinonimes vos avoz l' tchuze, les deus c' est Walonreye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Guest






MessaedjeDate: lon 05 dec, 2005 19:54:42    Sudjet: Responde tot citant

Citåcion:

I gn a ossu si grande sour:
Li waibe del croejhete walone (k' a stî l' prumire sicrîte; c' est avou cisse lale ki dj' a bråmint apris)

Very Happy Grâces, çoula m'dinne dédja del aidance.

E si dj'areûs co 'ne sacwé a vs dminder : Cnixhoz on motî Walon/Francès (E l'contraire) sol waibe ? Ey è papî ? Eu c'ké dj'poreûs d'è n-awèr onk ?

(W) Toudi
Rivni al copete
Psychedelik Barakî



Date d' arivêye: 2005-11-22
Messaedjes: 63
Eplaeçmint: Nameur (Bomel)

MessaedjeDate: lon 05 dec, 2005 20:02:02    Sudjet: Responde tot citant

Dji n'm'asteûs nén èlodjî main c'est mi k'a scrit l'response d'vosse rèsponse a m'cwèstion d'vosse response, etc...
_________________
Dvizans Walon inte frés do payis
Des beas mots po l' ni nén rovyî
Rivni al copete
Vey li profil di l' uzeu Evoyî on messaedje privé Evoyî èn emile
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: mår 13 dec, 2005 21:56:19    Sudjet: Responde tot citant

Citåcion:

E si dj'areûs co 'ne sacwé a vs dminder : Cnixhoz on motî Walon/Francès (E l'contraire) sol waibe ? Ey è papî ? Eu c'ké dj'poreûs d'è n-awèr onk ?

(W) Toudi


So freelang i gn a:
on motî francès<->walon d' Lidje et èn ôte francès<->walon d' Forire.

I gn a eto so les fyis çou k' a stî ecôdé do DTW (Diccionaire di Tot l' Walon), mins ki n' a k' les letes A-E (et poy plik plok sacwants mots dins les ôtès letes).

Des diccionaires so papî, sovint elzès fåt aler atchter amon l' oteur...
i gn a yeu l' ci da Haust (walon d' Lidje) k' a stî replaidî i gn a sacwantès anêyes et k' on trovéve al FNAC, dji n' sai nén s' end a co.

Al fôre ås lives di Gråce-Hologne (tos les moes d' måss) vos pôrîz trover sacwants diccionaires (eyet on s' pôreut vey båbe a båbe eto Smile )

Al biblioteke des Tchirous, a Lidje, i gn a sacwants diccionaires eto;
emey zels li «mes 3.000 prumîs mots d' walon» k' a stî l' tot prumî a ramexhner des mots di pårlers walons diferins (c' est so 4 colones,
li mot e francès, poy e walon d' Lidje, di Nameur, di Tchålerwè)

Sol pådje:
http://lucyin.walon.org/diccionairaedje/djiveye400.html
i gn a ene djivêye di kékes 500 diccionaires et motlîs d' totes sôres;
come vos l' poloz vey, end a bråmint; çou k' est målåjhey, c' est d' les trover! Pa côps on ndè pout atchter dins des fôres ås lives, ou amon des botikes ås vîs lives...
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: mie 14 dec, 2005 11:01:39    Sudjet: Responde tot citant

Po l'walon d'Nameûr, gn'a lès lîves da Lucyin Some èt Chantal' Denis amon lès Rèlîs Namurwès.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Psychedelik Barakî



Date d' arivêye: 2005-11-22
Messaedjes: 63
Eplaeçmint: Nameur (Bomel)

MessaedjeDate: vén 16 dec, 2005 17:17:17    Sudjet: Responde tot citant

Pablo Saratxaga scrijha:

Al fôre ås lives di Gråce-Hologne (tos les moes d' måss) vos pôrîz trover sacwants diccionaires (eyet on s' pôreut vey båbe a båbe eto Smile )

Awé, mins pèdint TOT l'moes d' måss ?
Pou l' bibliotèke, oy mins Lîdje, c'est lon ! I fåt do timps pou daler drola...
Dj' va cwand minme sayî.
Al Fnac a Brussèle i gn a nén branmint d' ovradjes è walon (On pitit Assimil èy on pitit motî "Mon premier vocabulaire wallon"), i d'è n-a pus dzeu brussèloes, mins c'est nén èwarant...

Maisse Arsouye scrijha:

Po l'walon d'Nameûr, gn'a lès lîves da Lucyin Some èt Chantal' Denis amon lès Rèlîs Namurwès.

Dj' va wêr

Grâces a vos deûs Wink
_________________
Dvizans Walon inte frés do payis
Des beas mots po l' ni nén rovyî
Rivni al copete
Vey li profil di l' uzeu Evoyî on messaedje privé Evoyî èn emile
Pablo Saratxaga
Site Admin


Date d' arivêye: 2005-07-01
Messaedjes: 1012
Eplaeçmint: Oûpêye

MessaedjeDate: vén 30 dec, 2005 23:34:06    Sudjet: Responde tot citant

Feintisti scrijha:
C'e-st-on foirt bon prodjet, bravô!
Dji saye chal di scrîre è rfondu mins ci n'est nén todi målåjhey... Si dji poste èn årtike so Wikipedia è Lidjwès, tertos n'va nén comprinde. Dj'a veyou qui tot l'waibe esteut è rfondu walon, kimint fé? Rolling Eyes


Bondjoû, et boune anêye!

Awè, dj' a veyou k' vos avoz scrît èn årtike sol wikipedia avou;
dji so foirt binåjhe di vey des novelès djins k' arivèt et ki cåzèt (bon,
ki scrijhèt, mins on s' pôrè motoit vey båbe a båbe on djoû) e walon.

Pol wikipedia e walon, l' idêye c' est di scrire e rfondou; paski les cis
k' ont cmincî scrijhèt e rfondou, eyet eto, pask' èn årtike
pout esse l' ouve di pus d' ene djin.

Pol sicrijhaedje do rfondou, vos ploz aler vey so
http://rifondou.walon.org/cours/
mins i gn a sacwants detays ki n' s' î trovèt nén co (c' est ene sacwè
ki manke co, ene boune usteye po-z aprinde)
vos ploz eto eployî l' coridjrece so http://chanae.walon.org/walon/coridjoe/

So http://rifondou.walon.org/scol-passaedje.html i dvreut aveur des aidances po tchaeke pårler walon e cmint l' sicrire e rfondou; mins ça n' a måy stî scrît k' pol Basse Årdene.
Vochal on ptit rascourti abeye abeye des corespondinces rifondou <-> lidjwès:

- å: come e lidjwès, såf po "wåfe" ("wafe" e lidjwès) et motoit 2-3 ôtes
i gn a ossi des "å" e rfondou ki sont scrîts "o" (court, dismetant ki "å" est normålmint longou) e lidjwès: måjhone <-> mohone, pårotche <-> porotche; årvierdimint, i gn a des "å" lidjwès ki sont djusse "a" e rfondou: anea <-> ånê, agnea <-> ågnê;
- én: tofer "in"
- xh, sch, jh, h <-> h e lidjwès.
les "jh" al fén si prononcèt pa côps "z" e lidjwès
(eg: eglijhe, deujhinme <-> eglîze, deûzinme)
les xh dins l' codjowaedje do suddjonctif si prononcèt "ss" å pus sovint
asteure (mins "h" dins l' tins, et co dins des plaeces k' i gn a;
eg: ki dj' alaxhe <-> ki dj' alasse/alahe)
- oe: tofer "eû", såf dins "tchoezi" (tchuzi e lidjwès)
- oen: tofer "on" (eg: poenne <-> pon.ne), såf pol viebe "moenner"
(et derivés) ki pa côps c' est "in'" (moenner, dji moenne <-> miner, dji monne)
- oi: tofer "wè/wé"
- ae: tofer "è"
- sh: tofer "ss" (eg: ashir <-> assir)
- les årtikes e rfondou (e lidj.) c' est: li, les (li, lès), do, del, des (dè, dèl, dès), on, èn, ene (on, in', ine)
- endè (end, ndè, nd) <-> ennè (enn', 'nnè, 'nn')
- pol restant, c' est assez bén l' minme avou kékès ptitès diferinces avou l' Feller:
- "ai" (nén "ê"; såf dins l' cawete -êye, li codjowaedje des viebes del sôre "tchicter" (dji tchictêye), eyet l' cawete -rê (foirt råle)
- pont d' "moyas e", tos les "e" si prononcèt "è", mins on n' mete måy l' accint, såf: 1. li mot "è" (nén eployî a Lidje wice k' on eploye purade li sinonime "endè"), 2. al fén do mot (wice k' åtrumint li "e" ni s' prononce nén, eg: "blanke" si prononce /blank'/ mins "blankès" po /blankè/), 3. li codjowaedje 3inme djin plurial di l' indicatif (eg: i vikèt)
- on n' mete nén d' tchapea so "eu", nerén so "o" pa dvant "y"; minme si å pus sovint on l' prononce longou (eg: voye <-> vôye)
- on n' mete nén d' tchapea so a,e,i,u,ou pa dvant en doûce cossoune (b,d,dj,g,j,jh,v,z) (eg: Lidje, tuzer, bijhe <-> Lîdje, tûzer, bîhe) ou pa dvant on "r" (eg: cur, cir <-> cûr, cîr)
- li son "k" si scrît "c" pa dvant a/o/u ou cossoune; "k" ôte pårt (eg: viker, dji vike, mins nos vicans)
- les assimilåcions ni si scrijhèt nén (mins si prononcèt bén seur): atincion, siervi (prononcî "atinchon", "chervi", la ki /s+y/ -> /ch/), il a vnou (prononcî "il a mnou", la ki /v+n/ -> /m'n/ a Lidje), les djnos (prononcî "gngnos" la ki /dj+{n,m}/ -> /gngn/), les tchveas, li tchvå (prononcî "djvês", "djvå" a Lidje, la ki /tch+v/ -> /dj'v/; a noter k' a Nameur /tch+v/ -> /tch'f/)

Li pus målåjhey po on lidjwès, c' est fé l' diferince inte les scrijhaedjes ki s' prononcèt parey:
- h/jh/xh/sch;
- oi/we
- én/in
- ae/e
- oe/eu
- po sh/ss/ç, "sh" n' est eployî ki dins kékès mots (et leus derivés): shure (shuvant, shûte, porshure,...), mashale, coshet, ashir (ashidaedje,...), eshonne ("essonle" e lidj.) (rashonner, shonner,...), shabot, shofler, shijh (6), shijhe ("sîze" e lidj.), båshele
- po oen/on i gn a ki bråmint waire di mots avou "oen": moens, poenne, voenne, moenne (antimoenne, patrimoenne, moenner,...), avoenne

après, c' est a foice di lére et d' sicrire ki ça vént ptit a ptit.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Feintisti



Date d' arivêye: 2005-12-27
Messaedjes: 19
Eplaeçmint: Lidje

MessaedjeDate: dju 05 dja, 2006 21:41:13    Sudjet: Responde tot citant

Merci bråmint, avou vos conseyes et vos waibes, dj' a pu riscrire m' messaedje e walon. Smile Dji so djonne et dji n' a kimincît vraiymint li walon ki cisse anêye, adon dji fé bråmint di fåtes et dji n' såreus nén cåzer (orålmint) à ene sakî e walon come si dji cåzeus li francès... Embarassed
_________________
Feintisti

Li toirdou åbe vike pus lontins ki l' åbe droet, li taeyeu d' legne ni pout nén l' côper.
Rivni al copete
Vey li profil di l' uzeu Evoyî on messaedje privé
Psychedelik Barakî



Date d' arivêye: 2005-11-22
Messaedjes: 63
Eplaeçmint: Nameur (Bomel)

MessaedjeDate: dju 05 dja, 2006 22:47:31    Sudjet: Responde tot citant

Mi èto, dj' a co do mau a l' comprinde, divzer ça va, mins comprinde...
_________________
Dvizans Walon inte frés do payis
Des beas mots po l' ni nén rovyî
Rivni al copete
Vey li profil di l' uzeu Evoyî on messaedje privé Evoyî èn emile
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group