Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

lingaedje / linwe / langue

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 06 djn, 2009 11:17:26    Sudjet: lingaedje / linwe / langue Responde tot citant

Djozé dmanda
Citåcion:
"lingaedje", "linwe" et "langue". : Si "linwincieus", pokwè nén linwaedje ?
[08:52:53] <djozewal@gmail.com> ..èt "langue" c' èst tot djusse do françès !


Li fondaedje, c' est foirt compliké. I fåt aconter 36.000 idêyes. Et come direut L. Hendschel : "Les lingaedjes sont tot såf racionels: i sont bastis tertos al taxhlete pa cint meye halcotîs, avou tchaeke si idêye."

"linwe" a apité (londjinnmint) do latén.

"lingaedje" a stî calké do francès avou rwalonijhaeje -je => -dje, et nén do latén, come linwe. Li prouve : a Lidje, i dijhnut "lingAdje" nén linguèdje, come ça divreut esse avou l' cawete -aedje. c' est on mot k' a dvou passer e walon diviè 1900.

"langue" a stî calké setchmint do francès, po "lingaedje" (çou ki fwait l' diferince avou l' linwe k' est dins l' boke). C' est les djins k' ont tchoezi çoula, aprume cwand on-z a stî a scole, et-z aprinde des langues etrindjires" (diviè 1950 ?). Faleut i l' accepter ? Onk des prumîs "ehåyeus do walon", Rodjî Viroux, fijheut bén l' diferince. Et-z eployî tofer "langue" dins ses scrijhaedjes sol croejhete walone dins "Noveles d' après l' Ban-bwès". Les rfondeus si doevnut eto rashir so le suzances des cis k' ont vnou dvant zels.

Les dierins noûmots, "linwince, linwincieus, linwe-ehåyaedje" (askepyîs des rfondeus) sont rfwaits sol bodje "linwe".
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: sem 06 djn, 2009 14:15:23    Sudjet: Responde tot citant

Si on rigripe djusk' au latén : lingua = langue k' on sititche au ddins dès lèbes dins on nén à picètes-bètch.
Dischindant d' sakants scayons, èviè 960, po cåzer c' èst l' "langaige". Haust, dit bén k' "langue" c' èst do françès.

Adon, si linwe va avou linwincieus, evd, ça dwèt d' aler avou linwaedje.
A m' n' idêye, l' rifondaedje a à dimèrer lodjike avou li-minme
Wårdèz langue, si vos l' volèz, po lès french-kisses odobén, po è fé bisker dès ôtes, po lès tongkuss.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group