Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Waloneye /Walonreye

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: mie 09 set, 2009 15:03:56    Sudjet: Waloneye /Walonreye Responde tot citant

So Wikipedia, dji wè todi "Walonreye" prumî et "Waloneye" padrî. Mins dji n' a måye etindou "Walonreye". Dji voreu bén sawè awou ç' k' on dit ç' mot là et pocwè il est todi metou prumî ?

Paski, por mi, ça srè pus lodjike di mete "Waloneye", là k' i m' shone ki c' est l' foime li pus stindouwe. Pol mwins, i fåreu mete "Waloneye" et nén "Walonreye" po ls årtikes ki sont raloyîs à "Waloneye", comme "Nameur" et co ds ôtes.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
djan-djan



Date d' arivêye: 2007-07-22
Messaedjes: 264
Eplaeçmint: Mont-Sint-Gubert

MessaedjeDate: sem 12 set, 2009 9:23:25    Sudjet: Responde tot citant

Walon'rèye (e Feller) est eployî dins tot l' payis d' Lidje. C' est ene sorwalonde. Mins pol Walon(r)eye on pout eployî les deus, c' est on dobe rifondaedje, k' i m' shonne.

Dji pinse ki dins l' Wikipedia c' est Walonreye paski les djins k' ont scrît les pådjes el dijhnut. Gn a pont d' rîle. Po des djins c' est pus "walon" come mot.

Gn årè todi des diferinnès voyes emey les rfondeus...
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: lon 14 set, 2009 7:59:51    Sudjet: Responde tot citant

Dj' ô bén. Dji n' a rén conte "Walonreye", mins dins l' årtike c' est come si "Walonreye" esteu oficîr et "Waloneye" ene foirme coinrece. Mi, i m ' shonne ki l' foirme coinrece, c' est purade "Walonreye" (po les lidjeus, c' est ene arsouyreye Wink )

Adon, çou ki dji vereu voltî, c' est di mete les deus nos sol minme pîd ! I fåt mete on côp l' ene, on côp l' ôte. Et sacwants côps i fåt mete les deus.

Dji m' va ddja fé sacwants candjmints. Mins dji n' sé nén comint mete "Waloneye - Walonreye" dins l' tite di l' årtike.

Avou les dobes rifondaedjes, i fåt todi fé bén atincion di n' nén mete on mot padvint l' ôte...
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
lucyin



Date d' arivêye: 2005-07-07
Messaedjes: 2903
Eplaeçmint: Sidi Smayil, Marok

MessaedjeDate: mie 16 set, 2009 13:23:16    Sudjet: ricandjî les porcints d' eployaedje dins "Wiki" ? Responde tot citant

ricandjî les porcints d' eployaedje dins "Wiki" ?

Oyi, vos ploz rcandjî po-z aveur on cwota 50/50. C' est les uzeus do walon di dmwin ki reliront surmint onk des mots. On n' årè dandjreus pus les deus e 2100.

Tant k' a mi, "Walonreye" mi plait mî paski :

* c' est vormint on noûmot walon, dabôrd ki "Waloneye", c' est li rfondaedje do noûmot francès "Wallonie" (askepyî e 1844).

* "Walonreye" a vnou å monde a on moumint ki les scrijheus lidjwès avént co les pinses di fé on lingaedje walon ki djåze did tot, come les Flaminds estént ki l' fijhént di ces trevéns la (fén do 19inme sieke).

* Li ristitchî R di "Walonreye", c' est ene piceure pår walone; on l' ritrove dins ene pekêye di mots. (gn årè ene categoreye avou ces mots la sol Wiccionaire). Et c' esteut co bén vicant amon les dierins walon-cåzants natifs (metans li noûmot "Etrernete", di "Intrernet" rilevé d' on cåzeu pa Josée Mathot diviè 2000. Pår pol cawete -eye, gn a des rlomés egzimpes come "farmaçreye", "årmonreye".

Pol mwaisse tite, gn a k' les manaedjeus (Pablo et mi) ki polnut displaecî l' pådje Walonreye => Waloneye. S' i gn a vormint bråmint di dmandes di Wikibouteus, por mi, gn a nole rujhe. Dji l' a ddja fwait assez ! Les hårdêyes des ôtes lingaedjes shuvèt.

Po des piceures k' i gn a, avou des dobès rfondowes Lidje-Årdene <> Nameur-Tchålerwè (come li codjowaedje "i boutèt <> i boutnut"), dji saye d' eployî les deus; come di djusse, c' est todi l' ci ki vos avoz crexhou avou ki rispite.

Åmen
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: mie 16 set, 2009 15:22:10    Sudjet: Responde tot citant

Dj' el ridis : dji n' a rén conte "Walonreye" Wink Nos estans d' acoird sol 50/50... Mins por mi, i fåt ovrer sutîmint. Po "Lidje", i fåt mete ki c' est ene veye di "Walonreye", po "Nameur", ki c' est ene veye di "Waloneye".

Dji n' so nén po mete des sorwalondes tot avå, minme si dji comprinds ki tot l' monde ni tuze nén come mi.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
lucyin



Date d' arivêye: 2005-07-07
Messaedjes: 2903
Eplaeçmint: Sidi Smayil, Marok

MessaedjeDate: mie 16 set, 2009 22:22:56    Sudjet: Responde tot citant

Maisse Arsouye scrijha:
Mins por mi, i fåt ovrer sutîmint. Po "Lidje", i fåt mete ki c' est ene veye di "Walonreye", po "Nameur", ki c' est ene veye di "Waloneye".


Dji sayrè di tuzer a çoula cwand dji fwai des årtikes so des viyaedjes d' après Nameur & Tchålerwè. Et dmander l' sintimint des ôtes waloneus, après l' Årdene, so ç' pont la.

Dedja e 1997, gn aveut yeu des ci d' après Tchålerwè disconte Walonreye => c' est "Walonreye" k' aveut passé dins l' afitche e rfondou UCW-Institut Destrée :

http://wa.wikipedia.org/wiki/Im%C3%A5dje:Afitche_fiesses_Walonreye1997_tecse_Hendschel.jpg
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group