Berdelaedjes

[djan-djan]

Bruno a dit l' 7 di djulete:

[djan-djan]

Li 20 di djulete:

Bondjoû,

Mandriva et openSUSE sont les seules distribucions Linux ki les usteyes del distribucion sont rmetous e walon. Come KDE eyet Gnome sont po ’ne pårt ratournés e walon, vos ploz awè dins bråmint des distribucions Linux (Ubuntu, Debian et tchik et tchak...) vosse sicribanne (vosse buro) et des programes e walon mins nén les cis specifikes al distribucion. Pos Ubuntu, les programes come Synaptic (li manaedjeu des pacaedjes), les usteyes d’ apontiaedje di l’ ôrdinateur ni sont nén e walon.

Dins openSUSE, metans, ene grande pårt des usteyes d’ apontiaedje (astaler les programes, astaler l’ distribucion, les metaedjes a djoû, l’ apontiaedje del sori, et vos nd åroz) et bråmint des ptits detays ki sont-st e walon. Totes ces afwaires la seront en inglès (ou francès) dins ene ôte. Vos ploz tchoezi l’ walon a l’ astlaedje et tot s’ fwait e walon (ene grande pårteye purade). Et cwand vs åroz astalé, vos n’ åroz pus grand tchoi a candjî po k’ ça rote e walon.

C’ est don mitan vraiy çou k’ vos djhoz: vos ploz tchoezi l’ walon pos Ubuntu mins vosse esperyince serè a mitan e walon et i fårè pus tchicter pos ariver å minme tchois.

On va fé on "Live CD" bén rade (i nd a ddja onk di saye sol waibe vaici: http://walotux.walon.org/spip.php?article31) pos aidî les djins as astaler åjheymint Linux e walon.

(Mande escuze pol tins k’ il a falou po responde mins dj’ a on robot k’ evoye des messaedjes SPAM sol forom eyet vosse esteut catchî ddins)
_________________
Mi copiutrece cåze walon -> http://walotux.walon.org