Berdelaedjes

[Gaytan]

Bondjoû,

dji vôreû bin ratourner li mot inglès spectrum, nin po riv'nant mins po l' sins' eployî e fizike. E francès, c' est spectre. Dins les motis da Simon Stasse et Charles Grangagnage, i n' a spér (mins c' est eployî po "esprit". Dins les motis da J. Martin Lobet et da Charles Grangagnage i n' a speur, eto eployî po esprit. Dins l' moti da Jean, spér est eployî po "esprit" et spèke est eployi po "spectre". Dji n' voe rins sol moti.walon.org ou sol wiccionaire. Avez-v' ene idêye?

Merci bråmint po vosse aidance.
_________________
Gaytan

[Maisse Arsouye]

Spectrum, c' est do latén. Adon, i fåreuve vey cmint ç' ki ç' mot là åreu candjî do latén å walon.

I m' shone ki :

sp- divént sip-

Adon :

sipe-ctrum

Dji n' wè pont d' ôte mot latén avou "-ctrum".
_________________
Rissaetchî-vos di m' solia !

[djan-djan]

Dins wikipedia on dit çoula di spér:

[Maisse Arsouye]

Siya, spectrum c' est on mot latén riprind èn inglès sins candjî :

http://www.prima-elementa.fr/Dico-s06.html

Spér vént di spiritus mins speke, à mn idêye, vént purade di spectrum.

Mins rivnans à nos bedots...

Dji n' etind nén voltî speke, mins s' il est ddja eployî, ostant l' wårder.
_________________
Rissaetchî-vos di m' solia !

[Gaytan]

I n ' a eto spér po spectre (dins l' sins di rivnant) dins l' Dictionnaire Wallon-Français da J. Hubert (eplaidî a Lîdje e 1857). I shonne k' on n' trove spéke ki dins l' moti da Jean Haust (mins po esprit, revenant). E francès on eploye spectre po les deux sins : revenant, fantôme et dins l' dôminne des syinces. É spagnol on eploye eto li minme mot po les deus sins : espectro. Eto én-itålyin (spettro) et é catalan (espectre). On n' trove nén onk mot po "spectre" dins l' dôminne des syinces dans les motis walons. Eploye-t-on li minme mot e walon? Ké mot sereut-i mis d' eployî : spér, speur ou spéke? Lucyin ki pinsez-v' di çoula?
_________________
Gaytan

[lucyin]

oyi, speke (sins accint, rîle do disfaflotaedje do "è"), c' est l' franc rwalonijhî calcaedje, avou ene divanceye fôme "espeke", po si e cas gn åreut ene cossoune å coron do mot di dvant. (dins l' esplicant motî, dj' åreu metou eto ene fôme "sipeke", mins on-z a ddja des dobès rfondowes assez; dji n' les rprindrè nén sol Wiccionaire, po les noûmots, todi).

C' est Newton k' a comprins l' sinse do speke del loumire.

Cist antibiyotike la n' convént nén; c' est on stroet speke.

C' est Newton k' a comprins l' sinse di l' espeke del loumire.

Èn antibiyotike å lådje espeke.

Dj' elzès va mete sol Wiccionaire, po k' ça dvegne "oficire".
_________________
Li ci ki n' a k' on toû n' vike k' on djoû.

[lucyin]

speke :
http://wa.wiktionary.org/wiki/speke

espeke : co a fé

spectre (e francès, po schåyî les 2 sinses)

http://wa.wiktionary.org/wiki/spectre
_________________
Li ci ki n' a k' on toû n' vike k' on djoû.

[lucyin]

Mins on pôreut eto askepyî on noûmot d' aparintaedje. Dji tuze a "spårda" (rizultat di l' accion di "si spåde" eyet manire di si spåde) Loukîz ås sinses del cawete -a :

http://wa.wikipedia.org/wiki/Cawete_-a

Li spårda del blanke loumire, passêye dins on prisse, c' est totes les coleurs di l' airdiè.

Cist antibiotike la, di si spårda, i n' djond k' les gram moens.

Come di djusse, po k' on sfwait noûmot passe, i fåt k' i soeye eployî pa les djins ki scrijhnut ene sacwè so des tchamps la k' on s' endè pout siervi.
_________________
Li ci ki n' a k' on toû n' vike k' on djoû.

[Gaytan]

C' est ene idêye a tuzer po les ratournaedjes des mots tecnikes ki n' egzistèt nén e walon. C' est mî d' eployî on mot walon k' adrameter on mot inglès oubén on mot francès. Come fijhèt les Kebecwès. Voeyoz so l' site waibe : www.granddictionnaire.com. Pa egzimpe : "podcasting" est eployî e francès d' Urope, mins å Kebek on dit baladodiffusion. On pout eployî deus mots po fé on ôte. Dj' inme mî les ratournaedjes kebecwesses.
_________________
Gaytan

[djozewal]

C' èst come piron parey po "waibe" èt "emile"... Nos avans ène linwe po nos è sièrvu !
Mins, dji bèrdèle dins l' vûde, dins l' bruweu ki s' rimpli d' mots vnus d' au lon...

[djan-djan]

[djozewal]

C' èst bén conèxhu, l' walon dischind d'l' inglès...
L' francwès mougnenut do "spek" èt nén do ptit salé èt lès flaminds dîjhenut "spectrum" po rivnant.
Adon, nos n' avans k' a nos mète dirèk à l' linwe da Chèkèspîre èt n' pus piède nosse tins à ène sakwè ki pièd s' n' âme !