Berdelaedjes

[lucyin]

L' Aberteke di måss

replaece l' Aberteke ås scrijhaedjes :
http://aberteke.walon.org/

Les noveles sont so l' Aberteke ås noveles :
http://aberteke.org/index.php

Sicrijhaedjes
_________________
Li ci ki n' a k' on toû n' vike k' on djoû.

[lucyin]

Djinre e Belès Letes : sovnances

http://wa.wikipedia.org/wiki/Live_di_sovnances

I fwait tchôd

Scrijheu : Bernard Cuvelier.

Accint : Presgå

Mwaisse copeye : http://walon.cultureforum.net/scrijeuses-f8/bernard-cuvelier-t126.htm#457

Copeye e rfondou :

C' esteut on djoû k' i fjheut tchôd. Les djonnes du Presgå n' savént cwè fé. Il avént l' fleme.

Djôzef dit: « On ireut bén trôler å ståve. Drola on n' cachrè nén après nos. » Et rouf rouf vla nos djonnes e rote.

I fwait tchôd. El pitit Djan dit: « On ireut bén pås paxhis, on pasrè pa l' voyete do Ri Capiô ». I avént ene sacwè padrî leu tiesse.
Vla nos djonnes arivés, i fwait tchôd. L' ouxh do ståve est å lådje, i gn a k' a rintrer.

Droci, i gn a d' l' ombe et on s' croereut dins l' caviene d' Ali Baba. Des batchs di bire, ké miråke ! Et nén co del bebene ! Mins del trapisse di Scourmont !

Albert, ki n' a nén froed a ses iys : « Si on drovreut ene botaye? » Alez, ene, deus, troes, tchaeconk. Et i fwait si tchôd. Vla leu tiesse ki toûne. Il estént sôs, il avént l' licote.

Rene k' a todi des tas d' cacayes dins ses potches: « Rwaitîz, vla des petårds a metche et des aloumetes, on va rire. » I tchake ene aloumete et « Boum ! » on petård ki skete.

Les galopeas riyént et « Boum ! » un deujhinme petård fwait voler ene botaye a bokets.

Avou troes, ça tchåfe, hin l' solea. Ça n' esteut pus les petårds ki petént, c' esteut leus tiesses.

Guståve, lu, n' aveut co rén fwait. I prind ene botaye et l' pete å meur. Et les galopeas riyént plin leu boudene. Mes pus po lontins.

Nén lon did la, Irma, aveu s' tiesse do djeråd tourminté, rwaitive nos lascårs ki, leus ferdenes finiyes, s' ont stî ashir su les måtches di l' eglijhe.
El londmwin, a l' escole, el mamzele les ratind et lezî passe onk di ces savons ! « El djeråd tourminté » aveut canlté !

Nos ketlots n' estént nén firs. Il estént rodjes, nén d' tchôd mins d' honte.
El pitit Djan, i n' esteut nén rodje, il esteut djaene di peu; il aveut håsse. Ses djambes triyanént come des peuplîs. I gn a k' pixhî dins ses marones k' i n' a nén fwait !

Et ç' côp ci, i faleut payî les pots sketés.I n' end aveut nén po on ptit côp. Leu mamjhele lezî a apresté ene afwaire et kéne afwaire : vint viebes a tos les tins.

Et ké ratournêye di leu popa !

Tout ça po vos dire ki, cwand i fwait tchôd, purdoz vos clikes et vos clakes et alez s' al schavêye.

Èç-n istwere ci n' a nén stî edvintêye. On vos l' asseure, c' est arivé e 1969 a des gaméns do Presgå k' avént tchôd.

Bernard CUVELIER
(Mondjan)

Målåjheys mots :

ketlot :
http://wa.wiktionary.org/wiki/ketlot
_________________
Li ci ki n' a k' on toû n' vike k' on djoû.

[lucyin]

Li Tchinne et l' cladjot

Scrijheu : Jean de Lafontaine / André Vellande

Accint : Rifondou Condroz namurwès

Mwaisse copeye : http://walon.cultureforum.net/scrijeuses-f8/andre-vellande-t133.htm#488

Copeye e rfondou :

Li tchinne arinne on djoû l' cladjot :
« Vos avoz bén sudjet d' amete li creyåcion,
Dzo l' pwès d' on grey roytea, disk' a l' tere, vos verdjoz
Et l' mwinre airaedje ki, d' ocåzion,
Di l' aiwe rivlêye li bladjot miroe,
Coscheut vosse tiesse et vos l' rabaxhe
Cwand m' fir houpisse, stritchî e cir té l' Imalaya,
Nin contin d' ratieni l' feu do hagnant solea,
Fote co l' figue å waeraxhe vint.
Rén k' l' air vos est stoubion, por mi, tot n' est k' frumjhon,
Si dedja vos soudrîz a l' ombreye di m' fouyaedje
Ki racovtêye tot l' vijhnaedje,
Dji vos pôreu siervi d' måjhon
Cwand, pattavå, l' oraedje roudeye;
Mins, å pus sovint, vos crexhoz
El plinne air des frexhåds ou so l' boird des rixhots;
Por mi, l' Bon Diu a fwait vosse pårt a l' rassaetchete.
« Vosse tcharité, dandjreus, respond-t ele li rawete,
Pratike d' ene foirt boune åme, mins rovyîz vos tourmints :
Dj' a bén moens peu ki vos do vint et d' ses groûlmints;
Dji ploye, dji n' schortêye nin. Si, å djoû d' ådjourdu,
Dvant ses randons, ses côps toirdous,
Sins bloncî, sins crankyî, vos avoz tnou,
I fåt ratinde pus lon.» Les mots n' sont nén tot vnous
Ki do fén fond des trîs, driglêye, pire k' on dlaxhî,
Li pus tigneus des spwès k' on djoû
Li noere bijhe åye cové dins les racwéns di s' schô.
L' åbe si rastoke eyet l' djonc flitche.
Houreus, tchessant, li vint shofele
Tant k' a l' difén, i schove a tere
Li ci ki s' front dressî aléve kekyî les stoeles
Et k’ ses pîs, cåzu, forént disk' e l' infier.
_________________
Li ci ki n' a k' on toû n' vike k' on djoû.

[lucyin]

Les mots då vî pa da Felicyin

Scrijheus : Daniel Barbez / Henry Matterne / Jacques Henrotte / Jean-Luc Fauconnier

Accint : Tcheslet / Sårt-Sint-Lorint / Otêye

Mwaisse copeye : http://walon.cultureforum.net/scrijeuses-f8/daniel-barbez-t129.htm#464

Copeye e rfondou :
http://wa.wikipedia.org/wiki/Les_mots_d%C3%A5_v%C3%AE_pa_da_Felicyin_%28lives%29
_________________
Li ci ki n' a k' on toû n' vike k' on djoû.

[lucyin]

Dispoy todi ...

Scrijheus : Amand Géradin

Accint : Amtene

http://walon.cultureforum.net/scrijeuses-f8/amand-geradin-t127.htm#460

Copeye e rfondou :
http://wa.wikipedia.org/wiki/Amand_G%C3%A9radin
_________________
Li ci ki n' a k' on toû n' vike k' on djoû.

[lucyin]

Bixhes, singlés, tchivroûs

Scrijheu : Lucyin Mahin

Accint : Transene

Mwaisse copeye : http://walon.cultureforum.net/scrijeuses-f8/ene-bauke-su-les-bwes-d-l-ardene-t125.htm#456

Copeye e rfondou :
http://walon.cultureforum.net/scrijeuses-f8/ene-bauke-su-les-bwes-d-l-ardene-t125.htm#459
_________________
Li ci ki n' a k' on toû n' vike k' on djoû.

[lucyin]

Saetch ås mas

Scrijheus : Christian Thonet

Accint : El Lovire

Mwaisse copeye : http://walon.cultureforum.net/scrijeuses-f8/christian-thonet-t124.htm

Copeye e rfondou :
http://wa.wikipedia.org/wiki/Saetch_%C3%A5s_mas_%28novele%29
_________________
Li ci ki n' a k' on toû n' vike k' on djoû.

[lucyin]

Spots e walon

551 dijhêyes et rvazîs da Mimile Petcheur
(accint d' Sint-Houbert)

http://walon.cultureforum.net/expressions-f4/ratourneures-da-mimile-petcheur-t131.htm

Sacwants spots da André Vellande
(accint do Condroz namurwès)

http://walon.cultureforum.net/expressions-f4/spots-da-andre-vellande-t132.htm

Spots walons come årtikes do Wiccionaire
(rifondou walon)

http://wa.wiktionary.org/wiki/Categoreye:Spots_e_walon
_________________
Li ci ki n' a k' on toû n' vike k' on djoû.