Berdelaedjes

[Sins èhowe]

Eco on mot qu'on veût nin èl dicsionêre da Haust èt qui tot l'monde kinohe:
"flotchi" . Dji n' sé nin kimint ç' qu'on pôreût dire è francés;
" Il a flotchj è s' pantalon" ça vout dire qui, sins l' aveûr fêt èn èspres, ine nokète di str... a hipé foû dè cou d'ine saquî la qui s' î atindéve nin.

[Pablo Saratxaga]

A bén dji n' kinoxhéve nén.
dins l' motî d' Vervî da Wisimus i gn a tot l' minme "pet d' flotche"; avou come ratournaedje francès "pet de maçon" (ratourneure ki dji n' kinoxhéve nén nerén).

"flotchi" c' est on viebe del 4inme sôre? (come "fini", eg: tot flotchixhant)
oubén del 5inme sôre? (come "doirmi, cori", eg: tot flotchant)

Vos pôrîz ndè fé on definixha po l' esplicant motî?

[Guest]

Ène flotche dins l' marone, c' èst come ène faflote, do "vnu".
"I gn'a do vnu, dijéve mi mame. I vos faut lî kandjî l' fachau".
Kwand c' è-st-ène miète di pus ( èt k' ça s' a raplati dins l' rôye), c' è-st-on brotchon.

[Pablo Saratxaga]

Djel a radjouté dins l' esplicant motî: flotchi

Dijhoz si c' est djusse.

Ossu, i fåreut acertiner l' troke do viebe (4e troke: flotchi, dji flotche, nos flotchixhans - come fini; ou 5e troke: flotchi, dji flotche, nos flotchans - come doirmi; ou co 2e troke: flotchî, dji flotche, nos flotchans - come bodjî; ou co 3e troke: flotchyî, dji flotche, nos flotchians - com netyî)