Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Inspecteur Colombo

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 928
Eplaeçmint: Oûpêye

PostDate: lon 21 djl, 2014 16:58:16    Sudjet: Inspecteur Colombo Responde tot citant

(copyî d' facebook)

- P’sieu Porochenko, s’ i vs plait ?
- Oyi ?
- Bondjoû Monsieu, dji so l' lieutenant Colombo del brigåde criminele, dji vs vôreu dmander sacwantès kesse…
- So ké sudjet?
- Bén vola, c’ est åd fwait do Boying k' a stî tapé djus…
- Tot a ddja stî dit, c' est les separatisses, tot est clair…
- Oyi bén seur, tot est clair, mins come el dit m' feme, i fåt k' i n' dimeure vormint pus nole coine d' ombion…
- Kénès coinès d' ombion ?
- Troes côps rén, rapåjhîz vs, dji fwai-st ene enkiesse di routine... dins ciste afwaire, i gn a-st on pont ki m' tracasse.
- Ké pont ?
- Bén volaà, l' Boying a disparexhou dezès radars a 17 eures 15. Vos declarez ene dimeye euere pus tård k' il a stî distrût pa on missile sol-air rûsse del sôre, dji n' sai pus kéne sôre, et k' il a stî saetchî pa des separatisses…
- Oyi, et adon ?
- Bén vola, dj’ î arive, en fwait, l’ avion i broûle co, eyet… comint poloz vs saveur comint et pa kî l' Boying a stî tapé djus.
- C’ est simpe, il a toumé dins ene zône dizo contrôle des separatisses.
- Ah oyi, bén seur, c’ est ene esplikêye… mins ces separatisses... il ont cisse sôre d' éndjolreye la?
- Bén seur, li prouve, il ont tapé djus troes ôtes avions dvant çoula.
- Bén seur, mins dijhoz m', ces avions la ont stî saetchîs djus a moens d' 3.000 metes, èn ekipmint a poirter so li spale sufixhe, mins l' Boying voléve a 10.000 metes.
- C’ est kine.
- Bén djustumint neni, voeyoz vos, li sorodje da minne i cnoxhe bén ces agayons la, il a stî a l' årmêye e l' Almagne eyet loukîz bén ki…
- Åd fwait, inspecteur, åd fwait…
- Bén po saetchî djus èn avion a 10.000 metes di hôt, i fåt des missiles adaptés, so des camions saetche-missile, avou èn ôte camion pol radar, et tote ene tchinne di cmandmint. On-z est bén lon do ptit missile k' on pout s' endè siervi so li spale. Adon dji vs ridmande, est çki les separatisses il ont cisse sôre di stocaesse ekipmint la, et co, est çk' i savèt s' endè siervi?
- Euh, oyi, heu, i nos l’ ont hapé.
- C’ est come di djusse li comuniké do ministere a 17 eures 21, ça fwait 6 munutes divant ki l' avion n' disparexhe des radars. Comint savîz vs k' i vos l' ont hapé?
- Euh, nos avans yeu on comuniké di nos foices so plaece.
- Proficiate, vos avoz des foices ki reyadjixhèt foirt-st abeye, voeyoz vs, èm feme mi dit todi…
- Åd fwait lieutenant, åd fwait.
- Wice ki c' est missiles la ont stî hapés ?
- Dins l' secteur des operåcions dji supôze, dji n’ a nén co yeu des precizions.
- Et comint çk' il ont stî hjapés, on comando a-st arivé discretmint, a saetchî so les sôdårds, a tapé des gurnådes, a mitrayî les instalåcions ?
- Euh oyi, oyi, c’ est pår ça, il ont-st ataké l’ unité pa sorprijhe, dji pinse k’ i gn a yeu bråmint des moirts…
- Bén seur, so dj' biesse. Voeyoz vs, dj' a-st on neveu ki djowe a on sfwait djeu, vos savoz, ces djeus la i plaijhèt bråmint åzès djonnes, i s' tuzèt des comandos et ça saetche tot avå…
- Vola, c’ est bén çou k' a-st arivé.
- Vos savoz çou ki m' neveu m' a dit, cwand dji li a djåzé do scrotaedje des missiles? Eh bén i m’ a dit, c’ est nén possibe.
- Pocwè ? cwè pout i ndè saveur, lu ?
- On n’ eploye nén des grunådes, et on n' saetche nén al mitrayeuze a costé d' missiles di cisse grandeu la. I sufixhreut d' on seul impak et tote li redjon candjreut d' relief. Non p’sieu, ces missiles n’ årént nén polou esse hapés…
- Ah bon, vos è saetchîz çoula come deduccion ?
- I n’ a nén djusse çoula, p’sieu, gn a-st ene ôte kesse ki m' racatoûne e l' tisse, pocwè, mins pocwè årént i hapé ces missiles ?
- C’ est evidint, c’ est po taper djus nos avions.
- Mins i volèt-st a basse hôteur les vosses, et po ça i savèt fé, mins il årént målåjhey po rasshonner les competinces po saetchî ces gros missiles, et di pus, siconte kî, la ki ça n' sereut nén siconte les avions da vosse.
- C’ est po djonde des bombårdîs stratedjikes.
- Mins vos n’ avoez nén des sfwaits bombårdîs, adon pocwè ?
- Il ont bén tapé djus èn avion d' ligne…
- Avou des missiles k’ i n’ ont nén polou haper et k' i n' polént nén mete en ouve ?
- Po-z ahiver èn incidint eturnåcionå.
- K' åreut djouwé siconte di zels et lzî mete tertos sol dos.
- Nos aloyis les amerikins ont acertiné ki l' missile a pårtou del zône contrôlêye påzès rebeles.
- Oyi, 24 eures après, adon ki l' deteccion est immediate. Et i n' savèt nén co cwand çki l' avion a stî djondou.
- Mins les rebeles ont bén plou si racsegnî so l' eure di passaedje di l' avion d' ligne, savoz, c' est åjhey, i sufixh di rwaitî les oraires et vos carculez l' eure di passaedje. C' est d' ostant pus åjhey ki cist avion la passe tchaeke djoû al minme eure…
- A 130 kilometes pus å sud. Et la, il a stî disvoyî po sorvoler Donetsk, come si les aiwiyeus l' diridjént so les missiles.
- On a d’ ôtès prouves, tinoz, cist edjîstrumint d' on cåzaedje di deus hôts gradés rebeles, i djhént k' il ont tapé djus èn avion…
- Nén onk, mins troes. Dj' a schoûté l' cåzaedje, i cmaxhèt di tote evidince l' Iliouchine eyet l' Boying, i gn a-st on kiproco…
- Adon lieutenant, vos k' est si foirt, si c' est nén les rebeles, adon kî çk' åreut yeu interesse a taper djus èn avion d' ligne avou 300 passaedjîs ?
- Vos monsieu l' prezident, oh ci n’ est nén èn ametaedje, mins fåty bén admete ki c' est vos ki rtire les frûts d' ciste afwaire… si vos reyussixhoz a convinke totes les djis di voste istwere.
- Ah, ah, ah, vos m' fijhoz vormint rire lieutenant, mins dji pinse ke vos superieurs reyront moens cwand i conoxhront ciste istwere. Et di pus, vos n' avoz nole prouve…
- C’ est l' veur, mins vos nerén vos n' avoz nole prouve po-z amete les rebeles.
- A rvey lieutenant…
- A rvey monsieu l' Prezident… Ah åd fwait, djusse ene dierinne pitite sacwè…
- Vos cmincîz a m' peler…
- Rén, djusse ene dierinne kesse… Cwè fijhént ele ces batreyes di missiles dins l' redjon d' Donetsk…
- Kéne kesse! po nos protedjî…
- Da kî, la k' les rebeles n’ ont nole aviåcion, adon, vos protedjî da kî ?
- Lieutenant, dji ricnowhe ki c' est ene boune kesse, come di djusse, dj' a dné l' ôre di disployî ces missiles po nos protedjî d' on bombårdumint ki pôreut esse fwait pa on bombårdî stratedjike del Rûsseye…
- Mins bén seur, pocwè n' î a ddju nén tuzé pus timpe, les Rûsses…
- C’ est ça, les Rûsses…
- Et vos pinsez k’ i vlént bombårder Donetsk les Rûsses, c' est leus protedjîs.
- Neni bén seur, c’ est Kiyev k' åreut stî vizé…
- Ah oyi, c’ est egzak, c’ est Kiyev, bén seur, biesse ki dj' so, ci n’ esteut k' ene kesse, dji n' vos importune pus, a rvey monsieur l' prezidint…
- A rvey Lieutenant…
- … Ah, mande escuze, co 'ne sacwè ki m' rivént e l' tiesse…
- Ki gn a-t i co lieutenant…
- Bén si vos vlîz protedjî Kiyev, pocwè astaler vos batreyes di missiles près d' Donetsk, a 800 km di Kiyev...

(sourdant so facebook)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2718
Eplaeçmint: Sidi Smayil, Marok

PostDate: dju 24 djl, 2014 1:08:27    Sudjet: Responde tot citant

Oyi, ça sint vormint li djeu classike des Amerikins : cwand on vout bate on tchén, on trove todi on baston.

Et les troes djonneas hapés swè-dijhant på Hamasse, et 10 djoûs après, li 4inme guere di Rhaza.

Cisse tactike la, c' est dandjreus les Inglès ki l' ont trové. Kécfeye e 1860, po-z enonder l' guere di Crimêye.

Citåcion:
Vera (Tchaptrê l° 19 Li batreye di Sebastopol)

Cwè çk' on lijheut so les gazetes e 1850 ? On djåzéve des gueres colniåles des Francès e l' Aldjereye. Des Rûsses k' avént rihapé li Moldaveye et l' Walakeye ås Trouks. On cåzéve dedja des margayes el Palestene, la k' les Rûsses sotnént l' eglijhe ortodosse di Djeruzalem k' aveut prins li mambornance del tombe da Djezus-Cri.
Napoleyon III, li novea impreur francès åreut bén volou ki ç' soeye les moennes franciskins francès k' årént yeu stî mwaisses laddé.
- Ké talmaxhaedje ! Dji n' î etin rén dins ces ecrameyreyes la inte crustins !
C' est Esmayel, avou si ptit air di deus airs, ki rescoursixh li pretcheu.
- Oyi, et po racmaxhî pår li djote, inte les crustins do Coûtchant et les cis do Ponant, vos avîz les Trouks, ki ringnént so tote li Mîtrinne Urope. Cwand on vout bate on tchén, dowô, on trove todi bén on baston. Les gazetes inglesses – et les bedjes docô après – ont brutyî ki les Rûsses avént trawé des bateas trouks sol Bosfore. Et, waeraxhmint assez, saetchî å fizik so les maréns k' estént nedjant dins l' aiwe po waitî d' schaper. C' esteut totès mintes, mins li propagande, micoye !
Les Inglès, ki vlént dmorer les mwaisses des mers et des distroets s' ont corcî. Il ont monté ene Grande Aloyance avou les Francès et les Trouks, siconte des Rûsses. On-z a levé des volontaires dins tote l' Urope. C' est ça ki m' ratayon a ndalé sôdård avou les Francès do Deujhinme Impire.


Dj' a léjhou on djoû 4 grands tructaedjes insi des Amerikins, po-z enonder ene guere. Mins dji n' sai pus les kés.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group