Berdelaedjes

[lucyin]

Come dji l' a ddja metou ene sawice, dji vôreu bén, po fé pus simpe :

* codjower tos les viebes avou l' cawete -iner come "copiner" (dji copene) (so Lidje, sovint 2 codjowaedjes)

* codjower tos les viebes avou l' cawete -rer come shofler (dji mostere) (so Lidje, sovint 2 codjowaedjes (i s' dihombrêye), so Tchålerwè : spotchaedje (i mosse = i mostere))

* codjower tos les viebes avou l' cawete -rer come shofler; a pårt sacwants foû-rîles : boerler (a cåze do R); råvler 2 (diferince avou råvler 1)
_________________
Li ci ki n' a k' on toû n' vike k' on djoû.

[lucyin]

Djôr, e-n èn emile :

Po "-iner", d' acoird.

Po les ôtes, fât wârder come e tchaeke plaece. C' est l' uzance ki pôrè fé ene rîle nén scrite, on djoû.

Didja a Nameur dj' a oyou, metans, po "coster", troes foûmes:
- ça cosse
- ça costêye
- ça coisse.
Dji croe k' avou l' timp i gn a k' "ça costêye" k' irè pus lon, la k' els deus ôtes foûmes fwaiynut des cofuzions. Mins po des ôtes viebes, çou serè purade li prumire ou l' troejheme foûme k' irè pus lon, todi po nén cofonde avou des omonimes/omofones.
_________________
Li ci ki n' a k' on toû n' vike k' on djoû.