Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Firefox 3.6
Potchî al pådje Di dvant  1, 2, 3, 4  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Walotux
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 19 djl, 2010 22:53:22    Sudjet: Responde tot citant

Djans ! Si on fwait l' toû do batchrê d' mots :
* "distinde" ni va waire : on sereut presse a prinde on saeyea d' aiwe et l' taper so l' éndjole.
* "shofler" : parey, l' imådje del wåmele et do crasset est trop viye.
* "côper" : end a ki prindrént on coutea, ... u ene hepe !
* "clôre" : ni va nén po dobe uzaedje avou èn ôte ratournaedje. C' esteut l' ci ki m' plaijheut l' mia.
* "serer" : c' est l' dierin candidat si dj' comprin bén; mins ça vout dire eto : mete on scret po k' on n' î poye nén moussî.

Tuzans co...

Ahoter ?

Udon : clôre li corant / côper l' corant / clôre li loumire / côper l' loumire (adon, sins "vosse copiutrece")

Mins gn a ene sacwè ki divreut esse candjeye c' est "rimåke" k' a stî rfondowe "rimarke" a ene des dierins raploûs (avou "barke" et "rimorke")

http://wa.wikipedia.org/wiki/Disploctaedje_des_trokes_di_cossounes_%C3%A5_coron#Fo.C3.BB-r.C3.AEles
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: lon 19 djl, 2010 23:34:57    Sudjet: Responde tot citant

Mètèz "foû"----> ovraedje fini (cfr "l' fåve èst foû") odobin come c' èst lèyî-là l' oûve èt k' i gn' a 3 tchwès :
"Dwârmu", "sokiyî", "rènonder" !
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 20 djl, 2010 10:45:31    Sudjet: Responde tot citant

mete foû l' copiutrece =
* el taper a l' ouxh ås riketes, u po k' i plouve dissu pol rinetyî
u:
* el disraloyî d' ene rantoele divintrinne (ruslî)

leyî la = el leyî la hatch et match = l' abandner et nd atchter ene novele

On-z est biesses a magnî do four : i fåt tuzer a on moteur, et nén a del loumire :

éteignez votre moteur => arestez vosse moteur

=> arester l' copiutrece.

"ahoter" vout dire parey, mins n' est nén si lådjmint comprins
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: mår 20 djl, 2010 14:00:41    Sudjet: Responde tot citant

Ahoter : lèyî s' ripwazer...


C' èst drole come tot a trake on mot(vièbe) n' pout pus sièrvu k' a ène mêrseu(le) ake/sakwè !

Do momint ki c' n' èst nén on fwardjî abèrwètaedje d' aglo/wal èt k' on bén tot walon mot a co s' plaece po fé comprinde c'k' on vout fé/dîre...

«Shut-shutèlès tèrtos l' Bon Diè va bén riconèxhe lès da li chochotes, va.»
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
djan-djan



Date d' arivêye: 2007-07-22
Messaedjes: 266
Eplaeçmint: Mont-Sint-Gubert

MessaedjeDate: dju 22 djl, 2010 11:39:15    Sudjet: Responde tot citant

Arester est ddja eployî po "Stop"
Moussî foû po "Exit"
Cwiter po "Quit"
Clôre po "Close"
Serer po "Lock"
Ripoizer, edoirmou et sokyî ça fwait trop pinser a mete e woeye (la k' on dispiete l' éndjole après l' awè metou e woeye).

Dj' eploye dedja End aler po "leave".

On pôreut, s' on n' trove rén d' mia, s' siervi d' arester po dire les deus: "Stop" eyet "Shut down"...
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: dju 22 djl, 2010 13:03:27    Sudjet: Responde tot citant

djan-djan scrijha:
Arester est ddja eployî po "Stop"
Moussî foû po "Exit"
Cwiter po "Quit"
Clôre po "Close"
Serer po "Lock"
Ripoizer, edoirmou et sokyî ça fwait trop pinser a mete e woeye (la k' on dispiete l' éndjole après l' awè metou e woeye).

Dj' eploye dedja End aler po "leave".

On pôreut, s' on n' trove rén d' mia, s' siervi d' arester po dire les deus: "Stop" eyet "Shut down"...


Sins volu fé do sipèpieû, po cki èst do translataedje, dins l' drwèt dès riles...

"Stop' = djoker
"Exit" = uxh po rèxhe foû
"Quit" = è nn' daler, pèter èvoye, lèyî l' oûve ( si feume) dins lès rûjhes...
"Lock" = vèra
"Leave" = lèyî
"Shutdown" = sèrer l' uxh, li bwèsse, evnd
:oops:

Mins, après tot, po cki èst fé do mèchnaedje d' anglowal èt co s' lèyî di pus abstårdi nosse indodjinne di linwaedje alès au mêr simplisse : "stoper, ecziter, kiter, loker, liver, shuter"
Razz
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 23 djl, 2010 12:50:55    Sudjet: Responde tot citant

...
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li vén 23 djl, 2010 18:17:22; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 23 djl, 2010 12:54:52    Sudjet: Responde tot citant

djan-djan scrijha:

Ripoizer, edoirmou et sokyî ça fwait trop pinser a mete e woeye


Asteme, li prumî eyet l' troejhinme sont des viebes sins coplemints => leyî rpoizer
=> sokyî u essokyî

Si vos wårder "clôre", "arester" u "djoker", on pôreut adjouter "totoute"

=> clôre totoute u djoker totoute (arrêter, fermer définitivement)
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li vén 23 djl, 2010 18:18:09; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djan-djan



Date d' arivêye: 2007-07-22
Messaedjes: 266
Eplaeçmint: Mont-Sint-Gubert

MessaedjeDate: vén 23 djl, 2010 15:53:08    Sudjet: Responde tot citant

lucyin scrijha:

=> clôre totoute u djoker totoute (arrêter, fermer définitivement)


clôre totoute dabôrd, paski djoker a stî eployî po "pause" dins les léjheu d' medias:

Play : djouwer
Stop : åwe (mot-criya) ou arester (viebe)
Pause : djoker
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 23 djl, 2010 16:08:46    Sudjet: Responde tot citant

djan-djan scrijha:

clôre totoute dabôrd, paski djoker a stî eployî po "pause" dins les léjheu d' medias:

Play : djouwer
Stop : åwe (mot-criya) ou arester (viebe)
Pause : djoker


L' ôrtografeye di "åwe" est vormint må tchoezeye: ci n' est pårmint nén li betchfessî "å" : gn a nou prononçaedje "âw" - ene åwe, c' est on gros oujhea avou on long hatrea -. Mins målureuzmint, el mot s' a spårdou totavå so les programes éndjolikes.

Dji sereu po "hôw"

* {{=fon}} hôw : [[G209]] = ALW 9 p. 224
* (h)ôw : [[O2]] (Cerfontinne)
* hôwe : [[C57]] (Andenne)
* ouwe : [[C9]] (Pirsoul, Nameur) ki mostere ki c' est bén l' betchfessî ô
* ôw : [[O2]]

Po "pause", dj' åreu pus voltî : "ratinde" u "rawårder"; djoker, c' est vormint "arester", et nén s' aler adjoker come on moxhon po s' ripoizer on moumint

Åmen po "clôre totoute".
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 23 djl, 2010 18:26:10    Sudjet: Responde tot citant

mete e woeye

Asteme : le mot "woeye" e walon, n' est waire eployî et ses sinses sont foirt sitroets, et ni m' shonne måy k' i gn a dvins l' idêye di "doirmi" : c' est djusse li contråve :

woeye = shijhe (so li Smwès) => on moumint k' on overe so les toubaks, k' on feye del linne, k' on fwait des schinons.

l' ewoeye (= si mete e woeye) a Måmdey = grand feu la k' on danse et s' amuzer.

woeyî on moirt (totavå) = dimorer dilé l' moirt tote li shijhe, tot-z ovrant a des ptitès ovraedjes, u djouwer ås cwåtes. On n' si pleut nén essocter !!!

=> F. mettre en veille => w. leyî socter u leyî sokyî (si on vout dire ki l' éndjole doime) ou leyî woeyî (si l' idêye est k' elle est dispiertêye, mins k' ele ratind po bouter)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djan-djan



Date d' arivêye: 2007-07-22
Messaedjes: 266
Eplaeçmint: Mont-Sint-Gubert

MessaedjeDate: vén 23 djl, 2010 20:39:50    Sudjet: Responde tot citant

lucyin scrijha:

Po "pause", dj' åreu pus voltî : "ratinde" u "rawårder"; djoker, c' est vormint "arester", et nén s' aler adjoker come on moxhon po s' ripoizer on moumint


Adjoker dabôrd? Po les åwe->hôwe dji les pout candjî ddja dins tos les programes di KDE...
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Walotux Totes les eures sont a GMT + 2 eures
Potchî al pådje Di dvant  1, 2, 3, 4  Shuvant
Pådje 2 so 4

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group