Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

neyî / nedjî / noyî / nower

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
Pablo Saratxaga
Site Admin


Date d' arivêye: 2005-07-01
Messaedjes: 1156
Eplaeçmint: Oûpêye

MessaedjeDate: lon 11 avr, 2016 19:15:58    Sudjet: neyî / nedjî / noyî / nower Responde tot citant

E rfondou (sol wiccionaire todi) on-z a:

* neyî = dimorer dzo aiwe et nde mori. (la:necare)
* noyî = dire neni (la:negare)
* nedjî = si displaecî dins l' aiwe (vént do francès "nager" motoit?)

Mins a Lidje i gn a eto:
* noyî (omofone di l' ôte) = nedjî.
Ci noyî la vént do la:natare (es:nadar, it:nuotare)
C'est bén seur li minme sinse ki "nedjî", mins li prononçaedje n' est nén l' minme, i n' ont nén shuvou li minme tchimin a pårti do latén.

D' èn ôte costé, Haust dene ene disfondowe "nouwer" (do costé d' Hu).
Et dins C8 (Djivet) i gn a "nowè".
Eto dins C8 li ratourneure "a nowe" = "a nôye" a Lidje (tot passant, C8 a sovint des ratourneures avou on prononçaedje namurwès, mins on motlî lidjwès).

Do côp, motoit rfonde "nower" (come a Djivet) ?
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 24 avr, 2016 0:49:32    Sudjet: Responde tot citant

li mot esse e nowe, ratourné e francès "être en nage" egzistêye eto après nozôtes dizo disfondowe "nawe" (temoen : Châles Delaite di Rdû, divreut esse dins S117.

Il est omofone di "nawe" = doûce vå (fr. vallon); no d' plaece a Rdû "La Nawe".

Dji n' saveu nén k' c' esteut tote ene famile di mots.

Oyi, vos ploz rfonde nower = nedjî = naivyî = bagnî
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1156
Eplaeçmint: Oûpêye

MessaedjeDate: dim 24 avr, 2016 10:07:14    Sudjet: Responde tot citant

lucyin scrijha:
Il est omofone di "nawe" = doûce vå (fr. vallon); no d' plaece a Rdû "La Nawe".

Dji n' saveu nén k' c' esteut tote ene famile di mots.


Dji n' so nén seur s' i sont del minme famile; mins, la wice k' il egzistèt ambedeus, i sont sovint omofones.

Minme e francès (e vî frances); viebe "noer" (=nower = nedjî), mot "noue" (=nowe = han, schavêye).

Mins les motîs francès dnèt des etimolodjeyes diferinnes, latene po wa:nower/fr:noer (do latén des djins), eyet gayele po wa:nowe/fr:noue (cisse lale a eto des disfondowes "nô")

I gn eto on mot "nowe" (fr:noue) ki, d' après les motîs, vénreut do tîxhon; et ki c' est la ki des toets ou des tchenås d' toet, si radjondèt (et i gn a surmint èn acmaxhaedje avou l' sinses di nowe (d' etimolodjeye gayele) ki c' est des setchs tchimins d' aiwe dins les tchamps (fr:fossé).

Ey eto, nowe, femrin di nou (= miernou).

Citåcion:
Oyi, vos ploz rfonde nower = nedjî = naivyî = bagnî
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1156
Eplaeçmint: Oûpêye

MessaedjeDate: dim 24 avr, 2016 10:11:50    Sudjet: Responde tot citant

lucyin scrijha:
li mot esse e nowe, ratourné e francès "être en nage" egzistêye eto après nozôtes dizo disfondowe "nawe" (temoen : Châles Delaite di Rdû, divreut esse dins S117.

Il est omofone di "nawe" = doûce vå (fr. vallon); no d' plaece a Rdû "La Nawe".


ça pôreut esse li minme mot (ene nowe ça a eto l' sinse (li sinse prumioûle si on shût l' idếye di l' etimolodjeye gayele) di frexhisse, fagne.
I fåreut vey si on l' eploye eto po passer ene aiwe.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group