|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3677 Eplaeçmint: Sidi Smayil, Marok
|
Date: dju 24 fev, 2011 22:31:27 Sudjet: avou / avu |
|
|
Citåcion: |
Djôr, e-n èn emile
Binamé Lucyin,
>
> Dj' a co sondjî â pârticipe do viebe «awè»/«aveur». Po dire li veur, i m'
> shonne bén ahessî «avou» avou l' cawete -ou come metou, veyou, tcheyou...
> mins tolminme, i n' riskêye nén di s' acmaxhî avou «avou» («atot»)? Et i m'
> shonne k' â payis d' Lidje on dit «dj' a avu» et «ley avou mi». Dji n' sai
> waire comint k' on dit ôte pât ewou k' on djâze avou ces deus mots la, des
> plaeces ki gn a.
>
> Avoz ene idêye?
|
On djåze des mots ki e francès, c' est : avoir / eu / avec
rifondou : infinitif : awè = aveur; pårticipes erireces : yeu = avou; divancete : avou = ato
a Lidje : infinitif : avu = aveûr; pårticipe erirece : avou; divancete : avou = ato (vî mot)
Djodogne : infinitif yë; pårticipe erirece : yë; divancete : avou
Nameur & Tchålerwè: awè / yeu / avou = avè
Basse Årdene : awèr = avèr / yu = yë / avu = avë
=> po n' nén aveur ditrop di maxhaedje inte les deus "avou" do rfondou, eployî purade "yeu". _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: sem 26 fev, 2011 14:17:22 Sudjet: |
|
|
li rfondaedje k' a stî tchoezi pol sinse "ossu" c' est "eto" et nén "ato".
eto = avou = ossu (vos î alez? dji vén mi avou)
i gn a eto l' sins d' ene sacwè eyet ene ôte: do pan avou do boure
(i n' a pont d' ôtes sinonimes chal, mi shonne-t i)
li pårticipe erirece d' aveur c' est djusse èn omonime:
avou / avowe = yeu / yeute (les femrins ni sont cåzu måy eployîs)
dj' a-st avou froed
po l' infinitif d' aveur, i gn a ene coinrece "avu" k' est omonime do pårticipe erirece a des coines k' i gn a (dji pinse ki c' est l' infinitif ki s' a pierdou, replaecî på pårticipe, la ki dins bråmints des viebes walons ça s' prononcèt parèt, eg: netyî, dj' a netyî, viker, dj' a viké); mins e rfondou on n' a wårdé ki les cognes "aveur" (erîlé so les ôtes viebes come poleur, oizeur, ...) eyet "awè".
po çou k' est d' aveur deus mots diferins ki si scrijhèt eyet dijhèt l' minme; c' est nén télmint on problinme pol comprindaedje; la k' onk est on viebe et l' ôte nén.
dj' a-st avou froed = viebe aveur
dji vén avou, ou ça avou ça = nén on viebe
c' est come po "a":
il a fwin = viebe
i vént a 2 eures = nén on viebe |
|
Rivni al copete |
|
|
lucyin
Date d' arivêye: 2005-07-07 Messaedjes: 3677 Eplaeçmint: Sidi Smayil, Marok
|
Date: lon 28 fev, 2011 21:41:15 Sudjet: |
|
|
Citåcion: |
Djôr
Dj' a todi dit «yeu», mins dji m' rind conte ki ça rshonne â roumantche et sortot â francès (ou tchôkî so l' francès?), et ezès psâmes ki metreu pus voltî come a Lidje, la k' ça rshonne âs ôtes lingaedjes romans:
- latén: habitus;
- espagnol: habido;
- tâlyin: avuto;
- roumin: avut;
- catalan: hagut
Dji m' di adon k' i fâreu k' dj' eploye pus voltî li pârticipe come a Lidje.
Li Stasse dene come infinitif «avu» et «aveur». Li pârticipe pout esse: avu, avou, awou, âyou.
Li Haust dit k' «avu» n' est ôte tchose k' on pârticipe rissintou come infinitif. Po lî, li vrai infinitif, c' est «aveur», avou l' pârticipe: avu, avou, awou. Vervî: oyou.
Les deus dijhnut k' i gn a pont d' femrin.
Mi, dji vén avou l' idêye k' on fwaiye ene sacwè po n' acmaxhî nén avou avou avou.
- Fouxhe-t i k' on l' sicrijhe «avout», cwand c' est l' viebe; s' i gn a pont d' femrin, ça n' fwait pont d' mâ, la k' i gn âreut pont d' «avowe».
- Fouxh-t i d' el sicrire «avu», sortot si vos cnoxhoz on femrin eto.
Dj' a todi houwé d' eployî des pârticipes come «seu» (purade «savou» ou «sepou»)...
Dijhoz-m' çou k' vos e pinsez... |
Gn a on femrin dins l' sinse d' aveur / awè ene sakî = el djonde (si fote di lu)
Il a stî djondou = il a stî yeu / il a stî avou
Elle a stî djondowe = ele a stî yeute / il a stî avowe
Dji n' a nole sovnance did cwand ci rfondaedje la a stî decidé (dji n' î esteu nén), mins ça m' shonne bén d' adrame.
Po les viebes k' ont-st on dobe pårticipe erirece, loukîz a :
http://wa.wikipedia.org/wiki/P%C3%A5rticipe_erirece#Dobes_p.C3.A5rticipes_erireces
Tot cåzant di p.e. come buwe, vuwe, suwe..., dji vén di m' rinde conte k' on-z a fwait ene flotche dins l' rifondaedje di revue.
Les femrins des p.e. avou -ou => owe
Les femrins des p.e. avou -eu (courts p.e. di sacwants viebes disrîlés do 5inme sieke) si fwaiynut avou -uwe.
=> vuwe, rivuwe
on pôreut eto waitî (s' i gn a des sourdants) si "yuwe" n' est nén pus corant ki "yeute" (ci sereut pus erîlé).
Po responde a Djôr, les femrins avou "-te" sont pår disrîlés, et respondnut a des omrins avou "-û" et "-î".
=> dji n' bodjreu nén ås rfondaedjes d' asteure.
Li rvoeyaedje do tåvlea des dobes pårticipes erireces m' a fwait admete eto "vinki" (erîlé) et "vincou" (corant) come "ofri" et "ofrou". _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|