lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: lon 11 avr, 2011 21:17:56 Sudjet: fåcon, fauconnier, fauconnerie, autour, autourserie... |
|
|
fåcon, fauconnier, fauconnerie, autour, autourserie, autoursier
C' est tos vîs mots k' on n' a nén rtrové dins les motîs, ca cisse tchesse la a dandjreus dvou esse abandnêye dispu bele ådje.
On n' a k' ene traece dins li scrîta : houteux (n a-st on papî dins on BSLLW, mins dji n' sai pus l' ké.
La ddja ene hapêye ki dji so å rifoirdjaedje di ces mots la. A cåze des scrijheus e walon ki s' lomnut "Fauconnier" & "Faucon", et paski dj' a des pratikes k' ont ç' passe-tins la et ki m' ont ddja vnou trover po médyî ces biesses la.
Po les dierinnes sayes, dj' a-st eployî les pus viyès rîles del cawete -on (po fåcon). Metans, les cenes ki s' aplikèt po * bracon => bracnî, bracner; talon => talnea; mangon => manguinresse.
Po "autour", dji wåde "wôteu", li rapexhaedje di "houteux", tot tnant conte d' ene disfondowe "vôteu" ki s' trove co dins on no d' plaece d' Årveye. C' est l' minme oyon w >< v ki dins waxhea = wahê, wachê + vacha; wixhåd <> vexhåd
Po autourserie, dj' aveu eployî on parint erîlé "wôturreye", divant d' kinoxhe ci mot francès la. Dji croeyeu ki c' esteut parey, mins l' "autourserie" m' a l' air pus viye ki l' "fauconnerie".
Al fén des féns, dji m' enondreu po :
* fåcon, fåcnî, fåkinresse, fåkinreye
* wôteu, wôtoûsreye, wôtoursî, wôtoûsresse (avou l' djeu des R come avou "tourner", metans)
Cwè ndè djhoz ? _________________ Li ci ki n' a k' on toû n' vike k' on djoû. |
|