|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3680 Eplaeçmint: Sidi Smayil, Marok
|
Date: mie 08 fev, 2012 23:07:43 Sudjet: bayô >< bayå <> bayåd <> båyåd |
|
|
Citåcion: |
Djôr so èn emile do 21 di decimbe
Mes djins,
Dj' a carwaitî après on parint walon do mot scandinåve «vík», flamind coinrece «wyck», ki c' est l' adrovaedje del mer so l' daegn.
Ezès ôtes lingaedjes, ons a: baie (fr), bay (en), bahía (es), baai (af). E walon, i m' shonne ki «bawete» est del minme parintêye, minme si l' sinse est difrin: a Nameur, li bawete, c' est l' witchet. (I m' shonne ki «bawete» sereut dandjreus l' raptiti d' °«bawe», ki n' egzistêye pus/nén.)
Mins dins l' motî da Cårlî, dj' a tchaiyou so:
«bayô, n. m., étang, mare (Fleurus, Ham-sur-Heure, Hanzinne, Montignî le Tilleul, Vieux-Campinaire); trou de carrière ou de minière abandonnée et remplie d'eau (Fraire, Gerpinnes, Joncret).»
Asteure dji m' dimande:
1. Kéne ortografeye po «bayô»? Sereut-ç' li minme ki «bayård»? Ou purade «bayou»? Ene ôte idêye?
2. Gn a-t i motoit on mot tipicmint walon po baie (fr), bay (en), bahía (es), baai (af)? Sins pont d' dotance, l' inglès a prins ç' mot la dås Normans, et les Normans avou nzôtes... ons a bråmint des mots eshonne.
3. Al Wisconsene dabôrd? Il î ont l' Green Bay.
4. Gn a-t i dandjreus on parint walon do «vík» bijhrece, ki dj' n' el conoxhe nén? Pa côps ezès nos des plaeces?
5. Dji sai k' e Walonreye ons a todi malåjhey avou les mots k' i gn a avou l' mer. Portant, gn a todi sacwants mots, la k' les batlîs poirtént les mots avou leus bateas kécfeye...
Avoz des idêyes et des responses?
Gråces! |
Citåcion: |
Djan, respondant
Dins l'ALW 6 (li daegne et les plantes) on rtrove bayô po "mare, étang" a Ch'64 et Ph15. Li notice dene on pô pus d' informåcions mins dji n' a nén l' limero 9
On n' a nén ene "baye" dins l' ALW 6.
Dins l' motî d' Forire (Grandmont) i gn a:
"Bayau, bî : catafalque" ?? Li loyén inte on catafalque et one basse? Douvént?
Ça n' vos avance nén bråmint mins c' est todi ddja ça. |
bayåd : 1. tchivå 2. ahesse po poirter des fagots, des bwès so on tiene, on moirt.
(gn a kécfeye des ôtès sinses dins l' Rasgoutaedje, mins c' est les cis k' dj' a el tiesse)
http://wa.wikipedia.org/wiki/B%C3%A5ze_di_dn%C3%AAyes_di_l%27_%C3%85rdene_nonnrece
pol sinse di "basse", "vivî", on pôreut pinser å francès d' Louwiziane "bayou", mins i n' vént nén d' amon nozôtes, mins d' on lingaedje indyin (choctaw bayuk (« rivière »).
Apus ki li mot åye ripassé l' Grande Basse avou des scrijhaedjes di gazete, inte 1850-1900, et esse eployî pa sacwants Walons d' adon come noûmot, pu esse rilevé pa Carlier come mot vormint walon.
Nonna, ça a l' air d' esse on vî mot :
ALW 9 :
p. 94: bayô : Ch '64 : réservoir où les bêtes vont se baigner; Ph 6 eau dans terrain de particulier.
p. 299 drain : bayå : DL, bay-ard, bé-ard; manque au FEW sour batare ... L1 rigole d'assèchement au jour; grande rigole pour faire courir les eaux avec des pierres au fond, pour empêcher les eaux de demeurer "a ståmusse" et pour que le fond ne se remplisse pas de boue (sankisse); Ph 15, 16 bayau excavation remplie d'eau et formant étang produite dans les bois par extraction de minerai de fer
=> bayåd, come li tchvå; mins cial, li rapoirt avou "båyî" est pus clair : trô ki "båye" e tere, et d' l' aiwe si mete divins _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3680 Eplaeçmint: Sidi Smayil, Marok
|
Date: mie 08 fev, 2012 23:25:57 Sudjet: |
|
|
=> rifondaedje: båyåd
(come onk ki drove li boke, biesmint)
les 2 bodjes etimolodjikes sont diferins :
bayåd : latén "badius" (brune rossea) => no d' ene coleur di tchvå (bay) => bayåd = (gros foirt) tchivå di cisse coleur la; => bayåd = ahesse po poirter ene pezante sacwè (faxhenes, cleperes, moirt), come on foirt tchivå el freut.
båyåd : latén batare (båyî) (come eto båker) => tos des trôs ou des corotes avou d' l' aiwe. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3680 Eplaeçmint: Sidi Smayil, Marok
|
|
Rivni al copete |
|
|
Djor
Date d' arivêye: 2005-07-02 Messaedjes: 240 Eplaeçmint: Sint-Serwai
|
Date: mår 14 fev, 2012 2:13:36 Sudjet: |
|
|
Zavî m' vént di scrire on emile. Green Bay, c' est Grand Bay, pronocî grand bay (al walone, nén al inglese). _________________ Li walon n' est nén d' l' esperanto. |
|
Rivni al copete |
|
|
Gaytan
Date d' arivêye: 2009-11-14 Messaedjes: 46 Eplaeçmint: Batice (Payis d' Heve)
|
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|