Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Wikipedia: Nanesse
Potchî al pådje 1, 2  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Wikipedia
Vey sudjet di dvant :: Vey sudjet shuvant  
Oteur Messaedje
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: vén 22 djn, 2012 16:06:22    Sudjet: Wikipedia: Nanesse Responde tot citant

Dji vôreu scrire on årtike so Wikipedia, rapoirt a ene comere d' Izlande. Oyi, mins e-n Izlande, gn a pont d' no d' famile. On fwait come divins les Arabes. Sifwait, on dit «X fi da A» ou «X fi da B», ou co «X fi da A et B»; «Y feye da B», «Y feye da A», «Y feye da A et B».

Gn a fok les etrindjirs k' on droet d' awè on no d' famile e-n Izlande. (Et po l' veur del paskeye, minme les ptits nos etrindjirs, on n' elzè pout nén dner ås efants, et la, minme s' on est etrindjir!)

Ezès bultins des telefones et des scoles, on mete todi l' pitit no. Et po n' nén prinde boû po vatche, les mestîs et les adresses des djins.

Comint scrire l' årtike? Gn a sacwantès idêyes:

1.
Citåcion:
Agnes M. Sigurðardóttir (e walon Nanesse Margrét et Sigurður's feye)

2.
Citåcion:
Agnes M. Sigurðardóttir (e walon Nanesse Mågrite et Sgurd's feye)

3.
Citåcion:
Agnes (Nanesse) Mågrite et Sgurd's feye (e-n izlandès Agnes M. Sigurðardóttir

4.
Citåcion:
Agnes Mågrite et Sgurd's feye (e-n izlandès Agnes M. Sigurðardóttir; e walon Nanesse)


Tant k' a mi, dji sereu po l' cogne 4.

Tant k' a vozôtes?
_________________
Li walon n' est nén d' l' esperanto.
Rivni al copete
Vey li profil di l' uzeu Evoyî on messaedje privé
Gaytan



Date d' arivêye: 2009-11-14
Messaedjes: 46
Eplaeçmint: Batice (Payis d' Heve)

MessaedjeDate: vén 22 djn, 2012 16:59:49    Sudjet: Re: Wikipedia: Nanesse Responde tot citant

Djor scrijha:
Agnes M. Sigurðardóttir (e walon Nanesse Margrét et Sigurður's feye)

Vos eployîz Sigurður's feye avou li 's "possessif" come en inglès. Ça s' eploye eto e walon? Sinon ça sereut Nanesse Mågrite feye da Sigurður.

Djor scrijha:
e-n Izlande, gn a pont d' no d' famile

C' esteut l' minme problinme å Dan'mark, les Dan'wès ont dvou tchoezi å 19inme sieke on no d' famile. asteure, i n' a cåzu nén d' no d' famile. Anders esteur on ptit no bråmint eployî. en grande pårt del populåcion å Danmark a l' no d' famile Andersen. Mågré tot, i n' a pus d' kékès dozinne di familes. C' est en ôte problinme. En Izlande li ptit vout sovint dire ene sacwè. ene ancyinne prezidinte si lomait Vigdís Finnbogadóttir çou ki voleve dire Vigdis feye da bon airtchî. E Wikipedia c'est scrit come en izlandais: Vigdís Finnbogadóttir. Si l' årtike a on rapoirt avou ene comere izlandèze, adon i fåt wårder li scrijhaedje izlandais. Pocwè li rwalonijhî. I fåt mete adon ene esplicåcion sol l'no dins l' årtike.

K' endè pinsez-v'?
_________________
Gaytan
Rivni al copete
Vey li profil di l' uzeu Evoyî on messaedje privé Evoyî èn emile
djan-djan



Date d' arivêye: 2007-07-22
Messaedjes: 266
Eplaeçmint: Mont-Sint-Gubert

MessaedjeDate: vén 22 djn, 2012 17:15:29    Sudjet: Responde tot citant

Dji so d' l' avisse da Gaytan : pocwè walonijhî l' no dins l' tite di l' årtike ? Ene esplikêye dins l' tecse. Po li 's dji n' a jamwais veyou ça e walon. X ès feye ou X si feye pus rade, nonna ? Et vaici "leu feye" pusk' i sont deus.

Dins les lingaedjes, on n' adaptêye les nos ki po les djins foirt conoxhous, les ôtes wådnèt leu no d' oridjene.
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: vén 22 djn, 2012 20:23:21    Sudjet: Responde tot citant

On no, ça dmere come c' est dins tos les langaedjes.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: vén 22 djn, 2012 20:45:27    Sudjet: Responde tot citant

Maisse Arsouye scrijha:
On no, ça dmere come c' est dins tos les langaedjes.


Dins "tos les lingaedjes" c' est foirt flotchresse. La ki: i pudnut l' no do pere ou del mere come si ç' sereut on no d' famile.

Djustumint, si totes les berbis s' ont tapé e puss, i n' fåt nén potchî après zeles, mi shonne-t i...

Vaici, ç' n' est nén adapter on no. C' est scrire e walon çou k' est dit e-n izlandès. "Sigudardóttir" n' est nén on no; c' est ene esplikeye: Sigurdur si feye; c' est tot.
_________________
Li walon n' est nén d' l' esperanto.
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: vén 22 djn, 2012 21:23:27    Sudjet: Re: Wikipedia: Nanesse Responde tot citant

Djor scrijha:
Oyi, mins e-n Izlande, gn a pont d' no d' famile. On fwait come divins les Arabes.


Adon on fwait l' minme ki po les nos arabes (al diferince k' i n' a nén mezåjhe di candjî d' alfabet): on screye li no té k' il est eployî, et on pout espliker, dins l' årtike.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: vén 22 djn, 2012 21:43:00    Sudjet: Responde tot citant

Djor scrijha:
Dins "tos les lingaedjes" c' est foirt flotchresse. La ki: i pudnut l' no do pere ou del mere come si ç' sereut on no d' famile.


ça n' candje rén ki ça soeye on no d' famile ou nén, po çou k' est d' idintifyî *ene* djin.
Des djins k' i gn a sont minme idintifyîs pa leu spot.

Et minme po les nos d' famile, ça candje d' ene tuzance a l' ôte;
dj' ô bén, çou ki candje, c' est l' manire di passer (ou nén) on boket do no d' ene djermêye a l' ôte.

Mins po ene minme djin, ça n' candje nén grand tchoi d' saveur si çou ki n' est nén si ptit no c' est on no d' famile, ou on patronimike, ou on spot.

Metans, po on no rûsse, on mete "Vladimir Ilitch" et nén "Vladimir valet da Ilya".

Çou k' vos pôrîz fé c' est èn årtike so l' uzance izlandesse di lomer les djins, et poy mete on loyén viè cist årtike la.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: vén 22 djn, 2012 21:55:55    Sudjet: Responde tot citant

Li no d' ene djin ni candje måye avou li langaedje des djins k' endè djåznut. Dj' ô bén d' où vént "Sigudardottir", mins ça dmere on no. Et on no, ça candje nén. Ciste djin là si lome "Agnes M. Sigurðardóttir", et ça dmere "Agnes M. Sigurðardóttir" è francès, è tchinwès, è zoulou, è maori et co è walon.

Et adon : li no ni candjé måye. Pont d' flotche avou ça.
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: vén 22 djn, 2012 22:19:20    Sudjet: Responde tot citant

Maisse Arsouye scrijha:
ça dmere "Agnes M. Sigurðardóttir" è francès, è tchinwès, è zoulou, è maori et co è walon.


nén ttafwait, e chinwès metans "Björk Guðmundsdóttir" si screye 碧玉·古蒙茲多泰爾
mins c' est djusse on transcrijhaedje d' on sistineme (alfabet) a èn ôte; li shûte di caracteres chinwès si prononce a pô près l' minme.
"多泰爾" c'est djusse li fonetike da "dóttir", c' est nén "女儿" (feye, båshele)
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Djor



Date d' arivêye: 2005-07-02
Messaedjes: 240
Eplaeçmint: Sint-Serwai

MessaedjeDate: sem 23 djn, 2012 0:12:09    Sudjet: Responde tot citant

Maisse Arsouye scrijha:
On no, ça dmere come c' est dins tos les langaedjes.


Djustumint, Sigurðardóttir n' est nén on no. Fé acroere ki c' est on no, vola l' walonijhaedje et l' flotche (fé les djins esse come nozôtes).

Pablo Saratxaga scrijha:
ça n' candje rén ki ça soeye on no d' famile ou nén, po çou k' est d' idintifyî *ene* djin.


Adon, i fåreut scrire tot ç' k' i gn a so leus papîs d' idintité (veyanmint k' e-n Izlande, so leus papîs, on mete eto l' mestî). Li mestî del djin, e-n izlandès s'i vs plait, c' est ça eto on boket del "idintité" del djin por zels!

Citåcion:
Metans, po on no rûsse, on mete "Vladimir Ilitch" et nén "Vladimir valet da Ilya".

Po les Rûsses, ons a todi leyî foû l' mîtrin no, et scrire seulmint l' no d' famile e paspoirt.

Maisse Arsouye scrijha:
Dj' ô bén d' où vént "Sigudardottir", mins ça dmere on no.


Neni. Ç' n' est nén o no.

Citåcion:
Adon on fwait l' minme ki po les nos arabes


Oyi da! Et dire, flotchreçmint, come La famille Ben Laden, sapinse les gazetes (foirt avant Le Soir).

Disk' asteure:
1. Nouk di vozôtes n' a dné on vraiy årgumint, åré: "On va xhiner tot l' monde, voye nén voye".
2. Tot come "bar" et "ben", çou n' est nén des nos, a båre, "-dóttir" n' est nén o no nerén.
3. Tos les "bar" et "ben" del Bibe ont stî ratournés, dispoy des ans et des razans.
4. Motoit k' ça fwait plaijhî ås Amerikins ey ås ôtes di fé des nos d' familes po les Izlandès, la minme ewou k' zels minme n' el volnut nén. Gn a minme ene lwè e-n Izlande ki s' mete disconte les nos d' famile.
5. Dji so d' acoird k' i n' fåt nén candjî les vraiys nos des djins.
6. Adon, nosse djin, c' est: Agnes, Margrét et Sigurður leu feye, vekesse.
_________________
Li walon n' est nén d' l' esperanto.
Rivni al copete
Vey li profil di l' uzeu Evoyî on messaedje privé
Maisse Arsouye



Date d' arivêye: 2005-07-04
Messaedjes: 194
Eplaeçmint: Djiblou

MessaedjeDate: sem 23 djn, 2012 7:58:51    Sudjet: Responde tot citant

Siya, dj' a on årgumint : si vos dimandoz à ciste coumere là comint ç' k' on l' lome, ele vos dirè "Agnes M. Sigurðardóttir". Ele vos splikrè putete çou ki ça vou dire. Mins ele si lome insi. Si ele aprins l' inglès et on k' on li dmande èn inglès, ele dirè co " I am Agnes M. Sigurðardóttir". Adon pocwè voleur ki djusse è walon ele dijhe otrumint ?

Li no, por mi, c' est comint k' ene djin si lome. Tot l' resse, c' est do spepiaedje di moxhe...
_________________
Rissaetchî-vos di m' solia !
Rivni al copete
Vey li profil di l' uzeu Evoyî on messaedje privé
Gaytan



Date d' arivêye: 2009-11-14
Messaedjes: 46
Eplaeçmint: Batice (Payis d' Heve)

MessaedjeDate: sem 23 djn, 2012 8:52:46    Sudjet: Responde tot citant

Pablo Saratxaga scrijha:

nén ttafwait, e chinwès metans "Björk Guðmundsdóttir" si screye 碧玉·古蒙茲多泰爾
mins c' est djusse on transcrijhaedje d' on sistineme (alfabet) a èn ôte; li shûte di caracteres chinwès si prononce a pô près l' minme.
"多泰爾" c'est djusse li fonetike da "dóttir", c' est nén "女儿" (feye, båshele)


Po les transcrijhaedjes do sistinme a en ôte, i n' a kékfeye des diferinces dins les lingaedjes k' eployèt l' alfabet latén po fé çoula. On scrit Ben Laden e francès, mins en inglès c' est Bin Laden. Li prononçaedje n' est nén tofer li minme d' ene linwe a ene ôte. Adon li transcrijhaedje est e pårteye fonetike.
_________________
Gaytan
Rivni al copete
Vey li profil di l' uzeu Evoyî on messaedje privé Evoyî èn emile
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Wikipedia Totes les eures sont a GMT + 2 eures
Potchî al pådje 1, 2  Shuvant
Pådje 1 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group