Berdelaedjes

[Pablo Saratxaga]

e rfondou, on scrît purade dis- ki d(i)- come betchete; mins avou l' betchete ki-/co- (metans, "d(i)k'nohe, diskinohe": èn nén ricnoxhe ene djin k' on cnoxheut dvant), cwè fåreut i fé?

a) eployî purade d(i)-; et l' sipotcheye cogne di ki-/co-; eg: dicnoxhe
b) eployî dis- et l' cogne ki- : diskinoxhe
b) eployî dis- et l' cogne co-: disconoxhe
c) dobe rifondowe: diski- disco-: diskinoxhe / disconoxhe

(dji sereut purade pol rexhowe "c)" )

[Djor]

I m' shonne ki c' est todi "dis-", mins ça s' pout racourti a "d-".

Dj' a ddja yeu des rujhes avou l' viebe "riconoxhe":
- k' on vos rconexhe (Nameur);
- k' on vs ricnoxhe (Lidje);
- k' on vos rconoxhe (Cînè);
- k' on vos ricnoxhe (Legnon)...

Ça n' si spotche - ou ça ni s' sipotche - nén parey pattavå.

Li rfondou, c' est ene manire di scrire parey, nén d' cåzer parey.

Adon: s' on vout k' on nos compregne bén, on direut: "vos m' avoz disconoxhou"; mins si vos scrijhoz on roman, "vos m' avoz dconxhou" est åjhey a comprinde eto, veyanmint k' c' est scrît djus.
_________________
Li walon n' est nén d' l' esperanto.