Berdelaedjes

[Pablo Saratxaga]

i gn a 2-3 mots wice k' on a l' son /a/ shuvou do son /u/;
kimint scrire ces mots la?

a-usteyî
aüsteyî
a'usteyî

a-uni
aüni
a'uni

li 3inme tchuze sereut l' minme ki po cohatchî -> c'hatchî

[lucyin]

por mi, disfafloter a make => austiyî mins djel rifondeu "enustiyî" : ahessî a usteye. C' est l' veur ki l' boune divancete, c' est "a" => austiyî.

auni.

Gn a pont d' rujhe e rfondou (po les zero-cnoxheus) avou au = /ay/ (Feller a.u). Poy ki au = ô/å n' egzistêye nén.

Come mancî, pantî, on pout mete ene grosse anonce so l' hagnon "prononçaedje" po fé prinde asteme å prononçaedje

http://wa.wiktionary.org/wiki/manc%C3%AE#Pronon.C3.A7aedje

po kihatchî / cohatchî, dj' eploye asteure "khatchî" "khagnî", "khawer"... (parey ki po "au", "kh" n' a pont d' valixhance prôpe e rfondou; les kh etrindjirs sont minme ralfabetijhîs "xh".

po kischeure / coscheure : cscheure (mins on pôreut prinde kscheure; a decider).

po rihawer, rihaetchî (rissaetchî), rihatchî => rhawer, rhaetchî, rhatchî (cial eto, "rh" n' a nole valixhance prôpe)
_________________
Li ci ki n' a k' on toû n' vike k' on djoû.

[Djor]

[lucyin]

[quote="Djor"]

[Djor]

Tote l' afwaire, c' est d' sawè comint scrire l' ahiket.

Dedja, "aeurer", po onk ki n' conoxhe nén l' mot, ça sereut "ae-urer" ou "a-eurer". Ene sôre d' advinea, cwand on betchfessî cmagne l' ôte. (Dji sai bén, c' est l' deujhinme pronoçaedje k' est bon.)

Mins scrire "au" po "a+u" n' est nén ene boune idêye. On sondje todi al cogne po "å". Et ddja bråmint des nos d' familes, des pår walons, sont scrîts avou "au".

Les Flaminds, zels, n' ont pus l' "ae" ki po des nos (di famile ou d' viyaedje, metans ''Plankendael''). Tos les ôtes, e rfondou, i l' ont discandjî po "aa". (Come nozôtes avou "au" discandjî po "å.) Portant, i screynut co: Jaël, Daniël, Israël. Sifwait, gn a pont d' riscaedje di må vuzer. Il ont metou les coines so l' lete.

Dji m' dimande comint k' i fåt scrire l' ahiket e walon.
1. Fouxhe-t i avou les deus coines so l' lete, come e flamind (äeurer, aÜni...), mins ça fwait des letes di trop;
2. Fouxhe-t i avou on "h". C' est sfwait ki dj' sicri "Israhel" (Sint Djeron aveut dedja scrit avou "h" l' ahiket ebreu e latén, å ratourner l' Bibe.)
_________________
Li walon n' est nén d' l' esperanto.

[lucyin]

[lucyin]

djans ! dj' a fwait ene pådje enustiyî, et ramexhner les dnêyes des motîs:

http://wa.wiktionary.org/wiki/enustiy%C3%AE

Tot conté tot rabatou, on pôreut rfonde eto anustiyî ou ayustiyî. Pablo n' a k' a decidé, et mete li rfondowe sol DTW.
_________________
Li ci ki n' a k' on toû n' vike k' on djoû.

[lucyin]

po auni, la, dji voereu voltî ayuni; po n' nén aveur do brouyaedje avou "aluni"
_________________
Li ci ki n' a k' on toû n' vike k' on djoû.