Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Mwaisse raploû del Rantoele - 2013

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
djan-djan



Date d' arivêye: 2007-07-22
Messaedjes: 264
Eplaeçmint: Mont-Sint-Gubert

MessaedjeDate: sem 23 mås, 2013 18:24:05    Sudjet: Mwaisse raploû del Rantoele - 2013 Responde tot citant

Voci l' rapoirt do mwaisse raploû di çt anêye ci

Rapoirt do mwaisse raploû del Rantoele, soce nén recwårlante (A.S.B.L.) do 15 di måss 2013
Prezinces
Estént la : Lucyin Mahin (ki tént l’ pene), Djôr Sfasie, Nicolais Staelens, Olivî Esnault, Tirî Dumont et Djan Cayron (k’ a rçû les djins et lzès rpaxhî).
Ont dmandé escuze : Djozé Schovaerts, Pablo Saratxaga, Pire Otjacques, Gaytan Rousseau, Vicenzo (Cyber-Barakî) et Djåke Desmet.
Contes
Les contes evoyîs pal cwårlî, Pire, ont stî asprouvés.
Eplaidaedjes
2013 :Li modêye rifondowe do live « On Sånî a pårt » da Djåke Desmet serè eplaidî pal Rantoele cite anêye ci (dins les moes ki vegnnut) et srè li novea roman del ramexhnêye des « Belès letes del Rantoele ». Li pris doet co esse dimandé al Ciaco (Li Noû Lovén). Li strimaedje si freut si possibe tins des Fiesses di Waloneye a Djiblou. A vey avou l’ oteur.
2014 : Nos vôréns bén fé rexhe Li Ptit Prince rimetou e rfondou pa Lorint Hendschel. Tirî va aler cweri comint fé po l’ fé rexhe li pus sûteymint ki possibe (cf eplaideu almand k’ a ddja fwait rexhe des modêyes e walon).
Grosse croejhete so papî : Djan î boute a s’-t åjhe disk' å coron. Adon-pwis on l’ ferè tourner po l’ coridjî et radjouter des sacwès. Li tcheptrê so les viebes serè wårdé minme s’ on fwait rexhe on deujhinme sipepieus volume avou les codjowaedjes des viebes.
Di ç’ tins la Pablo et Gaytan boutnut sol pårteye des codjowaedjes. I n’ doevnut co espliker kéne fôme ça årè : a môde d’ on Bechrele (avou des tåvleas), ôtrumint... On voerè bén si les deus pordjets s’ finixhnut eshonne mins on n’ ratindrè nén dtrop kel volume 2 fouxhe presse po fé rexhe li prumî.
Fime sol walon
Zavir Istasse, k’ a fwait « Nameur, Wisconsene » (« Namur, Wisconsin ») et « Les djins d’ Mouze » (« Les gens du fleuve ») a come pordjet di fé on fime sol walon. I fimrè des djins di tot costé mins il a d’ l’ agrès po çou k’ nos fjhans. Ça fwait k’ i fimrè motoit onk ou l’ ôte di nozôtes. Djan lyi a evoyî on prezintaedje di sacwants waloneus d’ après l’ Rantoele. I n’ atacrè s’ fime ki cwand i sårè cwè po les cwårs (subzides), viè l’ moes d’ djun. A shure.
_________________
Mi copiutrece cåze walon -> http://walotux.walon.org
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group