Berdelaedjes

[lucyin]

On prinreu bén l' namurwesse "coût" (come on-z a prins "toû" et "tchå").

* pus tipike eneviè l' francès
* pus erîlé avou l' femrin.
* nén ene cawete dedja eployeye (come po cawete -eur ki n' pout nén esse -eu, ca -eu, c' est pol no d' fijheu).

Ki fé avou les parints ?

wårder li R

li rsaetchî come après Nameur (les djoûs racoûtichnut).
Vey avou l' parintaedje di "wårder".
_________________
Li ci ki n' a k' on toû n' vike k' on djoû.

[lucyin]

wårder : dji wåde MINS : wårdeu d' otos.

=> coût / coûte MINS racourti
_________________
Li ci ki n' a k' on toû n' vike k' on djoû.

[Pablo Saratxaga]

dji so po "court / coûte".

li "r" est bén la a l' omrin a Lidje (/coûr/, nén /coû/).
li "r" rispite dins les parints.

Li minme rîle ki po: vert, espert, dezert; foirt, moirt, rapoirt, toirt; pårt, cwårt.
(po vert, i gn a ene dobe rifondowe "vete", mins la c' est /vet/ avou èn oyåve "t").

Po "pårt"; notez ki dins l' ratourneure "nole pårt" on prononce a Lidje (payis des wårdiveus po les "r" å coron) /nolpô/ et nén /nolpôr/; mins li rfondowe c' est tot l' minme "pårt" avou on "r" (djustumint po l' erîlaedje avou ses parints: pårteye, pårti, ...)

[lucyin]

Dji vos shû (i fåt avancî, la k' gn a deus vîs rfondeus k' ont tuzé a l' afwaire) + vost apriyesse avou les erîlêyès ratourneures.

http://wa.wiktionary.org/wiki/court

http://wa.wiktionary.org/wiki/co%C3%BBt

D' ostant pus ki, minme les motîs k' ont "coût", il ont eto "coûrt".

I fårè rplaidî so "vete" >< "vert"
_________________
Li ci ki n' a k' on toû n' vike k' on djoû.