lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: vén 21 avr, 2006 12:35:03 Sudjet: Les Rcåzeus d' Bive : novelès eures |
|
|
Soce des Rcåzeus d’ walon Al gare du Grêde, lu 21 d’avri 2006
Asse dul Tuzance du Bive.
Route du Bouyon.
5555 BIVE.
RAPLOUS D’ BIVE,
Mes bounes djins,
Les raploûs d’ Bive ont ataké al Sint Rmî 2005, jusse à l’intréye d’in long iviêr , avu la nute ki tume matin et les sales nin trop tchôdes. Les eures ossi, n’astint nin les pus apropriyîes. Et, pou fini, lu mercudi ére in djoû fwârt tchèrdjî pa mwintes activités ki rutnint les djins ou Patro.
Mågré tout ça, les raploûs ont sté fwêts, avu wêre du monde, i fåt l’ rucouniche, mês fwârt prîjîs des djins k’ î ont vnu.
Asteûre ku dju sans bin strimés, i nous fåt ruvnu su nos fåtes de djon.nesse et nous rinde dupus al pwârtée des djins, du maniére à les vey vunu nous rdjonde er insi raspèchi nos raploûs.
I nous è san.né k’ i astot timp du ranêrer nost’ atèléye. Adon, plans-dj’ vous dmander du tnu compte des tchandjmints ki vont ataker à pårtu du prèmî d’ mey.
1,- LES RAPLOUS SE FRONT LU MÅRDI al place du mercudi. Tous les premis mårdis du mwès.
2 d’ Mey 6 d’ jwin
4 du julièt 1 d’ aousse 5 du sètambe 3 d’octobe 7du novambe 5 du déçambe
Lu fournê est co a-z apontyî .
2,- LES EURES : DU 15 H à 17 H, ( du trwas à cink eûres dul vespréye), pou v’ duner l’ timp d’ fé prandjîre duvant du vnu et d’èsse rintrés pou fwêre à souper. Dju dvans tnu compte des djins ki vnat dud’ pus lon.
3,- A 4 EÜRES , 10 minutes du prandjîre pou siroter in bon cafè û ène putite doûceur, duvant d’ rataker la deujime mitan.
Vous plez toudis m’ outchî ou 061 51 11 33 (L.Baijot) û bin Mady (061 51 11 65), si vous vlez à sawè d’ pus.
Dju nous rafians du vous rvèy tourtoutres et tourtous à Bive lu mardi 2 d’ mey, à 3 eûres dul vespréye.
L.Baijot, dul Soce M. d’Orchymont, prèsidante du l’UTAN |
|