|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3692 Eplaeçmint: Sidi Smayil, Marok
|
Date: vén 11 nôv, 2016 21:36:26 Sudjet: CETA: dijhoz l' vosse |
|
|
Djan et Pablo m' avént ddja dné sacwants idêyes li 22 d' octôbe.
Elzès ploz rmete vaici ? _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3692 Eplaeçmint: Sidi Smayil, Marok
|
Date: vén 11 nôv, 2016 21:41:04 Sudjet: |
|
|
Citåcion: |
Djåke Desmet
Tot-z-èmantchant leûs-istwêres di Tafta, Ceta, èt cétèra, il avîn' pinsé : "Nos n' mètans nin pinde nos loques à dès si bassès-âyes." Mins volà, por on côp l' batch a r'tourné su l' pourcia : po combin d' timps, dji nè l' sé nin, quéquefîye bin qui d'mwin, gn-arè dèl manôye qu'arè tchandjî d' potche !
Maujeni |
_________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3692 Eplaeçmint: Sidi Smayil, Marok
|
Date: lon 28 nôv, 2016 15:25:26 Sudjet: |
|
|
Des idêyes:
* Magnete a-t i fwait çoula oniestrumint ou djusse po mostrer å federå ki l' Walonreye (ou les socoalisses) avént co åk a dire
* Il a stî aplodi påzès Francès Marine Lepenne et pa Mélanchl' dion: portant ci n' est nén des djins k' il ireut boere ene cråssepinte avou zeles li dimegne !
* les gaztîs ont i stî serieus; n' ont i nén fwait diåle pus noer k' i n' esteut ? N' ont i nén minti ? (OGM, vatches ås trôs-båkete el panse, risse d' on "tchvå d' Trwè")
* A-t i wangnî ou pierdou al fén ? _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3692 Eplaeçmint: Sidi Smayil, Marok
|
Date: dim 04 dec, 2016 13:52:08 Sudjet: |
|
|
Mi papî, asteure (dji rcandje a fwait k' dj' avance)
Li Walonreye a-t ele magnî des spinasses ?
Jacques Desmet :
« Tot-z emantchant leus istweres di Tafta, Ceta, et hay vos nd åroz, il avént pinsé : « Nos n’ metans nin pinde nos lokes a des si bassès håyes. » Dj’ ô bén les ptitès djins ou les ptits payis d’ l’ Urope. C’ esteut l’ Comission el grand mwaisse do djeu.
Mins vola l’ cayet : po on côp, li batch a rtourné su l’ pourcea. Et Magnette a divnou cnoxhou lon et lådje. Come li blanc leu. Po cobén d’ timps, dji n’ è sai rén. Kécfeye bén k’ ça va resse emantchî come des ceréjhes so on baston... paski gn årè del manoye k’ årè candjî d’ potche ! » (fén d' ridjhaedje).
Li paskeye do CETA
Loukîz a:
https://wa.wikipedia.org/wiki/Acoird_economike_et_comier%C3%A7%C3%A5_glob%C3%A5_(Union_Uropeyinne-Canada)
Les acoirds di libe comiece, c' est ene sacwè al môde totavå l' Daegne dispu les anêyes. Li Beldjike fourit ene des prumires avou l' Benelusse (1949). Pu li Cmon Martchî a 6 (1957).
Mins dispu l' 21inme sieke, c' est des pus nouzomès sacwès. Insi, l' Union Uropeyinne a 28, l' ALCAB (Acoird di Libe Comiece di l' Amerike bijhrece, inte les Estats Unis, Canada et Mecsike). Les Aziyatikes et les Afrikins ont shuvou bagaedje.
Adon-pwis, on nd a volou fé des etercontinintås. Li Tafta (Urope EU), ki Djåke dit cial ådzeu, a bråmint pestelé, divant d' esse abandné. Adon, les Uropeyins ont martchandé avou les Canadyins.
Mins gn a yeu des arokes. On a fén sogne ki les grossès måjhons d' comiece amerikinnes ni vegnnuxhe fé leu lwè et taper a l' abat les lwès des payis cwand ele disbrôlèt leu håsse di rfé des liårds [vont à l'encontre de leur appât du gain].
Magnete, èn ancyin prof di syince-po a l' ULB a studyî les tecses di l' ALCAB dispu 7 ans. I trova ki les djudjes k' alént esse metous po les margayaedjes n' alént nén esse neutes.
Carculaedje politike ?
Nén rovyî ki les socialisses ont stî rboutés å federå. Gn a k' les liberås vaila come Walons. Come les socialisses sont mwaisses el Walonreye, eyet k' li lwè bedje permete ås redjons di dire li leur dins les acoirds di comiece inte payis, ci fourit, metans, ene hinante ocåzion di mete des xhames el voye do govienmint d' Brussele.
Si on rwaite les cis ki disfindît l' acoird, on trove djustumint les cis do govienmint federå : Louis Mitchî ki s' fi est prumî minisse, Didî Rénnderse, minisse des afwaires difoûtrinnes, et les economisses loyîs å PLP.
Dins les cis ki sotnît Magnete foû payis, des comunisses come li Francès Melanchon, des ôtmondiålisses come l' ôte Francès Bovet. Des cinsîs bedjes eto. Ey ene grande pårt des Walons, di tos les liveas sociås et clintchas politikes, tot fir ki leu ptite patreye mostere li voye do rendalaedje do bata [retour de balancier] del mondiålijhåcion. _________________ Li ci ki n' a k' on toû n' vike k' on djoû.
Candjî pol dierin côp pa lucyin, li dim 04 dec, 2016 19:16:14; candjî 7 feyes |
|
Rivni al copete |
|
|
lucyin
Date d' arivêye: 2005-07-07 Messaedjes: 3692 Eplaeçmint: Sidi Smayil, Marok
|
|
Rivni al copete |
|
|
djan-djan
Date d' arivêye: 2007-07-22 Messaedjes: 266 Eplaeçmint: Mont-Sint-Gubert
|
Date: dim 04 dec, 2016 19:26:18 Sudjet: |
|
|
On pout pinser çou k' on vout di çou k' a fwait Magnete et çou k' il aveut padrî l' tiesse. Mins gn a ene sacwè d' seure enute : les ptitès djins pinsnut todi dpus ki les estats sont-st ås mwins d' ene "casse" di grandiveus ki n' schoûtnut k' les patrons et pinsnut tot sawè mia kel pitit peupe.
C' est po çoula k' Donald Trump a wangnî ås Estats-Unis, ki Le Pen asaetche les francès et k' les inglès on vôté pol Brexit.
D' on costé les pouxhants ås botes des ritches : Clinton, Merkel, Michel, Hollande. Di l' ôte costé nolou, såf des populisses.
Berdeler di ces acoirds la dins des sålons d' l' Union a Brussele et dire après ås pårlumints k' i n' ont k' a dire åmen, c' est evoyî les djins ezès bresses des populisses.
Çou k' a stî fwait pal pårlumint walon c' est çou k' i fåt fé pus sovint s' on vout k' les djins croeynuxhe el democraceye. Nos avans des droets et i les fåt eployî cwand i fåt.
Magnete n' est nén l' schapeu del democraceye. C' est on politikî k' a odé l' bon côp. Mins il a fwait bodjî les lenes. _________________ Mi copiutrece cåze walon -> http://walotux.walon.org |
|
Rivni al copete |
|
|
lucyin
Date d' arivêye: 2005-07-07 Messaedjes: 3692 Eplaeçmint: Sidi Smayil, Marok
|
Date: dim 04 dec, 2016 22:19:40 Sudjet: |
|
|
Gråces, Djan. Dji remantche mi epådjnaedje por vos dire li vosse. _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|