|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Reptilien
Date d' arivêye: 2017-07-01 Messaedjes: 265
|
Date: sem 02 dec, 2017 17:25:29 Sudjet: [OK] cavale/cavaye |
|
|
Comint çk' est veyou li mot « cavaye » e rfondou : come on sinonime di « cavale » u bén come ene variante ortografike do minme mot ?
Dins l' DTW li mot « cavaye » est veyou come ene variante ortografike di « cavale », mins on trove « a cavaye » u co « cavayî » a costé di « cavalreye » et « cavalirmint/cavayirmint » (nén co rfondou).
Dins E1 c' est parey, li mwaisse intrêye c' est « cavale » avou « caval'rèye » mins « a cavaye » et « cavayîr », tot come dins O4 wice k' on trove li mwaisse intrêye « cavaye » mins « cavalièr'mint », « cavalié » (a « chîléye », « (è)sporon ») et « caval'rie » (a « toûr »).
Dji n' sai nén cwè pinser : fåt i dire « a cavaye » u « a cavale » / « cavayî » u « cavalî » ? |
|
Rivni al copete |
|
|
lucyin
Date d' arivêye: 2005-07-07 Messaedjes: 3697 Eplaeçmint: Sidi Smayil, Marok
|
Date: dim 03 dec, 2017 20:37:01 Sudjet: |
|
|
Merci d' awè metou les dnêyes noer so blanc.
Ci n' est nén l' prumî côp k' on a cisse rujhe la (l <> y); c' est po çoula k' on aveut volou ahiver on betchfessî lh,
https://wa.wikipedia.org/wiki/C%C3%A5zu-betchfess%C3%AE#li_c%C3%A5zu-betchfess%C3%AE_LH
Mins i n' a nén passé, dandjreus pask' il aléve amoenner des scrijhas "nén ordinaires" po ene rîlêye di mots foirt corants (toele, stoele, tchandele...)
Voci, fåreut raspepyî les motîs, mins dins li Ptit ALW, c' est l' cogne "cavale" k' est dnêye po li stindowe do mot.
Si on clawe des rfondowes po cavale / cavalî, i fåreut ossu decider po:
* fr chevalier; mi - dit-st i l' fô - dji sieve : tchuvalî
* tch(i)valî po "palefrenier"
* tch(i)valet po "chevalet" (tchivolet dins les motîs d' Lidje)
Po "cavalier", gn a on 3inme "tokeu a l' ouxh" [candidat], cavlî (k' a dné l' no d' famile Cavelier).
On pôreut eto wårder cavale come mot ordinaire + cavaye come mot d' efant => a cavaye = a dadaye (kécfeye ki c' est l' deujhinme k' a assaetchî l' prononçaedje do prumî). _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3697 Eplaeçmint: Sidi Smayil, Marok
|
Date: lon 04 dec, 2017 21:39:09 Sudjet: |
|
|
PALW 3 [G303] hagnon 7
cavaye: djusse ene pårteye do Coûtchant walon, mins continowe so mon les Picårds.
tot l' restant del Walonreye: cavale. apus ki sacwants rondions dins l' Årdene nonnrece (k' a li rfrancijha "jument").
Li mot n' est nén vî: i vénreut d' l' itålyin u d' l' occitan, payis k' on lzî vindeut ddja des tchvås d' avår ci (li mot aparexhe a pårti di 1643 dins li scrîta). Divant, c' esteut li vraiy walon po "jument": djiminte (Vî scrijhas: jumente, jumente, gemente, jumain, giment, acertinés dins les papîs d' notåres lidjwès disk' e 1775.
==> cavale
cavlî (= °cavele, pu spotchaedje do e + cawete -î) (c' est ene sorwalonde, on nel trovrè motoit nén ezès motîs).
=> cavlirmint
cavaler, cavalaedje, cavalcåde, cavalreye (des calcaedjes do francès, mins åjheymint ristitchåves dins l' walon)
SINS rovyî li sinonime "poûte" => poûtrin, poûtner (C103) (a-z aveuri). _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3697 Eplaeçmint: Sidi Smayil, Marok
|
Date: lon 04 dec, 2017 21:53:28 Sudjet: |
|
|
polén <> polin ?
E165: polé : tos les mots insi dins E165 sont rfondous avou l' betchfessî -én. _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: vén 15 dec, 2017 18:39:54 Sudjet: |
|
|
I va po:
* cavale
* cavaler et s' famile
Mins on-z a "cavlî" et cavayî(r).
On mitan voye sereut di rfonde "cavalî", çou ki wåde li "a" purade ki fé ene rilêye a pårt, eyet fwait on parint erilé "cavalirmint" ki va bén avou les disfondowes k' egzistèt po do bon. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: vén 15 dec, 2017 18:45:50 Sudjet: |
|
|
lucyin scrijha: |
* fr chevalier; mi - dit-st i l' fô - dji sieve : tchuvalî
* tch(i)valî po "palefrenier"
|
pocwè ndè fé deus mots?
Oyi, c' est des sinses et des liveas d' lingaedje diferins, mins l' contecse pôreut fé l' diferince, come po "drapea"
Notez djustumint ki po drapea, disk' a nén si lontins, i gn a veut drapea seulmint pol vî sinse (ptit boket d' drap, po netyî des mannestés ou rafaxhî on påpåd) eyet "drapô" (=fr drapeau).
Aveur "tch(i)valî" et "tchuvalî" (nén spotchåve) c' est por mi l' minme afwaire, prinde èn epront francès pask' on trove li mot walon d' minme bodje trop honteus...
Citåcion: |
* tch(i)valet po "chevalet" (tchivolet dins les motîs d' Lidje)
|
tch(i)vålet dabôrd ? come "pårotche" ou "måjhone" |
|
Rivni al copete |
|
|
lucyin
Date d' arivêye: 2005-07-07 Messaedjes: 3697 Eplaeçmint: Sidi Smayil, Marok
|
Date: vén 15 dec, 2017 23:06:43 Sudjet: |
|
|
iva po tot:
* tchivalî 1. (spotchåve?) = palefrenier 2. (nén spotchåve) = chevalier
* cavalî, cavalirmint
* tchivålet; oyi, mins il assaetche tote ene famile a lu tot seu:
tchivolèdje (dj’volèdje), n. m. : Halage, action de tirer un bateau
tchivoler (dj’voler) (1), v. tr. : Haler, tirer un bateau
tchivoleû (dj’voleû) ; tchivoleûse (dj’voleûse), n. : Haleur, haleuse ; celui, celle qui tire un bateau
tchivolèt (dj’volèt), n. m. 1° Chevalet (peintre). 2° Trépied (buandière, etc.). 3° Appareil servant à transporter les cages d’oiseaux à la tenderie. → pwèrtå, tinde.
tchivolî (dj’volî), n. m. : Conducteur de chevaux de halage
==> çou k' est nosse tchivalî di dvant.
MINS todi dins Stasse:
tchivalêye, n. f. : Charge d’un cheval.
+ atchvaler (mete l' årmeure (roymint) inte les deus rowes po n' nén toumer dvins
dji wåde -al- dins l' DTW avou (-ål-). Decidez cwè. Fåreut awè ene "erîlêye rîlêye".
Fåreut aprume vey s' i gn a des -o- foû d' Lidje (dji n' a rén dins les ALW 4, 5 & 9, a pårt «djvolet» so on pont Ma (Måtche) _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|