Berdelaedjes

[lucyin]

Al pèche

Djôzèf a dès dificultés po raminer l’pèchon qu’i vént dè fèrer….Louwis lî dit :

- Crènom, Djôzèf, ci dwès y- èsse one fameûze bièsse !

- Ça dèpand…

- Ça dèpand d’ qwè, don ?

- Si dji l’apîce, ou bén s’i spite èvôye

- Kimint ça, si ti l’apîce ou bén s’i spite èvoye ?

- Sûr hin ça : si dji l’apîce, i dwèt bén fer dès lès trwès kulos

- Èt si ti n’ l’apice nén ?

- Adon, c’èst qui l’bièsse pèseûve bén l’dobe !
_________________
Li ci ki n' a k' on toû n' vike k' on djoû.

[lucyin]

L’alcool ?….qu’con serve !


Li mayeûr dimande à Djôzef qui vint d’aveûr 100 ans :

- Kimint avéve fêt, don vos, po viquer ossi vî ?

- Di tote mi vèye, dji n’a måy bu ine gote di pèkèt !....

- A c’moumint-là, on-z-ètind on disdut di tos lès diåles èl plèce d’a costé.

- Què s’passe-t-i don, dimande-t-i l’mayeûr ?

- Oh, ci n’èst rin, disti Djôzèf, c’èst m’popa qui rinteûre crèvé sô…come d’åbitude.
_________________
Li ci ki n' a k' on toû n' vike k' on djoû.

[lucyin]

Çou qu’i fât !

C’èst Batisse qui va viziter Brussel èt i boute si vélo conte li meûr dè Pårlemint.

Directumint, i n’a on sôdård qui broque sor lu po lî dîre :

Éh là, mon cadet, alez don on po pus lon avou vosse vélo ; chal, vinèt dès Minisses, dès Dèputés, dès Sénateurs èt co bråmint dès ôtès djins dèl Hôte…

- Oh mins, rèspond-i Batisse, dja tot çou qu’i n’a mèsåhe, savez : eune grosse tchin.ne èt on bon lokèt…
_________________
Li ci ki n' a k' on toû n' vike k' on djoû.

[lucyin]

André Mottet

15:12 (il y a 6 heures)

À moi

Tot, tot, tot…tot ?



Li mêsse di scole èsplique å èfants qu’i n’a dès pôves èt dès ritches.

- Mi popa èst ritche, distèl li p’tite grandiveûse di mon l’Bètchu, il a eune grosse ôto, on PC,..on GSM,..eune tchin.ne Hi-FI, èt eune breûse à dint à l’èlectrike…

- Mins a-t-i on batê ?, dimande-t-i l’mêsse.

- Euh, nènni…

- Mi popa ènn’a onk, disti l’grand Nèss..di mon l’Pèlé ; il a eune grosse ôto, on PC,..on GSM,..eune chin.ne Hi-FI, eune breûse à dint à l’èlectrike, èt on batê.

- Mins a-t-i on arèyoplane ?, dimande-t-i l’mêsse.

- Euh, nènni…

- Come vos l’vèyez, mès èfants, on n’pout nin tot aveûr, disti l’ Mêsse.

- Siya, siya, disti li p’tit Louwis di mo Bardoûhe, mi popa, lu, il a vrèy’mint tot…

- Kimint don çoula, il a vrèy’mint tot ?

- Èh bin..volà, sèm’di passé, qwand mi grande soûr a volu lî présinter s’galant…m’popa a dit : i n’nos manquéve vrèy’mint pus qu’çoula.
_________________
Li ci ki n' a k' on toû n' vike k' on djoû.

[lucyin]

Erreur aux Pompes funèbres

Batisse vént dè moru ; li Curé mousse èl mohone :

- Mon Diu, pôve Batisse, on si brâve ome, bon parwèssyin, on vrèye crètyin, bon po s’fème èt sès èfonts, quén målheûr, quén målheûr…

- Eh gamin, distèl li fème, rote eune miyète à galop veûye si c’èst bén vosse popa qu’on-z-a mètu èl kësse !
_________________
Li ci ki n' a k' on toû n' vike k' on djoû.

[lucyin]

Centenaire… !

Li mayeûr lî d’mande :

- Insi, vos avoz passé tote vosse vîye è vosse viyadje ?

- Nén co, mayeûr, nén co…
_________________
Li ci ki n' a k' on toû n' vike k' on djoû.

[lucyin]

Maladie di gnièr [névrose]

- Donèt- èles brâmint dè lèscia vos vatches ? dimande-t-i l’tourisse à Batisse

- Li quëne : li blanke ou l’nwère ?

- Bin, heu…li blanke !

- Ah bin, li blanke, èle donne trwès sèyas tos lès djous

- Èt l’nwère ?

- Parèy,… trwès sèyas tos lès djoûs

- Mins, qwè-ce qui vos ’lzîs doner à magnî ?

- Al quëne : al blanke ou al nwère ?

- A l’ blanke

- Dji lî done dèl fourèye èt dès fouyes di pétrates

- Èt l’nwère ?

- Parèye… dèl fourèye èt dès fouyes di pétrates

- Këbin pèsèt-èles, vos vatches ?

- Li quëne : li blanke ou l’nwère ?

- Li blanke

- 600 külos

- Èt l’nwère ?

- Parèy, 600 külos

- Mins, sacrè nom, poqwè todi d’mander si dji côze dèl blanke ou dè nwère, adon qu’i n’a noule dëférince inte lès deûs ?

- Pace qui li blanke, c’èst d’à mi !

- Ah bon….èt l’nwère ?

- Parèy, c’èst d’à mi ossi.

[parèt qu’on a dèvu ap’ler l’ambulance]
_________________
Li ci ki n' a k' on toû n' vike k' on djoû.

[lucyin]

L’INSPECTION

L’èvèque fève si tournêye èt toume al vièsprèye dilé l’curé d’on tot p’tit viyèdje.

- Ainsi, vos n’avez qu’ine tchambe ! disti å curé.

- Awè, Moncheû l’Evèque, nosse parotche èst bin trop pôve po fé lès frês d’ine deûzème tchambe…

- Mins vosse chèrvante, wice dwème-t-èle ?

- Nos dwèrmans è min.me lét, Moncheû l’Evèque, mins avou l’ grand tchin inte di nos deûs, savez !

- Awè, mins qwand vos avez ine tèmtåcion, què féve ?

- C’èst tot simpe, èdon…qwand ça m’arive, dji potche djus dèl bèdrèye , dji sortihe fou dèl mohone èt dji fê treûs fèye li tour di l’èglîse,…èt ça passe.

- Èt qwand c’èst vosse chèrvante qu’ a ine tèmtåcion… ?

- C’èst parèye, èle potche djus dèl bèdrèye, èle sortihe fou dèl mohone èt èle fêt treûs fèye li tour di l’èglîse,…èt ça passe.

- Èco ine tchance qui lès tèmtåcions n’arivèt nin è min.me timps !

- Oh, ca arive co bin …

- Èt què féve adon ?

- Nos vôyans l’ tchin fé treûs côps l’tour di l’èglise.
_________________
Li ci ki n' a k' on toû n' vike k' on djoû.

[lucyin]

L’apurdice !

Arive li djoû qu’èle lî dit anfin :

- Lèyon, dji songje todi qui, qwand nos cougnans, ’ i n’a on grand nègue qui rènêrîhe li tchambe avou dès grandès foyes di bananî !

- N’èst rin, disti Lèyon, dimin dji d’mand’rè à Ziré, on grand neûr nègue di mon Dinrèyes-coloniales dè v’ni avou çou qu’i fåt.

Al nut’, is ataquèt li novèle métôde, mins ça n’va nin mî qui d’avance.

- I fåreût mutwè discandjî lès rôles ! distèl.

Lès deûs omes candjèt d’plèce… èt an-èfèt, come par hazård, vola qu’èle atrape on plêzîr di tos lès diåles èt qu’ i lî fåt on gros qwart d’eûre po s’ ravu.

Lèon, qui n’èst nin gade :

- Avève bin vèyou asteûre, Ziré, kimint qu’i fåt heûre lès foyes di bananî ?
_________________
Li ci ki n' a k' on toû n' vike k' on djoû.

[lucyin]

Attention …danger !

Lés politiciens, c’èst po l’pus sovint dès bardouhîs, mintêurs èt min’me malônêt’…èt dès cops qu’i gna, dès assassins. Vo alez veûye :

D’javeû on mounonke qu’ aveût sès 100 ans. - vèridique : F.Libioulle à Hemptinne 1898-1999.

Volà l’mayeur qui lî dit :

Fernand, nos savons bén qui vos avoz l’abëtëde dè bwère on vêre di vin tos lès djous èt qui c’èst todi do bon Bordeaux….èt bén, po vos 100 ans, li commune a dècëdë di vos ofrî one kêse di Bourgogne !

Çà n’a wêre deuré… quat’ mwès après, i l’èstot mwart.
_________________
Li ci ki n' a k' on toû n' vike k' on djoû.

[lucyin]

Sov’nance



Li djoûrnèye vint à prume d’ataquer,

Èt dédjà, èle èst oute !

Vola sih eûres, i fêt neûr.

Li samin.ne vint à prume d’ataquer,

Èt dédjà, èle èst oute !

Nos èstîs londi, vos nos la vinr’di.

Èt l’meûs èst cåsî oute,

Èt l’annèye èst cåsî oute,

Èt m’vèye èst cåsî oute,

Èt 40, 50, 60 annèyes di noss’ vèye sont passèyes

Èt l’on tûze à tos lès ciss’ qui sont èvôye,

Qui nos avans pièrdou :

Li parintèye, lès vwèzins, lès amices,

Èt l’on tûze qu’il èst trop tård…

Trop tård po rimni èn-èri.

Adon,…loukangn’ mågré tot dè profiter dè timps qui nos d’meûre

I n’a co tant à fer avou plêzîr

I n’a co tant d’sorîre à mostrer

I n’a co tant mwèyin dè rîre

Profitez dè timps

Sins dîre : dj’èl f’rè d’min !

Ca après…

Li cafè rifreûdihe

Li santé s’aflåwihe

Ca après…

Lès èfants crèhèt

Lès parints dimnèt vîs

Ca après…

On rouvèye lès sièrmints

On candje sès idèyes, sès gosses èt sès coleûrs

Ca après…

L’êre dè djoû divint vèsprêye

Li vèye arrive à s’swèrêye

Èt après, il èst sovint trop tård…

Nènni ! Ni lèyans rin å rés’

Djan, tchèye-è-l’êsse !
_________________
Li ci ki n' a k' on toû n' vike k' on djoû.

[lucyin]

Pôvès bièsses

A Anvers, l’ome dè zoologëke si mète à brêre :

- Menér, méner, ton fème tombèye dins le fosse avé lès lîyons…

- Hoûtez bén, bråve ome, vos n’avoz qu’à wêtî à vos bièsses èdon,…tant pire por zèles
_________________
Li ci ki n' a k' on toû n' vike k' on djoû.