Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Rapoirt des raploûs del soce des rcåzeus

 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2718
Eplaeçmint: Sidi Smayil, Marok

PostDate: vén 13 dec, 2019 21:14:22    Sudjet: Rapoirt des raploûs del soce des rcåzeus Responde tot citant

Rapoirt des raploûs del soce des rcåzeus del Bassårdene

Rapwört dou 19ime raploû :

Astins la : Artur Schmitz, Îves Rollin, Marîye-Louwîse Lequeux, Djan-Marc Delrez, François Delvaux, Lèyon Cravatte, Lorint èt Alice Hendschel, Mme Andréye Bacq, Îves Gourdin, Victor Chardome, Gérard Collignon, Bernard Louis, Îves Paquet, Josèf Lahaye, Rêmond Zachary, Hanri Lepage, Louwis Baijot, Mariète Antoine, Gabriyèle Renaud, èt Pière Otjacques.

N'ont seu vnu : Mimile Pêcheur, Marsèl èt Anne-Marîye Bertrand, Lucyin Mahin, èt lès cés k'ont oyu dès rûjes avu la nîve : Châles Bentz, Josef Bily èt Willy Leroy.

-Al prumîre tålêye, Artur nous è cåzé dès chîches d'ènute èt des chîches d'èrsè (vous lîrez l' tècse du rèflecsion k'il è fwêt la-dsus, al pâdje 2).

-Al deujime tålêye, Îves nous è prèsanté les dictons du calandrier, ki anoncèt l' tins, ûdon lès fiêsses dès campagnes. D'après les dictons francès rassan.nés pa nosse mon.neu, tchèkin lès è polu mète an walon, èt d'ner les spots èt les dictons d' sa réjion. Dju-v dène les kékes chûvant d' mémwâre :
• "Bîje du Påkes, bîje du Pencosse, bîje toute l'anêye."
• "Cand l' mwès d'octöbe est bin flori, l'ivêr nous frè soufri."
• "Si l' solê rimougne li nîve, i l' rinådrè" -ça vu dîre k'i plûrè-
• ....èt brâmint d'z-ötes...
• In dêrin pou rîre d'après Îves R. : "li bîre di Purnode, li pus' ku t' è bwè, li pus' ku tu r'nåde" !
C'astot ossi l' moumint d' cåzer des pèl'rinadjes ; Mme Bacq nous conte k'a Sinte Brîe (Sinte Brijite d'Irlande), "c'est l' djoû k' les cinsîs font bèni leûs baguètes", i v'nèt a mèsse avu des baguètes du cörî k'i pèlèt, adon èle sont bènîyes ,pwles djins lès tapèt conte les mèrs an f'jant l' toûr du l'èglîje.
-Lu raploû ki vint, su f'rè lu 21 d' mârs toudi å Foyer dul culture du Bèrtrès a 2 eûres dul vèsprêye.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci



[ Di dvant | Shuvant | A l' astcheyance | Djivêye ]

Cisse pådje est mimbe di l' anea RingSurf des waibes e walon.

[ Passer 1 waibe en erî | Passer houte do shuvant | Les 5 shuvants ]


Powered by phpBB © 2001 phpBB Group