 |
Berdelaedjes
Forom di berdelaedjes e walon, so tot l' minme ké sudjet
|
| Vey sudjet di dvant :: Vey sudjet shuvant |
| Oteur |
Messaedje |
lucyin
Date d' arivêye: 2005-07-07
Messaedjes: 3771
Eplaeçmint: Sidi Smayil, Marok
|
 Date: dju 15 awo, 2013 18:26:10 Sudjet: [OK] houwer; ahouwer <> schouwer, aschouwer |
 |
|
aschouwer = rifondaedje atåvlé dins Gabriyel et Gabriyel, tot s' rashiyant so ene parintêye di schô (latén scutum); mins c' est on tayon-bodje francike !
http://wa.wiktionary.org/wiki/houwer
http://wa.wiktionary.org/wiki/ahouwer
_________________
Li ci ki n' a k' on toû n' vike k' on djoû.
Candjî pol dierin côp pa lucyin, li dju 05 awo, 2021 14:45:53; candjî 1 feye |
|
| Rivni al copete |
|
 |
Pablo Saratxaga
Site Admin
Date d' arivêye: 2005-07-01
Messaedjes: 1162
Eplaeçmint: Oûpêye
|
| Date: dim 06 dec, 2020 19:27:37 Sudjet: |
|
|
| Citåcion: |
| mins c' est on tayon-bodje francike ! |
adon i fåt rsaetchî l' "etimolodjeye latene".
Dji n' sai nén vormint 'l etimolodjeye do mot;
mins ahouwer mi shonne clairmint esse houwer avou l' betchete a-
Li sinse di houwer c' est d' bodjî po s' mete foû d' ene plaece ou d' ene voye.
ahouwer dabôrd c' est l' minme sacwè, eviè l' cåzeu, oudonbén li "metaedje a fé", dj' ô bén fé fé l' ahouwaedje.
Did la li sinse d' esse foû dandjî, pask' on si houwe evoye do dandjî.
C' est nén si mete sol schô d' ene djin po-z aveur si proteccion (dj' ô bén, dimorer sins bodjî a ene plaece wice k' on est foû dandjî) mins on mouvmint po-z esse evoye do dandjî.
Dji n' voe nén vormint ene idêye di mouvmint avou l' bodje "schô"... |
|
| Rivni al copete |
|
|
Djor
Date d' arivêye: 2005-07-02
Messaedjes: 240
Eplaeçmint: Sint-Serwai
|
| Date: vén 28 may, 2021 15:11:03 Sudjet: |
|
|
Aschouwer.
Po cmincî, li latén "scutu-" a dmeuré dins les lingaedjes romans, mins il a passé eto ezès tixhons.
E walon, li "t" etur deus voyales s' a fwait "d", poy "ð", poy "w/y". Cwand l' latén a yeu ene dobe voyale, ele s' a wårdé e walon. Mins po "scutu-", elle esteut simpe: adon "schô" et "aschouwer". Li mot egzistêye e roumin eto, "scuti" (avou chandjmint "-are" -> "-ire", foirt corant), et dins les lingaedjes iberikes:
https://fr.wiktionary.org/wiki/escudar
Si nos mots walons årént vinou do flamind, li "t" si sereut årdé: **"aschouter".
_________________
Li walon n' est nén d' l' esperanto. |
|
| Rivni al copete |
|
|
lucyin
Date d' arivêye: 2005-07-07
Messaedjes: 3771
Eplaeçmint: Sidi Smayil, Marok
|
| Date: dju 05 awo, 2021 14:42:40 Sudjet: |
|
|
come dedja dit, li rfondaedje si rashît so les cognes K' I GN A E WALON. S' i gn a nole traece di chouwer / scouwer, fåt leyî "ahouwer".
On a ddja metou, divinltins, come mwaisse rîle do rfondaedje, k' on n' fwait pont d' "etimolodjeye-ficcion" (po des calcaedjes do francès <> minme mot s' il åreut vnou do latén direk e walon).
_________________
Li ci ki n' a k' on toû n' vike k' on djoû. |
|
| Rivni al copete |
|
|
Djor
Date d' arivêye: 2005-07-02
Messaedjes: 240
Eplaeçmint: Sint-Serwai
|
| Date: vén 06 awo, 2021 13:59:29 Sudjet: |
|
|
| lucyin scrijha: |
| S' i gn a nole traece di chouwer / scouwer |
Siya. Motî Arî Tchårlî: "scoû", "choû". Schouwai, c'est dabôrd mete on schô po waranti ene sakî ou ene sacwè. Aschouwer, c'est l'minme, foirt avant po l'djin ki cåze.
E latén: "scutum", poy did la i gn a l' viebe "scutare" ki dene li pårticipe "scutatus":
http://ducange.enc.sorbonne.fr/SCUTATUS
Eto "scutere" = "aschouwer":
http://ducange.enc.sorbonne.fr/SCUTERE2
Si l'mwaisse-mot est rfondou dins les régues, les coxhes do mot eto. Metans, Hinnôt & Nam. causer, mins ça n'egzistêye nén à Lidje; tolminme a Lidje i gn a cåse. I sont del minme famile. Adon l'viebe si scrît come li sustantif. Ou: a Lidje ons a bén hiteroûle, ôte pårt ch-, mins nole pårt sk-. S'on shurreut l'régue aveulmint, on scrireut xhitroûle. Tolminme, on scrît schitroûle, veyanmint ki c'est ene coxhete foû d' "schite", et l'mwaisse-mot egzistêye avou sk- après Nivele.
| Citåcion: |
fåt leyî "ahouwer".
On a ddja metou, divinltins, come mwaisse rîle do rfondaedje, k' on n' fwait pont d' "etimolodjeye-ficcion" (po des calcaedjes do francès <> minme mot s' il åreut vnou do latén direk e walon). |
Mwaisse, paret k'vos n'veyoz nén l'adire etur ficcion et erî-fjhaedje.
Ça, c'est l'ficcion:
D'ôte pårt, ça, c'est ene erî-fwaîte måjhon, mins avou do corant electrike et tot:
Et ça, des erî-fwaits motîs:
Po bråmint des mots des lingaedjes romans, les vîs motîs acdinént des erî-fwaits mots laténs, avou ene sitoelete, çou ki vout dire "erî-fwait, nén trové ezès scrijhaedjes". C'esteut co l'cas dins les anêyes 1990. Adon-pwis, li motî latén da Tchåle Ducange a arivé so eternete. Et djustumint, gn a ådvins tot plin di ces mots la, ki n'ont asteure pus dandjî di stoelete.
Li lidjeus /aħu'we:/, on sait bén ki divant l'mowaedje do 12e siéke, il esteut /sk/, minme a Lidje!
S'i gn a bén ene sakî ki fwait del "ficcion", c'est bén l'cea ki n'tént nén conte les rîles des pårlers do walon.
Si vos vloz rifonde insi, ahouwer, vos foircixhoz on pronoçaedje namurwès /a.u'we:/, /a'we:/, vêyanmint ki li pus grande pårteye des namurwès ni savnut dire /h/. Estô d'on pronoçaedje foirdjî, mea våt - e did lon - on erî-fwait!
_________________
Li walon n' est nén d' l' esperanto. |
|
| Rivni al copete |
|
|
|
|
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
