Berdelaedjes

[lucyin]

scrît dispu 2020 so Pays Condruze et Walon

FACEBOOK A SOGNE DI NOSSE BON VÎ WALON
Vos l’savez bin :
Po passer m’tins,
È walon dj’inme bin scrîre.
Por mi, c’èst come si dji d’héve ine priyîre !
Awè ! Priryî po qu’li walon vike,
Ma frike !
Mins dj’èware Facebook,
Cwand mès mèssèdjes i r’louke.
On djoû qu’onk dj’aveû publiyî,
Vochal li tècse qui m’ont-st-èvoyî,
Sint non di hu !
« Ce message est contraire à nos statuts.»
Èt i m’l’ ont r’fûzé !
Dj’a stu tot maké !
Di Facebook lès wêteûs
Crèyît qu’dj’ésteus dandj’reûs !
C’èst vrêye qui n’savèt nin çou qu’cèst l’walon :
I tûzêt qu’çou dji scrî è-st-on sècrèt djârgon.
Ptichote à migote,
Li walon on n’è l’kinohe cåzi pu gote.
C’èst po çoula qui, tot scrîyant
Èt tot m’amûzant,
Dji såye qui r’seûye bin vikant.
_________________
Li ci ki n' a k' on toû n' vike k' on djoû.