Berdelaedjes

Scribus electronicus · Date d' arivêye: 2024-03-30 Messaedjes: 358

Bondjoû,
Dji lé ki l' etimolodjeye di "schô" est li latén scutum et k' åreut dné "schoot" e neyerlandès... Shocked

Kimint espliker adon li tayon-bodje tîxhon *skautaz (sins piron parey).
Et les lingaedjes tîxhons "Schoß" (almand), l' islandès "skaut"?

https://en.wiktionary.org/wiki/Scho%C3%9F

Ci n' sereut k' ene peure atoumance ki l' mot ouxhe sorviké djusse amon nozôtes et n' ouxhe rén dné e vî francès...
Rolling Eyes

_________________
Araedjî waloneu prete a rvindjî si mancî lingaedje

Reptilien · Date d' arivêye: 2017-07-01 Messaedjes: 267

Bondjoû,

Dji n' a nén l' tins di spepyî l' sacwè come i fåreut, mins vos dvrîz lére çou k' on trove divins l' ALW 5, notule 94 « tablier », p. 198, pî-note 8 (droci) ; et l' FEW 3, p. 285, *excurtiare, pont 2 (drola).

Vos nos rvénroz dire çou k' vos av comprins Wink

Li walon schô k' åreut dné l' neyerlandès schoot, c' est come sayî di m' fé croere ki les poyes ponèt so les sås (SpG1, p. 388).

Scribus electronicus · Date d' arivêye: 2024-03-30 Messaedjes: 358

I gn a deus problinmes avou l' vî français"escors" (minme sinse),

1°) Sorlon les rûles do walon, on divreut ratinde li betchfessî oi (§corps/coir; mort/moirt, force/foice, corde/coide) et nén vey li "r" finå si spotchî.

2°)Les ôtes mots aparintés à "schô" (schôtlêye, schôtea) rapinsèt on tayon bodje del cogne *scot et nén *scor.

Pol cåze, li tayon-bodje latén et l' vî francès ont, d' leu costé, dné des mots-parints rishonnants e walon årdenwès (schorsoe) et dvins tos les ôte walons såf lidje avou schorsêye schorsêye [R13]; chorsêye [S0]; chourchéye [S38]; chôrchîye [O0]; choûchîye [C1]; chourchîye [C8]; choûrchîye [C13]; chwârchîye [O0
_________________
Araedjî waloneu prete a rvindjî si mancî lingaedje