Berdelaedjes

[Scribus electronicus]

Bondjoû,

Pinsez vs k' i sereut possibe do fé des dobbès rifondowes po ces deus mots?

Binåjhté est l' pus lådje oyowe (Walon do Mitan et do Coûtchant)
binaujetè [C1,C13,O2]; binaujté [C9]; binauchtè [C8]; binéj'tè [O0]; binéch'té [O4]; binéstè [O3

Mins binåjhisté (walon do Levant) sone pus "walone".
binåhisté [E1,E34]; binâhisté [E203]
_________________
Araedjî waloneu prete a rvindjî si mancî lingaedje

[lucyin]

Les cawetes -té eyet -isté ni sont nén pår les minmes.

Li cawete -isté (foû des noûmots la k' on a rcopyî ene cawete -ité do francès), c' est des mots ki n' s' eploynut ki dins des fråzes mouwreces (dins l' vî R9 dji scrijheu "fråze emocionrece".)

https://wa.wikipedia.org/wiki/Cawete_-ist%C3%A9

Bén espliké pa Rmåke, Sintake del Gléjhe, tôme I, pp 70.

(vos ploz eberweter l' live a pårti del pådje Wiki).

=> OYI, on pout awè binåjhté + binåjhisté; mins por mi, ci n' est nén des dobes disfondowes. "binåjhté" est neute, "tecnike"

Li binåjhté, c' est on sintimint ki shût li sûnaedje d' edorfenes [endorphines].

"binåjhisté" dins ene fråze come cisse-ciale:

Kéne binåjhisté, m' feye, cwand l' gamén a rivnou haitî !

=> on pout replaecî binåjhisté pa binåjhté, mins nén årvierdimint.
_________________
Li ci ki n' a k' on toû n' vike k' on djoû.