Pablo Saratxaga
Site Admin
Date d' arivêye: 2005-07-01
Messaedjes: 1222
Eplaeçmint: Oûpêye
|
 Date: sem 08 mås, 2025 13:35:19 Sudjet: Re: Déverbal |
 |
|
| Scribus electronicus scrijha: |
Kimint dire li contråve di "svierba"?
DISNOMA |
I m' shonnéve ki "s(i)vierba" c' est fr:déverbal djustumint (dj' ô bén, li mot k' est fwait a pårti d' on viebe, tot lyi rsaetchant li cawete di viebe, tot l' sicawant.)
Metans: viker -> vike, bouxhî -> bouxhe, taper -> tape, ...
(les sfwaits svierbas sont todi femrins)
Vos vloz dire : kimint dire "fr:dénominal" ?
Dji n' trouve nén l' mot francès foirt bon; fé on viebe a pårti d' on sustantif, c' est nén ene sacwè ki s' fwait tot rsaetchant åk, mins purade tot radjoutant ene cawete di codjowaedje.
....mmm, tot rwaitant les definixhas po fr:dénonimal, fr:déverbal, li betchete dé- n' a nén l' sinse di rsaetchî, mins di "deriver" :
* déverbal : fwait a pårti d' on viebe (tot radjoutant, ou tot rsaetchant des sacwès; li rzultat pout esse èn ôte viebe eto; eg: faire -> refaire)
* dénominal : fwait a pårti d' on sustantif.
I n' a nén, e walon, di ratournaedje des ces mots/sinses la.
* s(i)vierba : est pus spepieus: "substantif déverbal par suppréssion de suffixe verbal"
* s(i)cawa : mot (on dit nén l' sôre di croejhete; on svierba est ene sôre di scawa) fwairt tot rsaetchant des cawetes
* s(i)betcha : parey, mins tot rsaetchant des betchetes
Po les mots fwaits a pårti d' èn ôte tot radjoutant des sacwès, on eploye sovint "parintaedje, parintêye, parint"; ou co "deriver, derivaedje".
Pus spepieuzmint "acawer, acawaedje" po ene cawete.
Metans, so https://wa.wikipedia.org/wiki/Cawete_-aedje_2
| Citåcion: |
Li cawete -aedje 2, c’ est ene cawete -aedje acawêye a on no,
Les nos tcherpetés avou l' cawete -aedje 2 polèt esse riwaitîs come des colectifs do bodje.
|
Adon, i n' a pont d' mot po dire "mot fwait a pårti d' on sustantif" (et, dji n' trouve nén "fr:dénominal" foirt comprindåve do prumî côp);
purade ki d' ahiver on noûmot, ki riskêye d' esse ossu målåjhey a comprinde ki l' ci e francès ("disnoma", dji l' åreu yeu compris come "on mot k' esteut-st on sustantif et n' l' est pus...),
dire: "mot fwait [pa (manire di fé)] a pårti d' on sustantif" |
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
