 |
Berdelaedjes
Forom di berdelaedjes e walon, so tot l' minme ké sudjet
|
| Vey sudjet di dvant :: Vey sudjet shuvant |
| Oteur |
Messaedje |
Thedarkfly
Date d' arivêye: 2023-12-15
Messaedjes: 28
Eplaeçmint: Hu
|
 Date: mie 11 dec, 2024 12:38:05 Sudjet: Erirece durant deujhinme cogne |
 |
|
Bondjou tertos et tertotes,
Divins li rfondou walon d' asteure, i gn a deus cognes pol riwaitantès djins, notanmint po l' indicatif prezintrece : li prumire cogne e « -èt » et li deujhinme cogne e « -nut », dite Namurwesse.
Pocwè gn a-t i nén di deujhinme cogne po l' erirece durant, dite Lidjwesse, po les viebes des trokes ôtes ki li prumire ? Metans pol riwaitante djin, li prumire cogne pôreut esse « -eut » et li deujhinme « -éve » evnd. |
|
| Rivni al copete |
|
 |
Scribus electronicus
Date d' arivêye: 2024-03-30
Messaedjes: 356
|
| Date: mie 11 dec, 2024 15:11:20 Sudjet: |
|
|
C' e-st ene idêye.
S' on aveut stou vola trinte ans, dji vs årè motoit dné råjhon, mins asteure, çoula vôreut dire riscrire des scrijhaedjes des cintinnes d' eures å long, savoz.
C' est seur on decidaedje suddjectif, mins voste idêye end a l' air tot ostant, paret.
Ça fwait ki s' on fwait insi dispoy trinte ans, dji pinse ki c' est mî di dmani insi.
_________________
Araedjî waloneu prete a rvindjî si mancî lingaedje |
|
| Rivni al copete |
|
|
Èl-Gueuye-Noere
Date d' arivêye: 2019-05-13
Messaedjes: 206
Eplaeçmint: Tchålerwè
|
| Date: mie 11 dec, 2024 22:07:24 Sudjet: |
|
|
| Scribus electronicus scrijha: |
C' e-st ene idêye.
S' on aveut stou vola trinte ans, dji vs årè motoit dné råjhon, mins asteure, çoula vôreut dire riscrire des scrijhaedjes des cintinnes d' eures å long, savoz.
C' est seur on decidaedje suddjectif, mins voste idêye end a l' air tot ostant, paret.
Ça fwait ki s' on fwait insi dispoy trinte ans, dji pinse ki c' est mî di dmani insi. |
Ci n' est nén pask' el rifondou a stî grandmint decidé i gn a deus, virpus troes, dijhnêyes k' on n' pout pus rén candjî. Plamour k' adon des lingaedjes k' araedje serént moirts.
Houte di çoula, on-z a eto on dobe rifondaedje avou les cognes del troejhinme djin do pluriyal di l' indicatif futurrece. El kesse merite di sey aparfondeye.
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
| Rivni al copete |
|
|
Scribus electronicus
Date d' arivêye: 2024-03-30
Messaedjes: 356
|
| Date: dju 12 dec, 2024 14:24:40 Sudjet: |
|
|
| Citåcion: |
| Ci n' est nén pask' el rifondou a stî grandmint decidé i gn a deus, virpus troes, dijhnêyes k' on n' pout pus rén candjî. Plamour k' adon des lingaedjes k' araedje serént moirts. |
Cou k' dji voleu dire, veyoz vs, c' est ki dji n' so nén oblidjeymint conte, mins ki tot rfondaedje est dabîme e pårteye suddjectif, minme s' i gn a des manires ki dujhèt tolminme mî ki d' ôte.
Çoula fwait k' end årè todi des cis ki pôront trover a rdire et fé des propôzucion ossu, virpus sûteyes minme, mins i fåt tolminme trover ene cowerince et ene continouwité, paret.
Metans pocwè aveur tchoezi "ene" et nén "one" ou "ine"? Pocwè ni pou dju nén eployî mi "stu" lidjwès? I gn a toplin ds ôtes cas wice ki d' ôtes rifondaedjes årént stîs tot ossu dujhåves, mins si tertos cmince a tchipoter, on n' si saetchrè måy foû di l' oirbire, dai.
La ki dji so d' acoird do candjî, c' est cwand l' rifondaedje a stou fwait sorlon ene fåsse etimolodjeye ou sins cnoxhe d' ôtès fômes coinreces.
Insi, dj' a-st adiercî a fé candjî
tribouler (flotchreçmint raprepyî avou "bouler) a triboler
edoûler (flotchreçmint veyou come on rfrancixhaedje) a andoûler
naçale a naeçale
Pol cåze, on pout todi dvizer so l' emantchaedje di noveas betchfessîs.
Dj' aveu pinsé à
ù po l' oyon ou/u (metù po mètou et mètu)
zj po l' oyon ch/z (shizje po chîje et sîze)
y po l' oyon i/ë/u (ky po qui, quu et quë).
ei po l' oyon êye/îye (voleiye po volêye et volîye)
uo ou ö po l' oyon û/o (crexhuowe po crèhowe et crèchûwe)
qu po l' oyon k/kw (qwiter po quiter et quiter)
l' ewaereiye moirt dy l' åbe ky ns a quité ouy al shizje nos a djondù.
Mins dji n' so mi-minme nén foirt ebalé, ca çoula vôreut dire riscrire des cintinnes et des cintinnes di pådjes et fortcherdjî motoit li scrijhaedje di noveas betchfessîs.
_________________
Araedjî waloneu prete a rvindjî si mancî lingaedje |
|
| Rivni al copete |
|
|
Pablo Saratxaga
Site Admin
Date d' arivêye: 2005-07-01
Messaedjes: 1222
Eplaeçmint: Oûpêye
|
| Date: dim 15 dec, 2024 12:37:07 Sudjet: Re: Erirece durant deujhinme cogne |
|
|
| Thedarkfly scrijha: |
| Pocwè gn a-t i nén di deujhinme cogne po l' erirece durant, dite Lidjwesse, po les viebes des trokes ôtes ki li prumire ? Metans pol riwaitante djin, li prumire cogne pôreut esse « -eut » et li deujhinme « -éve » evnd. |
C' est nén l' minme afwaire.
Li tchuze di "-eut" (-ot, -at,...) ou "-éve" (-euve,...) c' est sorlon l' sôre di codjowaedje.
E rfondou (et surmint k' i gn a des plaeces wice ki c' est insi), li tchuze est d' aveur ci boket la sorlon li sôre do viebe.
* -er => -éve
* -î => -ive
* tos ls ôtes => -eut
C' est nén seulmint pol 3inme djin singulî, mins eto pol 2inme djin pluriyal: -ez/-îz/-oz; eyet pol suddjonctif -éxhe/îxhe/-oxhe; ...
On pôreut, c' est l' veur, accepter totes les variantes; mins c' est l' minme kesse ki po l' ortografeye, pocwè nén accepter eto "pwâre" ou "maizon" (a costé di poere et måjhon).
Li cogne -èt/-nut di l' ôte des costés, ci n' est nén djusse ene cawete diferinne, mins ça candje li bodje do viebe k' est eployî.
Ci n' est nén sorlon li viebe, mins sorlon l' redjon (et po tos les viebes).
I gn a deus cas :
* bodje A + cawete "voyale" ( sicrîte "-èt" e rfondou, mins ki rascovere -ant,-ont,-èt...)
* bodje C + cawete "N + voyale" (sicrîte "-nut" e rfondou, mins ki rascovere -nut,-nèt,-neut)
Cial c' est come pol cas des betchetes (s)i-/(e)s- ou r(i)-/(e)r-; i gn a deus manires di fé, ki candjèt foirt li cogne do mot; les deus sont acceptêyes (avou tchuze d' ene seule voyale emey li grande varyisté k' i gn a po do veur).
Mins etur "dji tchantéve" et "dji tchanteu" li mot n' candje nén ostant; li voye di favorijhî l' ricnoxhåvisté" do codjowaedje a stî shuvowe. |
|
| Rivni al copete |
|
|
|
|
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
