Berdelaedjes

[Scribus electronicus]

Bondjoû tertos,

Sereut i possibe ki "sacramèn'ter" vegne todroet d' on bodje latén "sacramentum" ?

Oubén ki l' viebe åye sitî influwincé pa d' ôtes viebes comme "låmèn'ter" ?

Coula esplicreut pocwè on n' trouve nole cogne "sacraminter".
_________________
Araedjî waloneu prete a rvindjî si mancî lingaedje

[Pablo Saratxaga]

Por mi oyi, ça vént do latén d' eglijhe.

I gn a des cognes "sacruminter"; mins ki m' shonnèt vni do francès.

Li tchuze del rifondowe est impôrtante pol codjowaedje.
Avou ene naziåle (-minter [m~Ete]) ça s' pout codjower avou bodje A = bodje B, la k' on a m-V-ter (eg: dji sacraminte)
Mins avou on "n" (-menter [mEnte]), on-z a m-V-nter, eyet l' bodje A diferin do bodje B (eg: dji sacramentêye).

Li viebe si trouve avou -menter dins deus gros lives di codjowaedje (Stasse et Gilliard);

Dji sereu do côp pol rifonde "sacramenter" :
1. pus lådje oyowe (4 motîs so les 5 k' i gn a dins l' intrêye do DTW)
2. codjowaedje atesté
3. aloyî a "menter" (ki m' shonne esse on disbetchaedje di "sacramenter")