Berdelaedjes

[Scribus electronicus]

Bondjoû, dai mes djins,

Dj' a stou ewaeré do vey kimint k' on-z aveut rfondou l' mot.

Li E1 et l' FEW mostrèt bén ki l' mot vént do latén palea*, mins il a a sortot stî cmaxhî pa l' alouwaedje fonetike po divni payîne/payîme pa assaetchance avou "payinne". Li cogne payèle foirt coinrece ou viye et shonne esse li temognaedje d' ene viye cogne k' egzistéve enawaire.

Les influwince des fåssès etimolodjeyes et les spotchîs aplacaedjes ni sont waire on marixhmint a coridjî, mins ene evolucion naturele. Veyoz eto lårmin'ter, hertchî, amandoûler et vos nd åroz.

Li vraiye fåsse etimolodjeye, c' est di cmaxhî payîne et payé-lét.

A m' shonnance, acmaxhî les deus etimolodjeyes, veyoz vs, çoula fwait potchî mi esprit di filologue foû de mes clicotes, paret.

On pout ossu s' ewaerer do vey on mot a troes pî la ki totes les cognes coinreces sont basteye so deus pîs et ki l' voyale nazåle n' aparexhe nole pårt

https://lecteur-few.atilf.fr/index.php/page/lire/e/190488

Come vzel poloz vey, li payîne/payîne veyanmint et d' å lon l' pus lådje oyowe, et, al copete do martchî, ene sorwalonde.


==== {{H|ortografeyes}} ====
{{Orto
| paiéle = E177
| paiéne = G0
| paiîne = G0
| païn = E212
| païnn = E203
| payéle = E1 (veyowe come èn arcayisse)
| payelinne = R10,R11:payelé
| payéne = E1
| payîme = AXhi
| payine = E200
| payîne = E1,E165,E167,E1,E170,E212b,MLej
|- = E2, E213
}}

Vola pocwè dj' atåvele PAYÎNE.
_________________
Araedjî waloneu prete a rvindjî si mancî lingaedje

[Pablo Saratxaga]

ça m' shonne bén d' adrame (et shure les disfondowes).

Vos vloz bén mete les racsegnes dins l' hagnon etimolodjeye des deus mots (payîne et payé-lét (k' i fåreut rifonde insi, dabôrd?)); dji freu les candjmints d' pådje.

Gråces