Berdelaedjes

[Scribus electronicus]

Pocwè aveur tchoezi nete, nete come e francès et nén net, nete k' est pus lådje oyowe ? Et ene sorwalonde, pol rawete ?
_________________
Araedjî waloneu prete a rvindjî si mancî lingaedje

[Pablo Saratxaga]

Dji n' sai nén si "net" [nE] est l' pus lådje oyowe po l' omrin (ça m' shonne esse mitan mitan);
mins l' prononçaedje del cossoune est å rvier di çou k' on-z a d' abitude
(ki c' est: oyåve å levant, moya å coûtchant; cial c' est l' contråve).

[Pablo Saratxaga]

Dj' a fwait kékes cweraedjes sol DTW:

1) addjectifs avou on femrin -ete, eyet ene disfondowe avou -è(t) : c' est tertos des -et, -ete; "nete" est l' seule egzepcion (so 33 di trovés)

2) addjectifs avou on femrin -ete eyet ene disfondowe avou -èt' (çou k' est eployî e Feller pol cogne omrinne, dj' ô bèn -èt'/-ète) : end a 4 :
* adjete : totes les cognes sont-st avou èn oyåve [t]
* vert, vete : i gn a-st ene disfondowe vèt', vète
* blet, blete : l' omrin a mitan mitan des disfondowes [blE] et [blEt]
* nete : idem, mitan mitan des disfondowes [nE] et [nEt]

i m' shonne k' oyi, ça dvreut shure li rfondaedje di blet, blete => net, nete.